Binəqədidə cinayət
Binəqədi rayonunda bıçaqlanma hadisəsi baş verib.
"Ölkə.Az" xəbər verir ki, hadisə axşam saatlarında Azadlıq prospekti 8-də qeydə alınıb. Belə ki, Pərviz Hacıməmmədov şəxsi münasibətlərin pozulması səbəbindən tanışı Mirheydər Qasımovu bıçaqlayıb. Yaralı təcili tibbi yardım maşını ilə Kliniki Tibbi Mərkəzə çatdırılıb. Əməliyyata götürülən yaralının vəziyyəti orta-ağır kimi qiymətləndirilir.
Hadisəni törədən şəxsə gəldikdə isə, o, Binəqədi Rayon Polis İdarəsinin əməkdaşları tərəfindən saxlanılaraq İstintaq Şöbəsinə təhvil verilib. Faktla bağlı Binəqədi RPİ-nin İstintaq şöbəsində cinayət məcəlləsinin 126.1-ci maddəsi ilə cinayət işi başlanıb, araşdırmalar davam etdirilir.
Ölkə.Az
