“Beynəlxalq hüquqa hörmətlə bölgədə sabitliyi möhkəmləndirmək mümkündür” — Gürcüstan prezidenti

“Beynəlxalq hüquqa hörmətlə bölgədə sabitliyi möhkəmləndirmək mümkündür”
01:10
13.07.2019
1996
Dünya
A
“Gürcüstan çox da sakit olmayan bölgədə sabit ölkədir”.

"Ölkə.Az" bildirir ki, bu barədə Gürcüstan prezidenti Salome Zurabişvili “Deutsche Welle” nəşrinə müsahibəsində bildirib.

O, bölgədə çox sayda qeyri-sabitlik ocaqlarının olduğunu deyib: “Lakin heç nəyə baxmayaraq, biz sabitliyi qoruyub saxlamağa nail olmuşuq. Bizim böyük qonşularımız buna böyük hörmətlə yanaşmalıdırlar. Bu siqnalı bizim avropalı tərəfdaşlarımız regional məsələləri müzakirə edərkən Rusiyaya çatdırmalıdırlar”.

S.Zurabişvilinin sözlərinə görə, Rusiya qonşuları ilə münasibətlərini qarşılıqlı sayğı və beynəlxalq hüquqa hörmət prinsipləri əsasında qurmalıdır: “Yalnız bu yolla bölgədə sabitliyi möhkəmləndirmək mümkündür”.

Dövlət başçısı Gürcüstan-Rusiya münasibətlərində son zamanlar yaranan gərginliyə də münasibət bildirib: “Deeskalasiya ilə bağlı çağırışlar səslənib və biz deeskalasiyaya doğru gedirik. Bizi iqtisadi baxımdan çətin dövr gözləyir, belə ki, vəziyyət Gürcüstana təsir göstərəcək”.

Ölkə.Az

ŞƏRH YAZ
0

Məhkəmə zamanı tüfəng anidən açıldı, vəkil öldü — Afrikada qəribə hadisə

Məhkəmə zamanı tüfəng anidən açıldı, vəkil öldü
23:47
20.11.2019
840
Dünya
A
Cənubi Afrikada məhkəmə prosesi zamanı ölüm hadisəsi baş verib.

"Ölkə.Az" diken.com.tr-yə istinadən xəbər verir ki, KvaZulu-Natal bölgesindəki bir oğurluq hadisəsi ilə bağlı aparılan məhkəmə prosesinə oğurluqda istifadə edilmiş tüfəng maddi sübut kimi gətirilib.

Bu zaman tüfəng anidən açılıb və çıxan güllə bir vəkilə dəyib. Ağır yaralı halda xəstəxanaya aparılan Adelaide Ferreira-Vatt adlı vəkil yolda ölüb.

Təhlükəsizlik tədbirləri görülmədiyi üçün faktla bağlı cinayət işi açılacağı bildirilib.

Ölkə.Az

ŞƏRH YAZ
0

Dostlarına kömək etmək əvəzinə faciəli ölümünü kameraya çəkdilər — VİDEO

Dostlarına kömək etmək əvəzinə faciəli ölümünü kameraya çəkdilər
22:57
20.11.2019
1107
Dünya
A
Çayda üzməyə gedən bir qrup uşaq boğulan dostlarına kömək etmək əvəzinə onu kameraya çəkiblər.

"Ölkə.Az" oxu.az-a istinadən xəbər verir ki, hadisə Hindistanın Karnataka ştatında baş verib.

Bildirilib ki, 19 yaşlı Cəfər Əyyub iki dostu ilə birlikdə çimməyə yollanıb. Onlar öz əyləncələrini kameraya çəkmək qərarına gəliblər.

Kadrlardan görünür ki, Əyyub çaya tullanır, bir az üzdükdən sonra sahilə tərəf yönəlir, lakin quruya çıxa bilmir. Dostlardan biri həyatı uğrunda mübarizə aparan gəncə əvvəlcə əlini uzatsa da, sonradan nədənsə geri çəkir və Əyyub dostlarının və yaxınlıqda duran digər qadınların gözü qarşısında batır. Heç kim ona köməyə gəlmir, dostu isə kameraya çəkməyə davam edir.

Şahidlər gənc artıq çayda gözdən itəndən sonra həyəcan təbili çalırlar. Gənc çayın dibindən çıxarılır, lakin o, həmin vaxt artıq ölmüşdü.

Hüquq mühafizə orqanları hadisə ilə bağlı istintaqa başlayıblar.

Ölkə.Az

ŞƏRH YAZ
0
BAĞLA