Beynəlxalq mafiya təşkilatları — Dünyanın ən böyük cinayət qruplaşmaları

Beynəlxalq mafiya təşkilatları
12:12
20.04.2017
135
Maraqlı
A
Mafiya — Terror yolu ilə məqsədini həyata keçirən gizli təşkilat və ya cəmiyyət. Bir qrup tədqiqatçılar mafiyanın tarixini daha qədimlərə aid eləyirlər. Onların iddiasına görə, mafiya ərəblərin Siciliyanı işğalları zamanı yaranıb, özü də ərəb kəlməsi «maf(f)ja» - “qurtuluş yeri” sözündən götürülüb. Guya həmin dövrdə siciliyalılar milli dəyərlərin təbliği üçün gizli təşkilat yaradıblar ki, bu təşkilat da zadəgan Siciliya ailələri tərəfindən himayə olunurmuş. Sonradan ada vikinqlər, ardından ispanlar tərəfindən işğal olunanda yerli əhali qula çevrilməkdən qaçmaqdan ötrü vadilər arasındakı dayaq məntəqələrində – mafiyalarda gizlənirlər.

"Ölkə.Az" bu gün dünyanın ən məşhur mafiya qruplaşmalarının siyahısını təqdim edir.

1. Siciliya mafiyası

İtaliyanın Siciliya adasında XIX əsrin əvvəllərindən fəaliyyət göstərir və XX əsrin əvvəllərində beynəlxalq təşkilata çevrilib. Əvvəlcə təşkilat zadəganları və portağal plantasiyalarının sahiblərini qoruyur. Bu reket fəaliyyəti idi. Sonradan "Koza Nostra" fəaliyyət sahəsini genişləndirir və cinayət qruplaşmasına çevrilir. XX əsrdən qruplaşmanın əsas fəaliyyəti banditizm olur.


2. Rus mafiyası

Rəsmi olaraq ən dəhşətli cinayət qruplaşmasıdır. FTB-nin xüsusi agentləri rus mafiyasını dünyanın ən təhlükəli adamları adlandırırlar. Qərbdə rus mafiyası deyəndə, rus, keçmiş sovet respublikalarının miqrantlarının qurduğu istənilən cinayət qruplaşması nəzərdə tutulur. Bir çoxları bədən döyməsindən istifadə edirlər. Qətl sifarişlərini bir çox hallarda hərbi taktikadan istifadə edərək yerinə yetirirlər.


3. "La eMe" Meksika mafiyası

Bu qruplaşma ABŞ-ın cənub sahillərindəki Ari qardaşlığının müttəfiqidir. Narkotik ticarəti ilə məşhurdur. Banda üzvlərini sinəsinə döyülmüş qara əl formalı tatu ilə asanlıqla tanımaq mümkündür.
Meksika mafiyası 1950-ci illərin sonunda Kaliforniya ştatı, Traysi şəhərindəki Dyuel həbsxanasının dustaqları tərəfindən qurulub. Qruplaşmanın əsasını qoyanlar Şərqi Los-Ancelesin 13 meksikalı quldurudur. Onların bəzisi Maravila bandasının üzvləri olublar. Özlərini Meksikanem adlandırırlar, bu isə nautal dilindən tərcümədə "ürəyində tanrı ilə addımlayan" deməkdir.


4. Yakudzalar

Yaponiyanın cinayət sindikatıdır. Yakudzalar digər cinayət qruplaşmalarından çox fərqlənirlər. Onların ofis binaları var və əməlləri barədə mətbuatda açıq-aşkar yazılır.
Bədənlərinə rəngli tatu vurdururlar.


5. Çin Triadası

Çində və Çin diasporunda gizli cinayət təşkilatının formasıdır. Onlar mistik 3 rəqəminə inanırlar və adları da bu rəqəmdən gəlir. Tayvan, ABŞ və çinlilərin kompakt yaşadığı digər şəhərlərdə fəaliyyət göstərirlər. Əsasən narkotik maddə ticarəti və digər cinayət işləri ilə məşğul olurlar.
Triada ən patriotik mafiya qruplaşmasından biridir. Çində baş verən epidemiya vaxtı dərmanı ixtira edən həkimə 1 milyon dollar qonorar vəd etmişdilər.


