Bıçaq xəsarətləri alan Yevlax sakini Mingəçevirdə öldü

Bıçaq xəsarətləri alan Yevlax sakini Mingəçevirdə öldü
23:00
10.10.2019
5341
Hadisə
A
Yevlaxda qətl törədilib.

Daxili İşlər Nazirliyindən Trend-ə verilən məlumata görə, oktyabrın 9-da saat 21 radələrində Yevlax rayonunun Havarlı kəndi ərazisindən kənd sakini Rasim Nazarovun kəsilmiş-deşilmiş xəsarətlə Mingəçevir şəhər xəstəxanasına gətirilməsi və orada ölməsi barədə Yevlax RPŞ-yə məlumat daxil olub.

Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.

Təxirəsalınmaz istintaq və əməliyyat-axtarış tədbirləri nəticəsində qəsdən adam öldürməkdə şübhəli bilinən kənd sakini Y.Çuqay saxlanılıb.

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.

Ölkə.Az

ŞƏRH YAZ
1

İmişlidə yük avtomobili abidəyə çırpılıb — FOTO

İmişlidə yük avtomobili abidəyə çırpılıb
19:32
Bu gün
263
Hadisə
A
İmişlidə yük maşını qəzaya uğrayıb.

"Ölkə.Az" xəbər verir ki, Bakı-Horadiz avtomagistralının İmişli rayonunun Qaradonlu kəndindən keçən hissəsində Hacıqabul rayon sakini, 1977-ci il təvəllüdlü Cəbrayılov Ramil Cavanşir oğlunun idarə etdiyi qoşqulu "KamAZ” markalı 24 BD 085 dövlət nömrə nişanlı avtomobildə idarəetməni itirərək yol kənarında yerləşən "Azad qadın” abidəsinə çırpılıb.

Hadisə zamanı xəsarət alan olmasa da, abidəyə və yol infrastrukturuna ciddi ziyan dəyib.

Faktla bağlı araşdırma aparılır. 

 

ŞƏRH YAZ
0

Tərtər sakini həmyerlisini meşədə güllələdi

Tərtər sakini həmyerlisini meşədə güllələdi
19:04
Bu gün
638
Hadisə
A
Bərdə rayonunda adam güllələməkdə təqsirli bilinən Fazil İsmayılovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib. Cinayət işi hakim Məhəmməd Bağırovun icraatına verilib.

Məhkəmə hazırlıq iclası oktyabrın 29-na təyin edilib.

Qeyd edək ki, hadisə bu ilin avqust ayında rayonun Seyid Yusifli kəndi ərazisində yerləşən meşədə qeydə alınıb.

Tərtər rayon Xoruzlu kənd sakini, 1967-ci il təvəllüdlü Fazil İsmayılov meşədə mübahisə etdiyi və şəxsi ədavəti olduğu həmkəndlisi Elvin Nəcəfovu “Kalaşnikov” avtomatı ilə güllələyib. E.Nəcəfov hər iki bud nahiyəsindən 3 güllə yarası alıb. E.Nəcəfov əməliyyat olunması üçün Gəncə şəhər Mərkəzi Xəstəxanasına göndərilib.

F.İsmayılova Cinayət Məcəlləsinin 126.1 (qəsdən sağlamlığa ağır zərərvurma) və 228-ci (qanunsuz silah saxlama) maddələri ilə ittiham verilib. 

Natiq Allahverdiyev
Ölkə.Az

ŞƏRH YAZ
0
BAĞLA