Bıçağa əl atan məktəblinin məhkəməsi

Bıçağa əl atan məktəblinin məhkəməsi
10:43
17.04.2018
1194
Ölkə
A
Sabunçu rayonunda yerləşən orta məktəbdə 8-ci sinif şagirdini bıçaqlayan məktəblinin məhkəməsi başlayacaq.

 “Ölkə.Az”ın xəbərinə görə, cinayət məcəlləsinin 126.1-ci maddəsi ilə təqsirli bilinən Fətullazədə Samir Kazım oğlunun Bakı Ağır Cinayətlər Məhkəməsində keçiriləcək məhkəmə prosesinə hakim Novruz Kərimov sədrlik edəcək. 

Xatırladaq ki, qanlı hadisə ötən ilin oktyabr ayında paytaxtın 282 nömrəli məktəbində qeydə alınıb.  Bakı Şəhəri üzrə Təhsil İdarəsindən verilən məlumatda bildirilib ki, hadisə dərsdən sonra baş verib:

“282 nömrəli tam orta məktəbdən verilmiş məlumatda qeyd olunur ki, oktyabrın 16-da dərsdən sonra məktəbdən kənarda VIII ç sinif şagirdi Babayev Rahib Faiq oğlu ilə məktəbin 10 a sinif şagirdi Fətullazadə Samir Kazım oğlu arasında mübahisə olub. İlkin məlumata görə, mübahisə zəminində Fətullazadə Samir Kazım oğlu Babayev Rahib Faiq oğluna bıçaqla xəsarət yetirib”.

Təhsil İdarəsindən bildirilib ki, məktəb rəhbərliyi hadisədən xəbər tutan kimi təcili-tibbi yardıma və Suraxanı rayonu 33-cü polis bölməsinə məlumat verilib. Təcili-tibbi yardımla Rahib Babayev Sabunçu rayon xəstəxanasına aparılıb və əməliyyat olunub. Hüquq-mühafizə orqanları tərəfindən işlə bağlı araşdırma aparılır.

ŞƏRH YAZ
0

Bu gün hava yağmursuz olacaq

Bu gün hava yağmursuz olacaq
09:00
Bu gün
2801
Ölkə
A
Azərbaycanda şənbə gününə gözlənilən hava şəraiti açıqlanıb.

Ekologiya və Təbii Sərvətlər Nazirliyinin Hidrometeoroloji proqnozlar bürosundan "Ölkə.Az"a verilən məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin gecə və səhər bəzi yerlərdə yağış yağacağı ehtimalı var. Şimal-qərb küləyi gündüz mülayim cənub-qərb küləyi ilə əvəz olunacaq.

Havanın temperaturu gecə 5-7° isti, gündüz 9-13° isti, Bakıda gecə 5-7° isti, gündüz 10-12° isti təşkil edəcək.

Atmosfer təzyiqi 765 mm civə sütunundan 760 mm civə sütununa enəcək. Nisbi rütubət gecə 70-75 %, gündüz 55-60 % olacaq.

Azərbaycanın rayonlarında martın 23-də hava əsasən yağmursuz keçəcək. Gecə və səhər bəzi yerlərdə duman olacağı, şərq rayonlarında çiskinli yağış yağacağı gözlənilir. Lakin axşama doğru isə bəzi qərb rayonlarında yağış yağacağı ehtimalı var. Mülayim qərb küləyi əsəcək. Havanın temperaturu gecə 3-8° isti, gündüz 12-17° isti, dağlarda gecə 2° şaxtadan 3°-dək isti, gündüz 5-10° isti təşkil edəcək. 

Ölkə.Az

ŞƏRH YAZ
0

Azərbaycanla Pakistan arasında hərbi əməkdaşlığın inkişafı müzakirə olunub

Azərbaycanla Pakistan arasında hərbi əməkdaşlığın inkişafı müzakirə olunub
20:10
22.03.2019
26968
Ölkə
A
Pakistan İslam Respublikasında rəsmi səfərdə olan Azərbaycan Respublikasının Müdafiə naziri general-polkovnik Zakir Həsənov martın 22-də bu ölkənin Birləşmiş Qərargah rəisləri Komitəsinin sədri general Zübair Mahmud Həyat ilə görüşüb.

Müdafiə Nazirliyindən Trend-ə verilən məlumata görə, görüşdə Azərbaycan ilə Pakistan arasında təhlükəsizlik, müdafiə, hərbi, hərbi-texniki və hərbi təhsil sahələrində, eləcə də terrorizmə qarşı mübarizədə əməkdaşlığın daha da inkişaf etdirilməsi, döyüş hazırlığı, ekspert qrupları səviyyəsində qarşılıqlı səfərlərin təşkili, iki ölkə ordularının bütün qoşun növləri arasında əlaqələrin genişləndirilməsi, habelə qarşılıqlı maraq doğuran digər məsələlər müzakirə olunub.

Ölkə.Az

ŞƏRH YAZ
0
BAĞLA