6. Cəhənnəm Mələkləri (ABŞ)

Dünyanın hər yerində filialları olan ən böyük motoklublardan biridir. Bir çox ölkənin hüquq-mühafizə orqanları klubu "motosikletçilər bandası" adlandırır. Əsasən narkotik maddə ticarəti, reketçilik, qətl, zorakılıq və oğurluq ilə ittiham edilirlər.
Deyilənə görə, İkinci Dünya Müharibəsində ABŞ ordusunda "Hells Angels" adlı ağır bombardmançı eskadrilyası olub. Müharibə bitdikdən sonra pilotlar işsiz qalıblar. Amerika onlarla maraqlanmır və pilotlar motosikletə oturaraq qəddar ölkə əleyhinə üsyana qalxırlar.


7. Mara Salvatrucha

Bu mafiya cinayət biznesinin bir çox sahələri ilə məşğul olur. Əsasən narkotik maddə ticarəti, silah və insan ticarəti, oğurluq, qarət, reketçilik, sifarişli qətl, adam oğurluğu, sutenyorluq, avtomobil oğurluğu, fırıldaqçılıq və çirklu pulların yuyulması gəlir mənbələridir.
Mara Salvatruchanın ərazisində yerləşən səyyar alverçilər və dükan sahibləri gəlirlərindən qruplaşmaya pay verirlər.


8. Rizzuto Monreal mafiyası

Monrealda yerləşən cinayət ailəsidir. Kvebek və Ontario əyalətlərini də nəzarətdə saxlayır. Uzun illər əvvəl bu qruplaşma Nyu-Yorkdakı mafiya ailəsi ilə qohum olur. Bu isə 70-ci illərin sonunda Monrealda mafiya müharibələrinin başlamasına səbəb olur. Rizzutonun dünyanın müxtəlif ölkələrində bir neçə yüz milyon dollarlıq mülkləri var. Otel, restoran, bar, gecə klubları, inşaat şirkəti, qida sənayesi, servis və ticarət şirkətlərinin sahibidir. İtaliyada isə mebel istehsalı və qida sənayesinə sahibdirlər.


9. Munqiki (Keniya) qruplaşması

Munqiki 2002-ci ildən Keniyada qadağan edilmiş siyasi-dini qruplaşmadır. Ənənəvi Afrika dinini bərpa etmək niyyətindədir. Mau-mau üsyanı zamanı ortaya çıxıb. Kütləvi qətllər və polislə toqquşmalara görə məşhurlaşıb.
Munqiki özünü Afrika adətlərinin qorunmasını tələb edən dini qruplaşma sayır. Onun üzvləri Keniya dağları istiqamətində çevrilərək dua edirlər. Qurbankəsmə ayinləri də var.

Hikmət
Ölkə.Az

ŞƏRH YAZ
0

Günün qoroskopu: işgüzar əməkdaşlığa başlamaq üçün yaxşı gündür

Günün qoroskopu: işgüzar əməkdaşlığa başlamaq üçün yaxşı gündür
00:00
Bu gün
496
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - inad, məqsədyönlülük və güclü iradə sayəsində ən mürəkkəb məsələlərin öhdəsindən gələ biləcəksiniz. İşgüzar danışıqlar, maliyyə məsələlərinin müzakirəsi və həlli üçün münasib gündür. Axşam vacib bir məlumat alacaqsınız.
Yaxınlarınızla aranızda fikir ayrılığı yarana bilər. Ailədə liderlik üstündə mübahisə istisna deyil. Xoşbəxtlikdən, münaqişənin yaranmasına imkan vermir, nəzakətli olmağa çalışırsınız. Günün ikinci yarısı ziyafyətə qatılmaq olar.

Buğa - uzun müddət sizi irəliləməyə qoymayan emosional problemləri həll etməyin zamanı gəldi. Bu asan olmayacaq, ancaq səylərinizin nəticəsindən məmnun qalacaqsınız. İdmanla, fiziki işlə məşğul olmaq üçün münasib gündür - bu, həm kefinizi qaldırır, həm də pozitiv əhvala köklənməyə imkan yaradır.
Ətrafınızdakılara qarşı gerçək marağınız yeni tanışlıqlar qurmağa imkan verir: münasibətlər o qədər sürətli inkişaf edir ki, bəzən hətta özünüzü də qorxudur. Ancaq perspektivlər heç də pis deyil.

