Beynəlxalq Bankın İdarə Heyətinin sabiq sədr müavini HAKİM QARŞISINDA

Beynəlxalq Bankın İdarə Heyətinin sabiq sədr müavini HAKİM QARŞISINDA
14:27
15.04.2019
1146
Ölkə
A
Bakı Ağır Cinayətlər Məhkəməsində “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev və digərlərinin cinayət işi üzrə məhkəmə prosesi davam edir.

"Ölkə.Az" xəbər verir ki, Bu gün Bakı Ağır Cinayətlər Məhkəməsində mənimsəmədə təqsirləndirilən “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev, onun bacanağı İsmayıl Hidayət-zadə, sabiq deputat Dünyamin Xəlilov, Camal Həsənov, Sərxan Rəsulov, Natiq İmanov, Samir Hacıyev, Təbriz Əbdülhəmidov, Mahir Qafarov, Sadıx Murtuzayev, Tərlan Məhərrəmov, Fəxrəddin Heybətov, Ramin Əhmədov, Fariz Muradov, Səlahəddin Qədirov, Erxan Cavad, Arif Ramazanov, Navai Şirinov, Svetlana Əsədullayeva, Arif Mədətov, Adil Mikayılov, Ramis Kərimovun cinayət işi üzrə məhkəmə iclası davam etdirilib.

Hakim Faiq Qəniyevin sədrliyi ilə keçirilən prosesdə şahid qismində Rövşən İsmayılov dindirilib. O, 1997-ci ildən Beynəlxalq Bankda çalışdığını, 2002-2012-ci illər arasında bankın İdarə Heyətinin sədr müavini vəzifəsində işlədiyini qeyd edib.

Veksel əməliyyatı ilə bağlı danışan şahid söyləyib ki, protokolları bankın sədri və katibləri imzalayıb: "Mənim işim isə bankda maliyyə məsələlərinə nəzər yetirib, məlumat vermək olub. Həmin əməliyyatlara xəzinədarlıq deportamenti nəzarət edirdi. Amma bankda kimin bilavasitə nəzarət etməsini dəqiq bilmirəm. Layihələrlə bağlı məsələlər Cahangir Hacıyevə məruzə edilirdi. Bankın Moskva filialında kreditlərin verilməsi ilə bağlı məsələlər idarə heyətində müzakirə olunub".

Digər şahid Şahin Rəsulov deyib ki, daha əvvəl Beynəlxalq Bankda çalışıb, 2010-cu ildə öz istəyi ilə işdən ayrılıb. O, istintaqa verdiyi ifadəsini təsdiq etdiyini, hazırda nə barədə danışdığını xatırlamadığını vurğulayıb.

Hakim qeyd edib ki, Ş.Rəsulov Beynəlxalq Bankın Kredit Komitəsinin üzvü olub.

O isə söyləyib ki, Komitənin iclaslarında heç iştirak etməyib: "Mənə filial müdiri sənəd göndərirdi ki, onu imzalayım. İstəsəm də, istəməsəm də imzalayırdım. Bankda vəzifəm əməliyyat şöbəsinin müavini idi. Əmək haqqım isə 2500 manat idi".

Məhkəmədə elan olunub ki, təqsirləndirilən Erxan Cavadın "Buta kithcin" əməliyyatı zamanı Beynəlxalq Bankdan götürdüyü kredit sənədlərinin birində imzası yoxdur.

E.Cavad da onu təsdiqləyib.

Hakim deyib ki, E.Cavad ifadəsində götürülən kreditlərin briliant mağazasına yönəldildiyini bildirib.

E.Cavad qeyd edib ki, həmin mağazanın 50 faizi Nəsib Piriyevin və 50 faizi isə onun anasının idi: "İttihamda qeyd edilən məbləğ Nəsib Piriyevin Əfqanıstanda olan şirkətinə "ofşor" yolla köçürülüb".

Qeyd edək ki, rəsmi məlumata əsasən, aparılmış istintaqla 2001-2015-ci illərdə “Azərbaycan Beynəlxalq Bankı” ASC-nin İdarə Heyətinin sədri vəzifəsində işləmiş C.Hacıyevin göstərişləri əsasında ayrı-ayrı ölkələrdə yaradılmış hüquqi şəxslərlə real dəyəri olmayan sadə veksellərin alqı-satqısına dair 3,4 milyard ABŞ dolları və 987 milyon avro məbləğində (müvafiq dövrün məzənnəsi ilə 3,8 milyard manat) müqavilələr bağlanılaraq qanunsuz veksel əməliyyatları aparılmasına dair əsaslı şübhələr müəyyən edilib.

Aparılmış istintaqla C.Hacıyevin tanışı Dünyamin Xəlilov, digər 20 nəfər və qeyriləri ilə birlikdə qanunsuz maliyyə əməliyyatları aparılan və real dəyəri olmayan veksellərin alınması, eləcə də təminatı olmayan kreditlərin verilməsi yolu ilə ümumilikdə 4,7 milyard manat məbləğində pul vəsaitinin mənimsəmə və digər cinayətlər yolu ilə 2,5 milyard manat hissəsini ələ keçirməklə cinayət yolu ilə əldə edilmiş həmin vəsaitin 2 milyard manatını leqallaşdırmasında, digər 2,2 milyard manat məbləğində pul vəsaitinin isə müxtəlif əməliyyatlara yönəltməklə “Azərbaycan Beynəlxalq Bankı” ASC-yə ziyan vurmasına əsaslı şübhələr müəyyən edilib.

