KORONAVİRUSA YOLUXANLARIN SAYI - CANLI STATİSTİKA

"Bəxtimiz gətirsəydi, "Qarabağ"a qalib gələcəkdik" — "Partizani"nin baş məşqçisi

00:36
11.07.2019
5377
İdman
A
"Oyunumuzdan məmnunam. Komandamız yaxşı çıxış etdi. Çox soyuqqalnlı komanda ilə matçda təhlükəli epizodlar yaratdıq. Hazırlaşdığımız kimi oynadıq".

"Ölkə.Az" bildirir ki, bunu Albaniya "Partizani"sinin baş məşqçisi Franko Lerda evdə "Qarabağ"la qolsuz heç-heçə etdikləri Çempionlar Liqasının I təsnifat mərhələsinin ilk oyunu barədə danışarkən deyib. İtaliyalı mütəxəssis bildirib ki, azacıq bəxtləri gətirsəydi, komandası qalib gələ bilərdi. O, ələ düşən fürsətlərdən yararlana bilmədiklərini əlavə edib.

Lerda iyulun 17-də Bakıda keçiriləcək cavab görüşündə müsbət nəticəyə ümid edəcəklərini vurğulayıb: "Kimə qarşı oynadığımızı yaddan çıxarmamalıyıq. Futbolda hər zaman hər şey daha yaxşı ola bilər".

Qeyd edək ki, cavab görüşü "Dalğa Arena"da keçiriləcək.

Ölkə.Az

ŞƏRH YAZ
0

"Keşlə"nin keçmiş məşqçisi Ermənistanda ömürlük cəzalandı

16:01
Bu gün
866
İdman
A
Ermənistan I Liqasında danışılmış oyunlarla əlaqədar diskvalifikasiyaya məruz qalmış 58 nəfərdən 45-i futbol fəaliyyətindən ömürlük məhrum edilib.

"Ölkə.Az" report-a istinadən xəbər verir ki, cəzalı futbolçu, məşqçi və funksionerlərin 25-i Ukrayna vətəndaşıdır. Onların 20-si heç vaxt futbolla məşğul ola bilməzlər. 

Siyahıdakılardan Yerevan "Lokomotiv"inin keçmiş baş məşqçisi Anatoli Piskovets ömürlük cəza ilə üzləşib. O, 2005-ci ildə Bakının "İnter" (hazırkı "Keşlə") və Zaqatalanın "Simurq" komandalarında məşqçi kimi fəaliyyət göstərib. 

Yerevan "Torpedo"sunun futbolçusu kimi 1 illik cəzaya məruz qalan Miroslav Deda isə "Qarabağ"ın U-19 komandasında çıxış etmiş hücumçu Yaroslav Dedanın əkiz qardaşıdır. 

Qeyd edək ki, cəzalı ukraynalılar sırasında "Lokomotiv"in faktiki sahibi, keçmiş baş məşqçisi və 10 futbolçusu, "Araqats"ın sahibi, baş məşqçisi və 3 futbolçusu, "Masis"in 5, "Torpedo"nun 3 futbolçusu yer alıb.

Ölkə.Az

ŞƏRH YAZ
0

Messi "Barselona"da qalmaq üçün yeganə şərtini açıqladı

Messi
15:11
Bu gün
1040
İdman
A
"Barselona" klubundan ayrılacağı deyilən Lionel Messinin Kataloniya təmsilçisində qalmaq üçün irəli sürdüyü şərt açıqlanıb.

"Ölkə.Az" offsideplus.az-a istinadən xəbər verir ki,  müqaviləsi 2021-ci ildə başa çatacaq Messi keçmiş komanda yoldaşı Xavinin baş məşqçi təyin olunacağı halda komandası ilə yeni müqavilə imzalayacağını bildirib.

Qeyd edək ki, bir neçə gün əvvəl "Barselona"nın bir neçə vacib oyunçusunun istəyi ilə rəhbərliyin Xaviyə təklif göndərdiyi yazılmışdı.

ŞƏRH YAZ
0
BAĞLA