"Biz belə insanlara mühacir deyə bilmərik” — Fəzail Ağamalı

14:25
21.08.2019
1775
Siyasət
A
"Araşdırmalar təsdiq edir ki, bu gün Avropada məskunlaşaraq Azərbaycan əleyhinə fəaliyyət göstərənlər siyasi mühacirlər deyil".

Bunu “Ölkə.Az”a  açıqlamasında millət vəkili Fəzail Ağamalı deyib.

Onun sözlərinə görə, bu şəxslər Azərbaycandan hər hansı siyasi təqibə görə getməyiblər.

“Bu gün Azərbaycanda yetərincə müxalifət var və onlardan daha radikal formada fəaliyyət göstərərək, ölkədəki proseslərlə bağlı ən kəskin mövqe sərgiləyirlər. Belə sərt və radikal mövqe  sərgiləmələrinə baxmayaraq, öz fəaliyyətlərini Azərbaycan daxilində davam etdirirlər. Onların fəaliyyətinə isə hər hansı formada məhdudiyyət qoyulmur. Bu, faktdır və kimsə bunu inkar edə bilməz. Bunu inkar etmək günəşin  inkar edilməsinə bənzəyər”- deputat qeyd edib.

Deputat onu da bildirib ki, bununla yanaşı, bu gün  Avropada  Azərbaycanın maraqlarını müdafiə edən və dövlətimizin başını uca edən yetərincə azərbaycanlı mühacirlər də  var. “Lakin buradan  saxta sənədlərlə, fırıldaqçı yollarla gedərək, Avropada məskunlaşan anti-Azərbaycan qüvvələrin, qrupların təsiri altına düşərək, ölkəmizə, onun tanınmış simalarına qarşı ədəbsiz, tərbiyəsiz, təhqiramiz, heç bir mənəvi dəyərlərə sığmayan fəaliyyət göstərirlər və bu, qəbuledilən deyil. Biz belə insanlara mühacir deyə bilmərik”- F.Ağamalı bildirib.

F.Ağamalı əlavə edib ki, bu gün Avropada məskunlaşan həmin mühacir dəstəsinə  mənəvi dəstək verən, onları yönləndirən, informasiya ilə təmin edib, təlimatlandıran müxalif qüvvələr də mövcuddur. “Ölkə daxilində  Avropaya mühacir etmək istəyənlərə saxta  sənəd verib, yola salan şəbəkə mövcuddur. Onların bəziləri hüquq-mühafizə orqanları tərəfindən ifşa olunub. Hesab edirəm ki, hüquq-mühafizə orqanları  belə şəxsləri ifşa etdirmək istiqamətində fəaliyyətini davam etdirməlidir. Bununla bərabər,  saxta, fırıldaq yolla gedib anti-Azərbaycan əleyhinə  fəaliyyət göstərən mühacirlərin  deportasiya olunması üçün Avropa ölkələrinin hüquq-mühafizə orqanlarına, miqrasiya  qurumlarına və digər səlahiyyətli  orqanlarına həmin şəxslərin siyasi mühacir olmaması, saxta sənədlərlə həmin ölkələrdə yerləşməsi barədə sənədlər təqdim etməlidir”- deputat deyib.

Deputat hesab edir ki,  bu məsələdə ictimai qınaq da müstəsna rola malikdir və ona görə də cəmiyyət belə insanları qınaq obyektinə çevirməlidir.

Mürtəza
Ölkə.Az

ŞƏRH YAZ
0

Rusiyanı gözləyən ən böyük — TƏHLÜKƏ

Rusiyanı gözləyən ən böyük
02:45
Bu gün
542
Siyasət
A
Rusiyanın Müdafiə naziri Sergey Şoyqu ölkəsi üçün ən böyük təhlükəni açıqlayıb.

“Ölkə.Az” APA-ya istinadən xəbər verir ki, Şoyqu hesab edir ki, Rusiya üçün ən başlıca təhlükə ABŞ-ın öz güc üstünlüyünə inanmasının və Vaşinqtonun düşünülməmiş addımlar ata biləcəyidir.

Ordu generalı bu gün Rusiya üçün geniş miqyaslı müharibə təhlükəsinin olmadığına ümid etdiyini söyləyib:

"Fikirləşəndə ki, qüvvələr balansı sənin xeyrinə dəyişib, o zaman ağıla ən düşünülməmişi daxil olmaqla, müxtəlif ideyalar gələ bilər və ABŞ-da bu cür hesab etməyə davam edirlər. Məhz bu vəziyyəti hazırda ən böyük təhlükə görürəm, həm də təkcə Rusiya üçün deyil. Müasir dünyada silahlanmanın idarə edilməsi sistemində səhvlərin olması ehtimalı da yüksəlib. Ona görə də ölkələr informasiya təhlükəsizliyinə diqqər ayırırlar".

S. Şoyqu Rusiyanın geniş miqyaslı müharibədə iştirakı məsələsinin gündəmdə olmadığına ümid etdiyini, lakin bununla belə, ölkələrə qarşı təhlükənin azalmadığını bildirib. Rusiyalı nazir ABŞ-ın “Silahlanma üzərində nəzarət haqqında” müqavilədən çıxmasının və “Strateji hücum silahlarının azaldılması haqqında” müqavilənin qeyri-müəyyənliyinin dünyanı daha çox gözlənilməz olduğunu vurğulayıb.

Ölkə.Az

ŞƏRH YAZ
0

Ərdoğanı ABŞ-da belə qarşıladılar — FOTO

Ərdoğanı ABŞ-da belə qarşıladılar
23:04
22.09.2019
1148
Siyasət
A
Türkiyə prezidenti Rəcəb Tayyib Ərdoğan 74-cü BMT-nin Baş Assambleyasında iştirak etmək üçün Nyu-Yorka səfərə gəlib.

"Ölkə.Az" xəbər verir ki, Ərdoğanın təyyarəsi "JFK" hava limanında eniş edib.

Türkiyə nümayəndə heyətinin tərkibində xəzinədarlıq və maliyyə naziri Berat Albayrak, milli müdafiə naziri Hulusi Akar, ətraf mühit və şəhərsalma naziri Murat Kulum, ticarət naziri Ruhsar Pekcan yer alıb.

Türkiyə prezidentini XİN rəhbəri Mövlud Çavuşoğlu, BMT yanında daimi nümayəndə Ferudin Siniroğlu və Türkiyənin Vaşinqtondakı səfiri Sərdar Kılıçla yanaşı yüzlərlə insan mahnı və marşın müşayiəti ilə coşğu ilə qarşılayıb.


Ölkə.Az

ŞƏRH YAZ
0
BAĞLA