Xatırladaq ki, C.Hacıyev Bakı Ağır Cinayətlər Məhkəməsinin hökmü ilə 15 il, D.Xəlilov 13 il və İ.Hidayət-zadə isə 7 il müddətinə azadlıqdan məhrum edilib. Bakı Apllyasiya Məhkəməsinin qərarı ilə D.Xəlilovun cəzası 13 ildən 12 il 9 aya, Ali Məhkəmə isə İ.Hidayət-zadənin cəzasını 5 ilə endirib.

Ölkə.Az

ŞƏRH YAZ
0

Ermənistanla sərhəddə olan Azərbaycan kəndində qoruyucu hasar tikilir — FOTO

Ermənistanla sərhəddə olan Azərbaycan kəndində qoruyucu hasar tikilir
18:48
21.04.2019
16814
Ölkə
A
Qazax rayonunun Ermənistanla sərhəd zonasında yerləşən kəndində 500 metr uzunluğunda qoruyucu hasar inşa olunur.

"Ölkə.Az" oxu.az-a istinadən bildirir ki, söhbət Məzəm kəndindən gedir.

Artıq bir neçə istiqamətdə hazırlıq işlərinə başlanılıb. Əvvəlcə beton işləri, sonra isə hasarın keyfiyyətli olması üçün təməl hissəsində çay daşlarından hörgü işləri görüləcək. Məzəm və Quşçuayrım kəndlərinin sakinləri rayon mərkəzinə gəldikdə, dəfələrlə düşmən silahının hədəfinə tuş gəlib. Məzəm gölünün əks tərəfi düşmən tərəfindən 1992-ci ildə işğal olunduğundan təmas xəttində olan kəndlərimiz Xeyrimlidə yerləşən erməni postları tərəfindən hədəfdə saxlanılır.

Bu ərazidə heyvan otaran kənd sakinləri də nişangahda olduqlarını yaxşı bilirlər. Nəzərə alsaq ki, Məzəm sakinlərinin əkib becərdikləri torpaq sahələri qarşı tərəfdən asan görünür, vəziyyətin ciddiliyini anlamaq çətin deyil.

Kənd sakini Bəkir Yusibov ailəsi ilə birgə əkin sahəsinə gedərkən idarə etdiyi avtomobil hasarın tikildiyi ərazidə düşmən tərəfindən atəşə tutulub. 58 yaşlı B. Yusibov bildirib ki, 35 il əvvəl ailə həyatı qurub, yeni evə köcüb. Sonra müharibə zamanı erməni ordu birləşmələrinin yaşayış məntəqələrimizi aramsız atəşə tutması nəticəsində B. Yusibovun evinə 6 mərmi düşüb.

Kənd sakini bildirib ki, iki ildir onun evinin qarşısında tikilmiş qoruyucu hasar ailəsini düşmən gülləsindən sığortalayır.

Son 3 ildə Məzəm kəndində bir çox evin qarşısında rayon rəhbərliyi tərəfindən 3 metr hündürlüyündə hasar tikilib.

Qeyd edək ki, qoruyucu hasarlarla yanaşı Qazax rayon icra hakimiyyəti tərəfindən Quşçuayrım kəndində düşmənin açdığı atəş nəticəsində evlərinin damları sıradan çıxmış vətəndaşlara dam örtüyü də verilib.

Oxu.az

ŞƏRH YAZ
0

Həftənin ilk iş gününün havası

Həftənin ilk iş gününün havası
15:08
21.04.2019
8341
Ölkə
A
Aprelin 22-də respublika ərazisində gözlənilən hava proqnozu açıqlanıb.

"Ölkə.Az" "Report"-a istinadən xəbər verir ki, Ekologiya və Təbii Sərvətlər Nazirliyinin Milli Hidrometeorologiya Departamentinə istinadən xəbər verir ki, Bakıda və Abşeron yarımadasında dəyişkən buludlu olacağı, arabir tutulacağı, gün ərzində bəzi yerlərdə yağış yağacağı gözlənilir.

Gün ərzində arabir güclənən şimal-qərb küləyi əsəcək. Havanın temperaturu gecə 4-6° isti, gündüz 7-11° isti, Bakıda gecə 4-6° isti, gündüz 8-10° isti təşkil edəcək.

Atmosfer təzyiqi normadan yüksək 763 mm civə sütunundan 767 mm civə sütununa yüksələcək. Nisbi rütubət 75-85 % olacaq.

Azərbaycanın rayonlarında şimşək çaxacağı, fasilələrlə yağış, dağlıq və dağətəyi rayonlarda qar yağacağı gözlənilir. Bəzi yerlərdə leysan xarakterli intensiv olacağı, dolu düşəcəyi ehtimalı var. Ayrı-ayrı yerlərdə duman olacaq, həmçinin arabir güclənən qərb küləyi əsəcək. Havanın temperaturu gecə 2-7° isti, gündüz 8-13° isti, dağlarda gecə 0-5° şaxta, gündüz 0-5° isti təşkil edəcək.

Ölkə.Az

ŞƏRH YAZ
0
BAĞLA