Bill Qeytsdən səxavətli addım
"Microsoft" şirkətinin qurucusu Bill Qeyts xeyriyyə fonduna pul bağışlayıb.
"Ölkə.Az" xəbər verir ki, tanınmış milyarder 4.6 milyard dollar pulu xeyriyyə məqsədi ilə fonda köçürüb. Bu son 17 ilin ən böyük məbləğidir. Məlumatı ABŞ-ın qiymətli kağızlar və birjalar komissiyası dərc edib.
Milyarder iş adamı "Microsoft"un 4.6 milyard dollarlıq səhmlərini 6 iyun tarixində bağışlayıb. İanəni alanın adı göstərilməsə də, komissiya bildirir ki, bir müddət əvvəl də Qeyts "Bill and Melinda Gates Foundation" xeyriyyə qurumuna külli miqdarda vəsait bağışlayıb. Bu fond isə Bill və həyat yoldaşına məxsusdur.
Bu məbləğ 2000-ci ildən bu yana Qeytsin bağışladığı ən böyük ianə məbləğidir. 2000-ci ildə Qeyts 16 milyard dolları xeyriyyə fonduna bağışlamışdı.
Hikmət Həsənov
Ölkə.Az
