“Beşiktaş” Türkiyə Super Liqasında yenə liderdir

“Beşiktaş” Türkiyə Super Liqasında yenə liderdir
00:30
14.04.2018
1241
İdman
A
Aprelin 13-də futbol üzrə Türkiyə Super Liqasının XXIX turunda turnir cədvəlinin üçüncü pilləsində qərarlaşan “Beşiktaş” komandası səfərdə “Akhisar” ilə qarşılaşıb.

"Ölkə.Az" xəbər verir ki, son çempion “Beşiktaş” rəqibini böyük hesabla məğlub edib - 3:0. Oyunun 20-ci və 49-cu dəqiqələrində Rayan Babel dubla imza atıb. Görüşün 48-ci dəqiqəsində isə komandanın ispaniyalı hücumçusu Alvaro Neqredo fərqlənib.

Bu qələbədən sonra xallarının sayını 59-a çatdıran “Beşiktaş” çempionatda “Qalatasaray” və “Başakşehir”i qabaqlayaraq lider olub.

Tur çərçivəsində aprelin 14-də “Kasimpaşa”- “Karabükspor”, “Yeni Malatyaspor” – “Alanyaspor” və “Sivasspor”-“Fənərbağça” matçları keçiriləcək. XXIX turun ən maraqlı qarşılaşması isə aprelin 15-də çempionluğa əsas namizədlər olan “Qalatasaray” və “Başakşəhər” klubları arasında oynanılacaq.

Hazırda hesabında 59 xal olan “Beşiktaş” çempionatın vahid lideridir. Eyni xala malik olan “Başakşehir” ikinci yerdə qərarlaşıb. “Qalatasaray” 57 xalla üçüncü, “Fənərbağça” 54 xalla dördüncü, “Trabzonspor” isə 45 xalla beşinci pilləni tutur.

Ölkə.Az

ŞƏRH YAZ
0

"Azərbaycan millisi təşkilatlanmış futbol sərgiləyir" — Litva yığmasının baş məşqçisi

19:26
Bu gün
17
İdman
A
"Bakıda olmaq xoşdur. Uzun yol qət etdik, yorğunuq. Amma yoldaşlıq matçı olsa da, çox ciddi hazırlaşırıq. Növbəti seçmə mərhələnin görüşləri üçün futbolçulara baxırıq. Hər iki komanda AVRO-2020-nin seçmə mərhələsinə məğlubiyyətlə başladı".

"Ölkə.Az" report-a istinadən bildirir ki, bunu Litva yığmasının baş məşqçisi Valdas Urbonas Bakıda Azərbaycan millisinə qarşı keçirəcəkləri oyun haqda danışarkən deyib.

52 yaşlı mütəxəssisin sözlərinə görə, Azərbaycan millisi AVRO-2020-nin seçmə mərhələsinin I turunda Xorvatiyaya 1:2 hesabı ilə uduzduğu görüşdə yaxşı təsir bağışlayıb: "Azərbaycan yığması təşkilatı və mübarizə baxımından xoşuma gəldi. Xorvatiyadan pozitiv nəticə ilə qayıtmağa bir az çatmadı. Azərbaycan millisi təşkilatlanmış futbol sərgilər. Bu da yığmada səviyyəli futbolçuların olmasından xəbər verir. Baş məşqçi dəyişikliyi olsa da, komandanın oyununa ciddi təsir etməyib. Biz ilk növbədə öz oyunumuzu düşünürük. Xətlər arası əlaqəyə diqqət yetirməliyik".

Baş məşqçi seçmə mərhələnin ilk turunda səfərdə Lüksemburq 1:2 hesabı ilə uduzmaqlarına da toxunub: "İndi dünyada hamı futbol oynamağı bacarır. Lüksemburq zəif rəqib deyil. Azərbaycan vitse-çempiona uduzub. Biz yalnız dünya çempionuna məğlub olsaydıq, özümü burda rahat hiss edə bilərdim. Rəqibin futbolçuları ayrı-ayrılıqda fərqləndirməzdim. Bəlkə də qol vuranın adını çəkmək olar. Azərbaycan Xorvatiya ilə görüşdə müdafiədə və əks-hücumda yaxşı təsir bağışladı".

Qeyd edək ki, martın 25-də keçiriləcək matç saat 18:00-da başlayacaq.

Ölkə.Az

ŞƏRH YAZ
0

Nikola Yurçeviç jurnalistlərdən yığmaya oyunçu təklif etmələrini istəyib — FOTO

Nikola Yurçeviç jurnalistlərdən yığmaya oyunçu təklif etmələrini istəyib
18:32
Bu gün
101
İdman
A
Bu gün "Bakcell Arena" futbol üzrə Azərbaycan milli komandasının açıq məşqi olub.

"Ölkə.Az" report-a istinadən məlumat verir ki, Litva yığması ilə yoldaşlıq matçı üçün hazırlıq prosesinə düşərgədə yer alan 22 futbolçunun hamısı qatılıb.

Məşq zamanı baş məşqçi Nikola Yurçeviç jurnalistlərə yaxınlaşaraq söhbətləşib. O, Azərbaycan millisinin AVRO-2020-nin seçmə mərhələsinin ilk turunda Xorvatiyaya səfərdə 1:2 hesabı ilə uduzduğu matçda hansı futbolçunun ən yaxşı, hansının isə ən zəif təsir bağışladığını soruşub. Ümumi fikir ən yaxşının Eddi İsrafilov və Ramil Şeydayev, ən zəifin isə Dimitri Nazarov olması əsasında formalaşıb.

Xorvatiyalı mütəxəssis media nümayəndələrindən ona hazırda heyətdə yer almayan futbolçuları təklif etməyi rica edib. Bu zaman "Qəbələ"nin hücumçusu Rauf Əliyev, Türkiyə "Boluspor"undan Ufuk Budak kimi oyunçuların adları çəkilib.

Qeyd edək ki, martın 25-də "Bakcell Arena"da keçiriləcək Azərbaycan - Litva oyunu saat 18:00-da başlayacaq.

Ölkə.Az

ŞƏRH YAZ
0
BAĞLA