\"Bəs proktoloq pəncərədən necə baxış keçirir?\"
Əməkdar artist Cavanşir Hadıyev Səhiyyə Nazirliyini tənqid edib.
“Ölkə.Az” xəbər verir ki, o, bu barədə “Facebook” səhifəsində paylaşım edib. Belə ki, ayağındakı problemə görə həkimə yollanan əməkdar artist qəribə hadisə ilə qarşılaşıb.
“Ayağımı göstərmək üçün poliklinikaya yollandım.Poliklinikanın həyətində, qızmar günəş altında çoxlu insan var idı. Sən demə, yeni göstərişə görə həkimlər xəstələrlə pəncərədən danışmalıdır. Deyirəm onlara tutaq ki, yaxşı, mən bir təhər pəncərədən ayağımı göstərdim. Bəs, proktoloq pəncərədən necə baxış keçirir? Deyirəm tüpürüm sizin səhiyyənizə də, səviyyənizə də. Hamı susur. Sağlamlıq haqqında kitabçamı sifətlərinə çırpıb, çıxıb , getdim. Heç kəs dinmədi”,- deyə o, yazıb.
Ölkə.Az
