Birinci qrup Qarabağ əlili olan repçidən İLGİNC AÇIQLAMALAR — "Telekanallar efirə çıxmağım üçün məndən pul istəyirlər"

Birinci qrup Qarabağ əlili olan repçidən İLGİNC AÇIQLAMALAR
11:45
09.03.2017
61
Maqazin
A
Tanınmış repçi, birinci qrup əlil Bəhlul Tufan "Ölkə.Az"-ın suallarını cavablandırıb.

- Bəhlul bəy, necəsiniz? 

- Şükür, salamatçılıqdır.

- Sizi repçi kimi tanıyırdıq. Deyəsən artıq mahnı da oxuyursunuz.

- Bəli.

- Yəqin ki, toylara görə.

- Düzdür, toylara getmək üçün mahnı da oxuyuram. Ancaq hələ ki toya dəvət edən yoxdur.

- Bəs rep oxuyanda toylara gedirdiniz?

- Yox. Düşünürəm ki, replə bir şey edə bilmədik, görək mahnıyla nə olur?

- Amma replə yadda qaldınız.

- Bəli, repçi kimi tanıyırlar.

- Toylara da getmirsiniz. Necə dolanırsınız?

- Pis-yaxşı dolanırıq. Birinci qrup Qarabağ əliliyəm, dövlət təqaüd verir.

- Son zamanlar efirdə az-az görünürsünüz.

- Efirlər pul istəyirlər. Ona görə də çıxa bilmirəm.

- Birinci qrup Qarabağ əlilisiniz...

- Bəli, 2002-ci ildə Ağcabədi tərəfdə, Haramı düzündə yaralanmışam.

- Efirə görə sizdən nə qədər pul istəyirlər?

- Doğrusu, özümə deməyiblər, bəlkə də utanırlar. Amma görürəm ki, yubadırlar. Amma ən azı 200-300 istəyirlər də. Mən də 400 manat təqaüd alıram.

- Deyəsən, idmançı olmusunuz.

- Səkkiz yaşımdan idmanın içindəyəm. Karateylə, kikboksinqlə məşğul olmuşam. Belə olandan sonra paralimpiyaçı idmançı oldum, ağırlıqqaldırma üzrə respublika çempionu oldum. Artıq bir ildir ki, idmana son qoymuşam.

- Səbəb?

- Öz gücümə edə biləcəyimi etdim. Amma ardını gətirmək üçün vitaminizasiya lazımdır. Ona da dəstək verən olmadı.

- Sənət adamlarıyla kimlərlə ünsiyyətdəsiniz?

- Tanınmışlardan heç kimlə ünsiyyətim yoxdur. Təkcə rəhmətlik Hüseyn Dərya ilə aram yaxşı olub.

- Olurmu ki, hansısa məclisdə görüb saymazlıq etsinlər?

- Qarşıma elə bir insan çıxmayıb. Olubsa da onu salım yerə, çıxartmayım da (gülür). Şou əhli efir naminə, ətrafdakıların gözünə girmək üçün yalançı sözlər verirlər. Amma elə orada da qalır.

- Təxəllüsünüz Tufan, oxuduğunuz mahnı "Üsyan"...

- Gəlib keçdiyimiz yerdə bəlli olmalıdır ki, buradan Bəhlul, buradan Tufan keçdi.

- Azərbaycan repində böyük bir boşluq var.

- Hüseyn Dərya rəhmətlik həqiqətən əjdaha idi. Bir az maddi imkanım olsa, o boşluğu dolduraram.


İntiqam VALEHOĞLU
Fotolar: Nurlan Gülməmmədov
Ölkə.Az

ŞƏRH YAZ
0

Oktay Kaynarcanın acılarla dolu həyat hekayəsi — Anasını əmisi ilə evləndiriblər

Oktay Kaynarcanın acılarla dolu həyat hekayəsi
11:30
15.12.2017
4169
Maqazin
A
Son illər "Eşkiya dünyaya hükümdar olmaz" serialı ilə milyonların sevgisini qazanan Oktay Kaynarcanın acılarla dolu həyat hekayəsi var.

"Ölkə.Az" xəbər verir ki, Oktayın heç kəs tərəfindən bilinməyən bir həyatı olub. Aktyor sirr kimi saxladığı həyat hekayəsini oxucularımıza təqdim edirik.

Aktyor əsasən "Kurtlar Vadisi" serialındakı Süleyman Çakır obrazı ilə məşhurlaşmışdı. Obraz o qədər sevilmişdi ki, hətta serialda Süleyman Çakır öləndə Türkiyədə məscidlərdə cənazə namazı qılınıb, yas saxlanılmışdı.

2009-cu ildə Oktayın atası Adil Kaynarca vəfat edib. Bu vaxt türk mətbuatı "məşhur aktyorun atası vəfat etdi"- başlıqlı yazılar yazmışdı. Çünki hamı Adili Oktayın atası bilirdi.

Amma Adil Kaynarcanın ölümü ilə aktyorun 30 ildən çox sirr kimi saxladığı həqiqət ortaya çıxdı. Adil Kaynarca əslində Oktayın əmisidir.

Kaynarca uşaqlıq dövrünü anası və atası ilə Berlində keçirib. İstanbulda yaşayan əmisi isə arvadını istirahət üçün Almaniyaya, qardaşının yanına göndərirdi. Adil arvadını təyyarəyə mindirir, Oktayın atası Özkan isə hava limanında qadını qarşılayırdı.
Hava limanında qardaşı arvadını qarşılayan Özkan geri qayıdanda avtomobil qəzasına düşüb. Bu qəzada Oktayın atası və əmisi arvadı həlak olur. O dövrdə Oktayın cəmi 5 yaşı olub.

Ailəni yasa boğan bu hadisədən sonra böyüklərin qərarı ilə Oktayın anası Nursel əmisi Adil ilə evləndirilib. Oktay uzun illər Adili atası zənn edib, sirri öyrəndikdən sonra isə reallığı qəbul edib.

Adil Kaynarca dünyasını dəyişəndə isə Oktay "həm atamı, həm əmimi itirdim"-demişdi.

Hikmət Həsənov
Ölkə.Az

ŞƏRH YAZ
0

Azərbaycanlı müğənni həbsdən azad olundu — FOTO

Azərbaycanlı müğənni həbsdən azad olundu
23:56
14.12.2017
4471
Maqazin
A
Əməkdar artist Rəhman Rəhmanovun oğlu, “Azəristar” musiqi yarışmasının iştirakçısı Emil Rəhmanov azadlığa buraxılıb.

“Ölkə.Az” xəbər verir ki, bu barədə ifaçının aktyor dostu Cavanşir Məhərrəmov məlumat verib.

Qeyd edək ki, müğənni Emil Rəhmanov İlk dəfə 2008-ci ildə soyğunçuluq etməkdə təqsirləndirilərək həbs olunub. O, 6 il azadlıqdan məhrum edilmişdi. Daha sonra isə 2016-cı ilin yanvarında yenidən həbs edilib və 2 illik müddətə azadlıqdan məhrum edilib.

Ölkə.Az

ŞƏRH YAZ
2
BAĞLA