"Bir həftə Bakıda qala bilsəm, Miri Yusif kimi Xalq artisti olaram" — Cem Yılmaz

20:18
16.11.2019
19932
Maqazin
A
"25 ildən sonra ilk dəfədir ki, Bakıya gəlirəm. Hər kəs məni gözəl qarşıladı. Bu illər ərzində bir layihə ilə Azərbaycana dəvət olunmağımı gözləmişəm. Çünki kimsəni tanımadığımız üçün gəlməyə çəkinirdik. Ona görə də bu layihəni təşkil edənlərə təşəkkür edirəm".

"Ölkə.Az" oxu.az-a istinadən xəbər verir ki, bunu Türkiyənin məşhur komediya ustası, aktyor Cem Yılmaz Bakıda keçiriləcək konsertindən əvvəl təşkil olunan mətbuat konfransında bildirib.

Cem Yılmaz azərbaycanlı sənətçilərdən Aygün Kazımova, Miri Yusif, İradə İbrahimovanı və gənclərdən Raufu tanıdığını açıqlayıb:

“Azərbaycanın mədəniyyətini öyrənmək üçün iki gün bəs eləməz. Bir həftə burada qalsam, azəricə danışa bilərəm. Əgər bu gün gözəl şou keçsə, bundan sonra bütün dostlarımı da Bakıya pulsuz olaraq gətirəcəyəm.  

Bu gün Bakını çox az gəzdim. Amma sabah gəzmək üçün vaxtım var. Sevilmək gözəl bir hissdir. Hər kəsin mənə qarşı münasibəti çox müsbətdir. İki gün sonra geri qayıdacağam, amma Bakı fikrimdə qalacaq. Növbəti gəlişimdə Bakını daha çox gəzəcəyəm.

Ümumiyyətlə, Bakını çox sevdim. Hətta dostlarımdan Bakıdan mənə tar almağı xahiş etdim. Onu çalmağı öyrənəcəyəm.

Bir həftə Bakıda qalsam, Miri Yusif kimi Xalq artisti olacağam. İradə İbrahimovanı, Aygün Kazımovanı və gənclərdən isə Raufu tanıyıram. Yaşlı nəsil sənətçilərinizdən də tanıdıqlarım var”.

Şoumen bilet qiymətləri ilə bağlı sualı cavablandırarkən Tarkana da söz atmağı unutmayıb:

“Tarkanla orqanik bir bağımız var. Bilet qiymətləri açıqlananda insanlar öncə Tarkanın gələcəyini düşünüblər. Çünki o qiymətə görə ağıla ilk Tarkan gəlir. Şoumda sənət dostlarımdan da danışacağam.

Təəssüflər olsun ki, azərbaycanlı komediya sənətçilərindən kimsəni tanımıram. Amma bundan sonra onlar haqqında maraqlanaram.

Türkiyədə isə küsülü olduğum məşhur yoxdur. Öz işimlə bağlı olaraq rəqabət apardığım kimsə də yoxdur. Çünki artıq yaşım o yaş deyil. Gözəl işlər həyata keçirən gəncləri çox sevirəm.

Azərbaycanlı aktyorla birlikdə film çəkmək istəyərəm. Elə bir layihə olsa, çox şad olaram. Yalnız komediya filmi olmaya da bilər. Başqa bir mövzuda da film çəkə bilərik”.

İkinci dəfə Bakıya gəlməsi ilə bağlı yayılan xəbərlərə gəlincə, Cem Yılmaz deyilənlərin yalan olduğunu bildirib:

“İlk dəfədir Bakıya gəlirəm. Yazılanlar şayiələr idi. Budəfəki çıxışımda Azərbaycanla bağlı nələrəsə yer ayırmayacağam. Son altı ildə həyatımda baş verənlərdən danışacağam. Amma ikinci dəfə gəlişimdə ölkənizlə bağlı zarafatlar edə bilərəm. İnsan sevdiyi şeylərin zarafatını edər”.

Şoumen 7 yaşlı oğlu Kemalın onun yolunu davam etdirmək istəmədiyini də qeyd edib:

“Əgər oğlum mənim yolumla getmək istəsə, ona mane olmağa çalışaram. Pul qazanmaq lazımdırsa, mən bunu edərəm”.

ŞƏRH YAZ
0

Şakira dəyişib belə oldu — FOTO

Şakira dəyişib belə oldu
01:52
Bu gün
483
Maqazin
A
Dünyaca məşhur müğənni Şakira illərdir dəyişmədiyi imicini yeni mahnısına görə dəyişib.

''Ölkə.Az'' xəbər verir ki, müğənni illərdir heç bir dəyişiklik etmədiyi uzun sarı saçlarını kəsdirərək onları qara rəngə boyayıb. Onun yeni görünüşü pərəstişkarları tərəfindən çox bəyənilib. Şakiranın yeni mahnısı üçün görünüşündə dəyişiklik etdiyi məlum olub.

Qeyd edək ki, Şakira və Cenifer Lopez 3 fevralda eyni səhnəni paylaşacaqlar. 

Shakira'nın yeni imajı görenleri şoke etti!

Shakira'nın yeni imajı görenleri şoke etti!

Ölkə.Az

ŞƏRH YAZ
0

Xəyyam “Altın Kelebek”də iştirakdan imtina etdi

Xəyyam “Altın Kelebek”də iştirakdan imtina etdi
00:55
Bu gün
589
Maqazin
A
Müğənni Xəyyam Nisanov Türkiyənin nüfuzlu "Altın Kelebek" mükafat mərasimində iştirak etməkdən imtina edib.

"Ölkə.Az" qafqazinfo-ya istinadən xəbər verir ki, sənətçi bu barədə instaqram səhifəsində məlumat verib.

"Nəzərinizə çatdırım ki, "Altın Kelebek" müsabiqəsindən vaxtı bir neçə dəfə dəyişdiyi üçün könüllü olaraq ayrılmışam. Bütün iştirakçılara uğurlar", - Nisanov qeyd edib.

Xatırladaq ki, ötən ilin dekabrında keçirilməsi planlaşdırılan layihə fevralın 28-də baş tutacaq.

ŞƏRH YAZ
0
BAĞLA