"Bəziləri saxta sənədlərlə xarici ölkələrdə yerləşib, düşmənlərimizin əlində alətə çevrilirlər" — Deputat

16:05
23.08.2019
2310
Siyasət
A
“Azərbaycan ərazicə kiçik və gənc ölkə olmasına baxamayaraq, dünyada hərtərəfli iqtisadi inkişaf tempini, eyni zamanda ictimai-siyasi sabitliyini, dövlətin və onun lideri cənab İlham Əliyevin beynəlxalq aləmdə böyük nüfuz qazanmasını, regional, qitələrəarası əməkdaşlıqda müstəsna rolunu təbii ki, bəzi qüvvələr, o cümlədən ölkələr həzm edə bilmir. Azərbaycanın nəinki enerji, iqtisadi sahədə, o cümlədən tranzit yükdaşıma, şərqlə qərb, şimalla cənub arasında mərkəzi qovşaq rolunu oynayıb, bu proseslərdə aktiv rol oynaması həmin qüvvələri ciddi narahat edir. Ona görə də Azərbaycanı və ona rəhbərlik edən şəxslərin imicinə xələl gətirmək, nüfuzuna zərbə vurmaq üçün ən çirkin, iyrənc metodlara əl atıb, qarayaxma kampaniyasını həyata keçirirlər”.

Bunu  “Ölkə.Az”a açıqlamasında millət vəkili Rauf Əliyev deyib.

Onun sözlərinə görə,  ona görə də bu ölkələr və  prosesləri geriyə sürükləyib, ölkədəki mövcud sabitliyi pozmaq, xaos yaratmaq üçün daxildəki bəzi qüvvələrdən, o cümlədən  saxta adlarla Avropada sığınaraq özlərini “siyasi mühacir” hesab edən  “şəxslər”in xidmətindən faydalanmağa çalışırlar. “Hansı ki, bu insanlar  pul xatirinə hər şeyi satmağa hazırdırlar. Onlar üçün vətən, millət, xalq, dövlət  deyilən müqəddəs anlayış yoxdur. Onların müqəddəs hesab etdiyi puldur. Pula görə onlar bu gün xaricdə və ya daxildə ermənilərin də xidmətindən faydalanırlar. Onlardan pul alıb Azərbaycana qarşı qərəz, böhtan dolu kampaniya aparırlar. Azərbaycanın Prezidenti, Birinci Vitse-prezident haqqında  insanlığa, mənəvi dəyərlərə sığmayan  məlumatlar yayırlar. Bununla da onlar Azərbaycanın beynəlxalq aləmdəki nüfuzuna zərbə vurmağa çalışırlar”- R.Əliyev bildirib.
O deyib ki, bu işdə Azərbaycan daxilində olan bəzi qüvvələr də dəstək verir. “AXCP, “Müsavat” və digər bəzi partiyalar  mühacir alveri ilə məşğul olurlar. Onlara saxta sənədlər verməklə, Avropa ölkələrində “siyasi mühacir” adını almasına və anti-Azərbaycan qüvvələrin xidmətinə göndərirlər.  Hüquq-mühafizə orqanları belə faktları ifşa edib və etməkdədir”- o qeyd edib.

Deputat əlavə edib ki,  Azərbaycan demokratik və hüquqi dövlət olduğundan, burada hər bir şəxsin hüquqları konstitusiya və qanunlarla qorunur: “Ölkədə  bütün hüquq və azadlıqlar təmin olunub. İstənilən şəxs mövqeyindən asılı olmayaraq, hakimiyyətin yürütdüyü siyasətlə bağlı mövqeyini sərgiləyir və bu məsələdə hər hansı məhdudiyyət yoxdur. İnsanlar  siyasi baxışlarına və mövqelərinə görə təqib olunmur. Ancaq bəziləri hansısa saxta sənədlər vasitəsi ilə ölkədən gedərək xarici ölkələrdə yerləşib, öz həyatlarını qurmaq üçün Azərbaycanın düşmənlərinin, onu sevməyən qüvvələrin əlində alətə çevrilirlər. Bu isə yolverilməzdir. Hesab edirəm ki, bunun ən layiqli cavabı xalqın Prezident və Birinci Vitse-prezident ətrafında sıx birləşib, ölkə liderinin Azərbaycanın işıqlı gələcəyi ilə bağlı hədəflərinə çatmasına dəstək verməkdir. Necə ki, xalq bu yolu seçib. Əminəm ki, xalq mövcud sabitliyin pozulmasına imkan verməyəcək. Çünki xalq bu sabitliyin necə əldə olunduğunu yaxşı bilir. Xalq 90-cı illərin əvvəlindəki o xaosu görüb və ondan dərs çıxarıb və bir daha ölkənin geriyə, xaosa yuvarlanmasına imkan verməyəcək”.

Mürtəza
Ölkə.Az

ŞƏRH YAZ
0

Hafiz Hacıyevə ağır itki üz verdi

Hafiz Hacıyevə ağır itki üz verdi
23:36
20.10.2019
928
Siyasət
A
Müasir Müsavat Partiyasının sədri Hafiz Hacıyevə itki üz verib.