Əkizlər - işgüzar əməkdaşlığa başlamaq üçün yaxşı gündür. İnsanları sizin üçün faydalı olan əməllərə asanlıqla yönəldirsiniz. Uzunmüddətli əməkdaşlıq barədə müqavilələr imzalaya bilərsiniz. Vacib işgüzar və şəxsi məsələlərin müzakirəsi məhsuldar keçəcək.
İri məbləğdə pul xərcləyə bilərsiniz. İncəsənət və şou-biznes sahəsinə aid insanlarla ünsiyyət xoş keçəcək. Enerjiniz çoxdur, idmanla məşğul olmaq faydalıdır. Sağlamlaşdırıcı prosedurlar səmərəli olacaq.

Xərçəng - düşünülməmiş, qətiyyətli hərəkətlər günüdür: bunların əsl motivi heç özünüzə də bəlli deyil. İş bundadır ki, intuisiyanız hakimiyyəti ələ alıb, sağlam düşüncə isə onun ardınca çatdırmır. Əməllərinizin nəticəsi gözlənilməz, ancaq xoş olacaq.
Elmi ədəbiyyat oxumağınız, peşəkarlığınızı artırmaq, dünyagörüşünüzü genişləndirmək məsləhətdir. İntellektual potensialınız çox yüksəkdir, bundan yararlanmağa çalışın. Gözlənilmədən şəxsi xarakterli vacib suallarınıza cavab ala bilərsiniz. 

Şir - ünsiyyət üçün xoş gündür. Başqalarının istəklərinə qarşı diqqətlisiniz, onların arzularını və ehtiyaclarını nəzərə alırsınız. Nüfuzlu bir şəxsdə özünüz haqda xoş təəssürat yarada biləcəksiniz. Yaxşı ideyalarınız varsa, onları həyata keçirmək üçün köməkçiləriniz də var.
Yaradıcı potensialınız yüksəkdir. İstənilən şəraitdən çıxış yolu tapa biləcəksiniz. Bu günə romantik görüş təyin edə bilərsiniz: gözəl və unudulmaz olması sizin əlinizdədir. Gözlənilməz təkliflər ala bilərsiniz, bunları qəbul etdiyinizə peşman olmayacaqsınız.  

Qız - vergi, sığorta, kreditlə məşğul olan idarələrin işçilərinin bəxti bu gün yaman gətirəcək. Mürəkkəb hesablamalar aparmaq, biznes-plan hazırlamaq olar.
Yaranan imkandan istifadə edərək sizin üçün dəyərli olan adamlarla münasibətlərinizi düzəldin. İndi həm çoxdankı fikir ayrılıqlarını bitirə, həm də gələcək üçün ortaq planları müzakirə edə bilərsiniz. İri alış-veriş etmək məsləhət deyil.  

Tərəzi - risk etməyə, taleyinizi sınağa çəkməyə meyllisiniz. Xoşbəxtlikdən, bunun nəticələri pis olmayacaq, gözlədiyinizdən daha çox bəxtiniz gətirir. Maliyyə işlərində uğurlar mümkündür, sərfəli sövdələr bağlaya bilərsiniz. Gözləmədiyiniz mənbədən pul daxil ola bilər. 
Əməyinizin dərhal mükafatlandırılacağını gözləməyin: hazırda gələcək uğurlarınızın bünövrəsini qoyursunuz. Yeni ortaqlarınızla əsəkdaşlığınız məhsuldar olacaq. Bu gün başlanan romantik tanışlıq uzun sürməsə də, həyatınızı dəyişdirəcək.

Əqrəb -  strateji məsələlərin həlli və uzunmüddətli planlaşdırma üçün münasib gündür. İntellektual potensialınız çox yüksəkdir, istənilən mürəkkəb situasiyadan çıxış yolu tapmağa qadirsiniz. Ətrafınızdakılar sizinlə zarafat edir, bəzən hətta məsxərəyə keçirlər. Amma bu, sizin əhvalınızı pozmur. Axşamadək kefiniz yaxşı olacaq.
Səfərlər yaxşı keçir, yollarda maraqlı tanışlıqlar qura bilərsiniz. Aktiv istirahət, idman, uzunmüddətli gəzintilər üçün yaxşı gündür. Axşam gözlənilməz bir görüş həyatınıza güclü təsir edəcək.

