KORONAVİRUSA YOLUXANLARIN SAYI - CANLI STATİSTİKA

"Bəziləri saxta sənədlərlə xarici ölkələrdə yerləşib, düşmənlərimizin əlində alətə çevrilirlər" — Deputat

16:05
23.08.2019
2917
Siyasət
A
“Azərbaycan ərazicə kiçik və gənc ölkə olmasına baxamayaraq, dünyada hərtərəfli iqtisadi inkişaf tempini, eyni zamanda ictimai-siyasi sabitliyini, dövlətin və onun lideri cənab İlham Əliyevin beynəlxalq aləmdə böyük nüfuz qazanmasını, regional, qitələrəarası əməkdaşlıqda müstəsna rolunu təbii ki, bəzi qüvvələr, o cümlədən ölkələr həzm edə bilmir. Azərbaycanın nəinki enerji, iqtisadi sahədə, o cümlədən tranzit yükdaşıma, şərqlə qərb, şimalla cənub arasında mərkəzi qovşaq rolunu oynayıb, bu proseslərdə aktiv rol oynaması həmin qüvvələri ciddi narahat edir. Ona görə də Azərbaycanı və ona rəhbərlik edən şəxslərin imicinə xələl gətirmək, nüfuzuna zərbə vurmaq üçün ən çirkin, iyrənc metodlara əl atıb, qarayaxma kampaniyasını həyata keçirirlər”.

Bunu  “Ölkə.Az”a açıqlamasında millət vəkili Rauf Əliyev deyib.

Onun sözlərinə görə,  ona görə də bu ölkələr və  prosesləri geriyə sürükləyib, ölkədəki mövcud sabitliyi pozmaq, xaos yaratmaq üçün daxildəki bəzi qüvvələrdən, o cümlədən  saxta adlarla Avropada sığınaraq özlərini “siyasi mühacir” hesab edən  “şəxslər”in xidmətindən faydalanmağa çalışırlar. “Hansı ki, bu insanlar  pul xatirinə hər şeyi satmağa hazırdırlar. Onlar üçün vətən, millət, xalq, dövlət  deyilən müqəddəs anlayış yoxdur. Onların müqəddəs hesab etdiyi puldur. Pula görə onlar bu gün xaricdə və ya daxildə ermənilərin də xidmətindən faydalanırlar. Onlardan pul alıb Azərbaycana qarşı qərəz, böhtan dolu kampaniya aparırlar. Azərbaycanın Prezidenti, Birinci Vitse-prezident haqqında  insanlığa, mənəvi dəyərlərə sığmayan  məlumatlar yayırlar. Bununla da onlar Azərbaycanın beynəlxalq aləmdəki nüfuzuna zərbə vurmağa çalışırlar”- R.Əliyev bildirib.
O deyib ki, bu işdə Azərbaycan daxilində olan bəzi qüvvələr də dəstək verir. “AXCP, “Müsavat” və digər bəzi partiyalar  mühacir alveri ilə məşğul olurlar. Onlara saxta sənədlər verməklə, Avropa ölkələrində “siyasi mühacir” adını almasına və anti-Azərbaycan qüvvələrin xidmətinə göndərirlər.  Hüquq-mühafizə orqanları belə faktları ifşa edib və etməkdədir”- o qeyd edib.

Deputat əlavə edib ki,  Azərbaycan demokratik və hüquqi dövlət olduğundan, burada hər bir şəxsin hüquqları konstitusiya və qanunlarla qorunur: “Ölkədə  bütün hüquq və azadlıqlar təmin olunub. İstənilən şəxs mövqeyindən asılı olmayaraq, hakimiyyətin yürütdüyü siyasətlə bağlı mövqeyini sərgiləyir və bu məsələdə hər hansı məhdudiyyət yoxdur. İnsanlar  siyasi baxışlarına və mövqelərinə görə təqib olunmur. Ancaq bəziləri hansısa saxta sənədlər vasitəsi ilə ölkədən gedərək xarici ölkələrdə yerləşib, öz həyatlarını qurmaq üçün Azərbaycanın düşmənlərinin, onu sevməyən qüvvələrin əlində alətə çevrilirlər. Bu isə yolverilməzdir. Hesab edirəm ki, bunun ən layiqli cavabı xalqın Prezident və Birinci Vitse-prezident ətrafında sıx birləşib, ölkə liderinin Azərbaycanın işıqlı gələcəyi ilə bağlı hədəflərinə çatmasına dəstək verməkdir. Necə ki, xalq bu yolu seçib. Əminəm ki, xalq mövcud sabitliyin pozulmasına imkan verməyəcək. Çünki xalq bu sabitliyin necə əldə olunduğunu yaxşı bilir. Xalq 90-cı illərin əvvəlindəki o xaosu görüb və ondan dərs çıxarıb və bir daha ölkənin geriyə, xaosa yuvarlanmasına imkan verməyəcək”.