"Ölkə.Az" azxeber.com-a istinadən xəbər verir ki, partiyanın mətbuat xidmətindən verilən məlumata görə, MMP sədrinin qardaşı Nazim Hacıyev vəfat edib.

Qeyd edək ki, mərhum bir müddət öncə insult keçirmişdi. Nazim Hacıyev bu gün müalicə aldığı xəstəxanada dünyasını dəyişib.

Allah rəhmət eləsin!

Ölkə.Az

ŞƏRH YAZ
0

“Öz gözünüzdə tiri görmürsünüz, özgə gözündə tük axtarırsınız” — Deputatdan Avropa İttifaqına SƏRT SÖZLƏR

“Öz gözünüzdə tiri görmürsünüz, özgə gözündə tük axtarırsınız”
22:42
20.10.2019
2307
Siyasət
A
“Avropada bəyanat verən təşkilatlar ki var, bu gün bütün müsəlman dünyasını qana boyayan, müxtəlif dövlətlərdə çevrilişlər hazırlayıb həyata keçirən, iğtişaşlar yaradan, pozuculuq fəaliyyəti ilə məşğul olan həmin qurumların özləridir. Azərbaycanda fəaliyyət göstərənlər də onların əlaltılarıdır”.

“Ölkə.Az” xəbər verir ki, bu sözləri Azərbaycan Respublikası Milli Məclisinin deputatı, Qarabağ müharibəsi veteranı Elman Məmmədov deyib.

Deputat bildirib ki, müxtəlif Avropa ölkələrinə məxsus olan müəyyən qurumlar var ki, bunlar demokratiya, insan hüquqları, söz azadlığı pərdəsi altında bəzi dövlətlərdə pozuculuq fəaliyyəti ilə məşğul olurlar, dövlət çevrilişləri hazırlayırlar, vətəndaş qarşıdurmasına gətirib çıxarırlar: “Yaxın Şərq buna misaldır. Ancaq mən həmin Avropa qurumlarına səslənib demək istəyirəm ki, siz deyəsən öz gözünüzdə tiri görmürsünüz, özgə gözündə tük axtarırsınız. Siz Fransada davam edən iğtişaşlara, İspaniyada Kataloniyaya baxın və həmin ölkələrdə polisin xalqın başına açdığı oyunlara baxın. Döyülmələrə baxın, ölümlərə baxın, neçə min nəfər həbsxanalara atılıb, onlara baxın. Buna niyə reaksiya vermirsiniz? Buna niyə qiymət vermirsiniz? Avropa dövlətlərində yandırılan, dağıdılan müsəlman məscidlərini gözünüzün qabağına gətirin. Avropada tikanlı məftillərin arxasında yaratdığınız konslagerlərdə saxladığınız miqrantlara, onların başına gətirdiyiniz müsibətlərə baxın. Aralıq dənizini miqrant qəbiristanlığına çevirmisiniz, onu gözünüzün qabağına gətirin. Şeytan əməllərinizdən əl çəkin”.

Elman Məmmədov qeyd edib ki, hər dövlətin özünəməxsus qanunu olduğu kimi, Azərbaycan da konstitusiyası var.

“Müxalifət Bakı Şəhər İcra Hakimiyyətinə mitinq keçirmək üçün müraciət etmişdi. Müraciət müsbət qarşılandı, mitinqə icazə verildi. Yeri də göstərildi, vaxtı da. Ancaq onlar qəbul etmədi. Onların istədiyi yerdə keçirdikləri mitinqə 1000 nəfər gələcəksə, orada 100 minlərlə insanın hüququları pozulur, həyat iflic olur. Demək kim harada kefi nə istəsə edəcək? Xeyr! Dövlət var, dövlətçilik var, dövlətin qanunları var və qanunlara əməl etmək lazımdır. Qanun pozuntusu etdiniz, qanuna məhəl qoymadınızsa, asayişi qoruyanlar da təbii ki, qanun çərçivəsində hərəkət etməli, vətəndaşların təhlükəsizliyini qorumalıdır. Heç kimə qanundankənar hərəkətlərə yol verməyə icazə verilmir”.

Millət vəkili Avropanın bu hərəkətlərinin müstəqillik qazandığımız gündən başladığını da sözlərinə əlavə edib: “O gündən indiyə kimi Avropa bizə qarşı nə qədər qərəzli, əsası olmayan, şər-böhtan xarakterli kampaniyalar aparıb və bu hələ də davam edir. Demokratiyadan danışan Avropa hazırda müstəqil, suveren bir dövlətin birbaşa olaraq daxili işlərinə qarışır. Bundan da böyük siyasi ədəbsizlik ola bilməz. Demək ki, Avropanın özü beynəlxalq qanunları pozur. Burada məqsəd Azərbaycanı da Suriyanın, İraqın gününə salmaqdır. Ona görə də Azərbaycan vətəndaşları bu məsələyə gərək diqqətlə yanaşsınlar, nəticə çıxarsınlar və Azərbaycan üçün belə xoşagəlməz hadisələrin hazırlanmasına qarşı ümumxalq təpkisi ortaya qoysunlar”.

Ölkə.Az

ŞƏRH YAZ
0
BAĞLA