Binəli Yıldırım azərbaycanlı şəhidlərin övladları ilə görüşüb
Türkiyənin Baş naziri Binəli Yıldırım “Türkiyə və Azərbaycanın şəhid övladları qucaqlaşır” sosial proqramı çərçivəsində azərbaycanlı şəhid uşaqları ilə görüşüb.
“Ölkə.Az” Türkiyə mediasına istinadən xəbər verir ki, B.Yıldırım belə tədbirlərin tez-tez keçirilməsinin əhəmiyyətindən danışıb:
“Şəhidlərin əmanətlərinə gözümüz kimi baxmaq mükələfiyyətimiz var. Həm Türkiyədəki, həm də Azərbaycandakı şəhid yaxınları daha çox görüşməlidir. Bunun üçün əlimizdən nə gəlirsə, edəcəyik”.
Baş nazirin azərbaycanlı şəhid övladları ilə görüşü bu gün "Çankaya köşkü"ndə keçirilib.
O, sözlərinə əlavə edib ki, Türkiyə Dağlıq Qarabağ probleminin həll olması üçün dəstək verməyə davam edəcək.