Mürtəza
Ölkə.Az

ŞƏRH YAZ
0

“Avropa Məhkəməsinin Ramil Səfərovla bağlı qərarı təsadüfi xarakter daşımır” — Deputat

“Avropa Məhkəməsinin Ramil Səfərovla bağlı qərarı təsadüfi xarakter daşımır”
11:36
Bu gün
19
Siyasət
A
“Avropa Məhkəməsinin mayın 26-da Ramil Səfərov barəsində çıxardığı qərar təsadüfi xarakter daşımır”.

“Ölkə.Az” xəbər verir ki, bunu Milli Məcliisn bu gün keçirilən plenar iclasında deputat Nizami Səfərov deyib.

Onun sözlərinə görə, bu Azərbaycana qarşı növbəti qərəzin nümayişidir və buna uzun zaman hazırlıq işləri görülüb:

“Avropa Məhkəməsinin Azərbaycanla bağlı 2002-ci il, AŞPA-nın 2014-cü il   qəbul etdiyi qərəzli qərar Ramil Səfərov barəsində növbəti qərəzli qərarın qəbuluna yaşıl işıq yandırıb”.

Deputat əlavə edib ki, Ramil Səfərovun Azərbaycan ektradasiyası və onun əfv olunması beynəlxalq hüquqa əsaslanaraq verilib və burada hər hansı qanun pozuntusu yoxdur:

“Sadəcə Ermənistan tərəfinin Azərbaycxana qarşı növbəti təxribatı idi və qarşıya qoyduqları niyyətlərə nail ola bilmədilər. Ermənlərin növbəti təxribatı iflasa uğradı. Ramil Səfərovun əməli Azərbaycanın ordusunun fərdi zabiti tərəfindən törədilən hərəkətdir. Bunun bütövlükdə Azərbaycan ordusuna heç bir aidiyyatı yoxdur”.

Mürtəza

Ölkə.Az

ŞƏRH YAZ
0

Milli Məclisin yaz sessiyasının sonuncu plenar iclası başlayıb

Milli Məclisin yaz sessiyasının sonuncu plenar iclası başlayıb
11:23
Bu gün
200
Siyasət
A
Milli Məclisin yaz sessiyası çərçivəsində sonuncu plenar iclası başlayıb.

"Ölkə.Az" xəbər verir ki, iclasın gündəliyinə 12 məsələ daxil edilib.

Həmin məsələlər aşağıdakılardır:

-  “Azərbaycan Respublikası Hökuməti ilə Türkiyə Respublikası Hökuməti arasında Preferensial Ticarət Sazişinin təsdiq edilməsi haqqında” qanun layihəsi;

- “Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında” Sazişin təsdiq edilməsi barədə” qanun layihəsi;

- “Azərbaycan Respublikası Hökuməti ilə Türkiyə Respublikası Hökuməti arasında hərbi maliyyə əməkdaşlığı haqqında” Sazişin təsdiq edilməsi barədə” qanun layihəsi;

- “Azərbaycan Respublikası Hökuməti və Türkiyə Respublikası Hökuməti arasında təhlükəsizlik üzrə əməkdaşlıq haqqında Saziş”ə Əlavə Protokolun təsdiq edilməsi barədə” qanun layihəsi;

- “Azərbaycan Respublikası Hökuməti ilə Türkmənistan Hökuməti arasında Azərbaycan Respublikasının Türkmənistandakı Səfirliyinin və Türkmənistanın Azərbaycan Respublikasındakı  Səfirliyinin yerləşməsi üçün qarşılıqlı olaraq torpaq sahələrinin ayrılması haqqında” Sazişin təsdiq edilməsi barədə” qanun layihəsi;

- “Azərbaycan Respublikası Hökuməti ilə Türkmənistan Hökuməti arasında beynəlxalq avtomobil əlaqələri haqqında 2008-ci il 19 may tarixli Sazişə dəyişikliklər və əlavələr edilməsi barədə” Protokolun təsdiq edilməsi haqqında” qanun layihəsi;

- “Dövlət rüsumu haqqında” Azərbaycan Respublikasının Qanununda dəyişiklik edilməsi barədə” qanun layihəsi;

- “Yeyinti məhsulları haqqında” Azərbaycan Respublikasının Qanununda və Azərbaycan Respublikasının İnzibati Xətalar Məcəlləsində dəyişiklik edilməsi barədə” qanun layihəsi;

- “Azərbaycan Respublikasının Mülki Məcəlləsində və Azərbaycan Respublikasının Ticarət Gəmiçiliyi Məcəlləsində dəyişiklik edilməsi haqqında” qanun layihəsi (üçüncü oxunuş);

- “Azərbaycan Respublikasının İnzibati Xətalar Məcəlləsində dəyişiklik edilməsi haqqında” qanun layihəsi (ikinci oxunuş);

- “Ünvanlı dövlət sosial yardımı haqqında” Azərbaycan Respublikasının Qanununda dəyişiklik edilməsi barədə” qanun layihəsi (ikinci oxunuş);

- “Azərbaycan Respublikasının İnzibati Xətalar Məcəlləsində dəyişiklik edilməsi haqqında” qanun layihəsi (ikinci oxunuş).

Ölkə.Az

ŞƏRH YAZ
0
BAĞLA