Oxatan - gün sizə yorucu görünür, ancaq səyləriniz hədər getməyəcək, əldə etdiyiniz nəticələr sevindirəcək. Ətrafınızdakılarla asan dil tapır, onların hərəkətlərinin əsl məramını və gizli fikirlərini vaxtında anlayırsınız. Düşmənlərinizi ifşa edə bilərsiniz.
Ailə üzvlərinə aid xəbərlər sevindirəcək. Bir çox Oxatanların bayram etmək üçün səbəbləri var. Bir az özünüzü nazlandırmaq, həmçinin yaxınlarınızı sürprizlərlə sevindirmək imkanlarını qaçırmayacaqsınız. Xərcləriniz çox olacaq, amma pulsuz qalmaqdan qorxmayın.

Oğlaq - hissiyyatlı adamların həyatı sürətlə dəyişir, əvvəlki şübhələr və məyusluqlardan əsər-əlamət qalmır. Zəhmət çəkin - bəhrəsini görün!
İmkanlar inanılmazdır, sadəcə, öz gücünüzə inanmağınız yetər. Uzunmüddətli planları dəqiqləşdirmək lazım gəlir. Bu, ümumilikdə faydalıdır. Maliyyə və əmlak məsələlərinin uğurlu həlli mümkündür.

Dolça - çox enerjilisiniz, bir yerdə dayanmaq bilmirsiniz. Hansısa yeni bir işə başlamazdan əvvəl onu yaxşıca götür-qoy edin. Emosiyaların təsiri altında hərəkət edir, bununla vurnuxma, gərəksiz qayğılar yaradırsınız. Daha təcrübəli insanların məsləhətlərini dinləyin. 
Maliyyə və əmlak məsələlərilə bağlı vacib qərarlar vermək məsləhət deyil. Ailə problemləri çox diqqət tələb edəcək. Təsadüfi tanışlıq sizdə güclü hisslər oyadacaq. Amma bunun əsl münasibətlərə çevrilməsi şübhə doğurur.

Balıqlar - mürəkkəb məsələlərin həlli, birmənalı olmayan şəraitdən çıxış yolunun tapılması üçün münasib gündür. Bu gün ağlınıza gələn ideyalar həm təzəliyi, həm də gecikmədən reallaşdırıla bilmələri ilə diqqət çəkəcək. Vaxtınızı boşa verməyin, müsbət tendensiyaların təsiri hələ ki, güclüdür, dayanmayın, hərəkətə keçin.
İşgüzar səfərlər uğurlu olacaq, çox mümkündür ki, belə səfərlər zamanı maraqlı, eyni zamanda romantik xarakterli tanışlıqlar olsun. Bu gün aşiq olmaq, həmçinin başqalarını özünüzə valeh etmək çox asandır.

ŞƏRH YAZ
0

Körpə qızdırmalı olanda edilən ən böyük səhv

Körpə qızdırmalı olanda edilən ən böyük səhv
09:09
10.12.2017
4140
Maraqlı
A
Körpələrdə yüksək hərarət zamanı spirt və ya bu tip məhlullar istifadə etmək olmaz.

Ölkə.Az medicina.az-a istinadən bildirir ki, bunlar damarları ani müddətə daraldır, hərarət düşür, amma az sonra damarları əvvəlkindən də çox genişləndirir ki, bu da hərarətdin daha da yüksəlməsinə səbəb olar. Qıcolmalar verə bilər. Bundan başqa hərarət zamanı Azərbaycanda məşhur brend olan "Smes" istifadəsi qəti qadağandır. Çünki bu tək dozada belə sümük iliyinin aplaziyasını yaradır(Sümük iliyinin funksiyasının pozulması və qan elementlərinin azalması). Smes dünyada yalnız Azərbaycanda və Rusiyada istifadə edilir.  Təəssüf ki, bunu başa düşən ana və valideyn çox azdır. Hərarət 38-ə qədərdirsə dərmana da ehtiyac yoxdur.. Temperatur zamanı, ilıq duş alınması və alın hissəyə boyun arxasına, qoltuqaltı büküşlərə ilıq suda isladılmış dəsmal qoymaq gərəkdir.

Hərarət 38-i keçəndən sonra ısə tərkibi parasetamol, ibuprofen olan suspenziyalar istifadə edilə bilər. Hərarət 39-a yaxınlaşırsa eyni tərkibli şamlar istifadə edilə bilər.

ŞƏRH YAZ
0
BAĞLA