Beynəlxalq Valyuta Fondu 2022-ci ilə qədər Azərbaycan iqtisadiyyatının artım tempini açıqladı

Beynəlxalq Valyuta Fondu 2022-ci ilə qədər Azərbaycan iqtisadiyyatının artım tempini açıqladı
17:44
13.10.2017
123
İqtisadiyyat
A
Azərbaycanda ÜDM-nin həcmi 2022-ci ilə qədər tarixi maksimal səviyyəyə - 2014-cü ilin analoji göstəricisinə çata bilməyəcək.

"Ölkə.Az" Report-a istinadən xəbər verir ki, Beynəlxalq Valyuta Fondunun (IMF) proqnozlarına əsasən, 2022-ci ilə qədər Azərbaycan iqtisadiyyatında artım yumşaq templə davam edərək, 58,18 mlrd. ABŞ dollarına çatacaq. Lakin bu, ÜDM-nin 2014-cü ildəki tarixi rekord səviyyəsi - 75,19 mlrd. dollardan hələ də 22,6% azdır.

IMF-in proqnozlarına görə, 2017-ci ildə Azərbaycan iqtisadiyyatının həcmi 39,21 mlrd. dollar, 2018-ci ildə 42,81 mlrd. dollar, 2019-cu ildə 46,2 mlrd. dollar, 2020-ci ildə 49,81 mlrd. dollar, 2021-ci ildə 53,72 mlrd. dollar, 2022-ci ildə 58,18 mlrd. dollar təşkil edəcək. Yəni yaxın 5 ildə Azərbaycanda ÜDM-in həcmi 48,3% artım göstərəcək.

2017-ci ildə ÜDM 1% azalacaq. Gələn ildən etibarən isə iqtisadiyyatda artım başlayacaq və 2018-ci ildə real ÜDM 1,3%, 2019-cu ildə 3%, 2020-ci ildə 2,6%, 2021-ci ildə 3%, 2022-ci ildə 3,1% artacaq. Yaxın 5 ildə Azərbaycanda ÜDM-nin artım tempi inkişaf etməkdə olan ölkələrin analoji orta artım tempindən geri qalacaq.

ŞƏRH YAZ
0

Çin Azərbaycan ərazisindən Avropaya yük daşımalarını artırıb

Çin Azərbaycan ərazisindən Avropaya yük daşımalarını artırıb
20:00
20.01.2018
544
İqtisadiyyat
A
Çinin Sintszyan-Uyğur muxtar rayonunun Urumçi şəhəri Azərbaycan ərazisindən keçməklə Avropaya yük daşımağa başlayıb.

"Ölkə.Az" Trend-ə istinadən bildirir ki, mühəndis avadanlıqları və digər mallarla yüklənmiş qatar ötən gün Urumçidən yola düşüb.

Qeyd olunur ki, "Şərq-Qərb" dəhlizi ilə Avropaya yükü çatdırmalı olan qatar Qazaxıstanın limanında dayanacaq, daha sonra yük dəniz yolu ilə Bakıya, buradan da Avropaya çatdırılacaq.

Marşrutun ümumi uzunluğu 4 186 kilometr təşkil edir. Çindən Avropaya yüklər 8 günə çatdırılacaq.

Qeyd edək ki, 2018-ci ildə Urumçidən Avropaya 1400 yük qatarının yola salınacağı planlaşdırılır. "Şərq-Qərb" Nəqliyyat Dəhlizi (Transxəzər Beynəlxalq Nəqliyyat Marşrutu) Qazaxıstan, Azərbaycan, Gürcüstan və Türkiyə ərazilərindən keçməklə, Çindən Avropaya və əks istiqamətdə yüklərin tədarükü üçün nəzərdə tutulub.

ŞƏRH YAZ
0

Neftin qiymətinə dair proqnoz 5 dollar artıb

Neftin qiymətinə dair proqnoz 5 dollar artıb
19:14
20.01.2018
536
İqtisadiyyat
A
"Standard & Poor's" ("S&P") beynəlxalq reytinq agentliyi 2018-ci ildə "Brent" markalı neftin qiymətinə dair proqnozunu 5 dollar/barel artıraraq 60 dollar/barelə çatdırıb.

"Ğlkə.Az" xəbər verir ki, agentlik WTI markalı neftin qiyməti üçün də proqnozunu 5 dollar/bareldən artıraraq 55 dollar/barelə çatdırıb.

"S&P" bəyan edib ki, bu ilin birinci yarısında qlobal neft bazarında təklif, əsasən, tələbə uyğun olacaq. Bununla yanaşı, agentliyin analitikləri bildirib ki, neftin çatdırılmasında yarana biləcək mümkün problemlər qısamüddətli perspektivdə qiymətləri artıracaq. 

Qeyd edək ki, agentlik 2019-2020-ci illər üçün "Brent" markalı neftin orta qiyməti üçün proqnozunu dəyişməyərək 55 dollar/barel səviyyəsində saxlayıb. 

ŞƏRH YAZ
0
BAĞLA