Bir ayda problemli kreditlər 145,8 milyon manat artıb
Bu ilin əvvəlindən kommersiya bankları tərəfindən müştərilərə 14794.0 milyon manat kredit verilib.
Cəmi kreditlərin 1739.8 milyon manatının, ümumi kredit portfelinin 11,76%-nin vaxtı keçib.
"Ölkə.Az" Mərkəzi Banka istinadən xəbər verir ki, may ayının sonuna əvvəlki ayla müqayisədə vaxtı keçmiş kreditlərin həcmi artıb. Belə ki, apreldə problemli kreditlərin həcmi 1594.0 milyon manat təşkil edib. Bu da problemli kreditlərin bir ayda 145,8 milyon manat və ya 9,15% artması deməkdir.
Onu da bildirək ki, kreditlərin 8025.7 milyon manatı milli valyutada, 6768.3 milyon manatı xarici valyutada təqdim edilib.
