"Biz daha çox öz çatışmazlıqlarımız üzərində çalışmalıyıq" — Qurban Qurbanov

21:59
12.07.2018
9594
İdman
A
"Qarabağ" klubunun və Azərbaycan milli komandasının baş məşqçisi Qurban Qurbanov Avropa Liqasının I təsnifat mərhələsi çərçivəsində baş tutan "Qəbələ" – "Proqres" oyunun fasiləsində jurnalistlərin suallarını cavablandırıb.

"Ölkə.Az" Report-a istinadən 46 yaşlı mütəxəssisin müsahibəsini təqdim edir:

- Öncə "Olimpiya” ilə oyun haqda danışmağınızı istərdik. Rəqib necə komanda idi?

-"Olimpiya” yaxşı komandadır. Demək olar, ilk mərhələdə qarşılaşdığımız ən güclü rəqibdir. Ümumiyyətlə, klub olaraq çox inkişaf edib. Oyun çox çətin idi. Minimal hesablı qələbə o demək deyil ki, cavab oyunu bizim üçün asan olacaq. Fərdi xarakterli yaxşı oyunçuları var. Komandanın özünəməxsus oyun üslubu var. Həmçinin, məşqçiləri yenidir və çox istəklidirlər.

Biz daha çox öz çatışmazlıqlarımız üzərində çalışmalıyıq. Bəzi problemlərimiz var. Buna baxmayaraq, futbolçularımız yaxşı mübarizə apardılar.

- Yeni transfer olunan oyunçular necə təsir bağışladı?

- Onların işgüzarlığından razıyam. Çox istəklidirlər, işlərinə peşəkar yanaşırlar. Amma oyun baxımından təkcə onlarda yox, bütün futbolçularda çatışmazlıqlar var. Tam adaptasiya olmaları üçün bir neçə oyuna ehtiyac var. Elə oyunçu var ki, fiziki hazırlığı tam qaydasında deyil. Buna baxmayaraq, mənim üçün ən önəmli olan futbolçuların peşəkarlığıdır ki, bu da onlarda var.

- "Qarabağ" Çempionlar Liqasına bir hücumçu ilə yollanıb. Mərhələni keçsəniz, hücumçu transferini sürətləndirəcəksiniz?

-Demək olar ki, ən çox axtardığımız oyunçu hücum mövqeyinədir. Buna çox vaxt sərf edirik. 3-4 variantımız oldu, demək olar ki, alınmışdı. Amma son anda razılıq əldə olunmadı. Bu gün yenə axtarışdayıq, variantlar var, danışıqlar aparırıq. Hücumçu transferini hər zaman açıqlaya bilərik.

- Variantlardan birinin də Yaponiyanın "Şaqan Tosu" klubundan ayrılan İborranın olduğu deyilir.

- Ola bilər. Bu variant da var.

- Klubların oyunu milli komandaya hazırlıq baxımından vacibdir. "Qəbələ"nin ilk hissədəki oyununu nəzərə alsaq, nə görə bildiniz?

- Hər iki komanda ehtiyatlı futbol sərgiləyir. Bu mənə tanışdır: dünən biz də ehtiyatlı oynayırdıq. Çünki ilk oyunda rəqibi daha yaxından tanımağa çalışırsan. Hiss olunur ki, oyunun intizamı qaydasındadır. Hava da çox istidir. Belə havada futbolçulardan maksimumu tələb etmək düzgün olmaz. Bugünkü oyun hələ heç nə demir. Hazırlıqdan 3-4 oyun sonra futbolçu tam idman formasını bərpa edir.

- Hansı kompenent oldu ki, məhz Qəbələyə gəlməyi üstün tutdunuz. Düzü, biz sizi uzun yoldan sonra Bakıda, "Neftçi”nin oyununda gözləyirdik.

- Bir neçə kompenent var. Rauf Əliyevi canlı izləmək istəyirdim. Bundan başqa, digər oyunçular var. Mənim üçün də hansı futbolçunun meydanda olacağı maraqlı idi. Həm də "Qəbələ”yə azarkeşlik etməyə gəlmişəm.

- Siz nizam-intizama önəm verən məşqçisiniz. Qara Qarayevin qırmızı vərəqə almasına münasibətiniz necədir?

- Hər iki sarı vərəqə adi oyun epziodu idi. İkinci sarı vərəqədən sonra xəbərdarlıq etdim. Hakim rəqibə qırmızı vərəqə verməsəydi, Qaranı da cəzalandırmayacaqdı.

- Sonuncu sualımız dünya çempionatı ilə bağlıdır: Fransa, yoxsa Xorvatiya?

-İmkan olsa, hər iki komandaya kubok verərdim. Ancaq bizə oyunu izləmək qalır. Hər iki komanda kuboku qazanmağa layiqdir. Amma düşünürəm ki, Xorvatiya çox istəklidir. Final çox maraqlı olacaq.

Ölkə.Az

ŞƏRH YAZ
0

“EYOF Bakı 2019”un ikinci günündə medal siyahısına Azərbaycan millisi başçılıq edir

“EYOF Bakı 2019”un ikinci günündə medal siyahısına Azərbaycan millisi başçılıq edir
01:30
Bu gün
2163
İdman
A
İyulun 22-də - “EYOF Bakı 2019” XV Avropa Gənclər Yay Olimpiya Festivalının ikinci günündə 16 ölkənin idmançıları medal qazanıblar.

"Ölkә.Az"ın məlumatına görə, iki günün nəticələrinə əsasən medal siyahısına Azərbaycan yığma komandası başçılıq edir. Komandamızın aktivində 10 medal – 4 qızıl, 4 gümüş və 2 bürünc medal var. Medalların hamısını komandamıza güləşçilərimiz qazandırıblar. Belə ki, yunan-Roma pəhləvanlarımız 3 qızıl və 1 bürünc, sərbəst güləşçilərimiz 1 qızıl, 2 gümüş və 1 bürünc, qadın güləşçilərimiz isə 2 gümüş medala sahib olublar.

Hesabında 3 qızıl və 1 bürünc medal olan İtaliya seçməsi ikinci sırada qərarlaşıb. Üçüncü pillədə isə 2 qızıl, 1 gümüş və 5 bürünc medalla Rusiya yığması yer alıb. İlk beşlikdə sonrakı yerləri Türkiyə (1-1-1) və Rumıniya (1-1-0) seçmələri tamamlayırlar.

 

Festivala iyulun 27-də yekun vurulacaq.

Ölkә.Az

ŞƏRH YAZ
0

“EYOF 2019”: Atletika yarışlarında birinci qızıl medalı İtaliyalı atlet qazanıb

“EYOF 2019”: Atletika yarışlarında birinci qızıl medalı İtaliyalı atlet qazanıb
23:54
22.07.2019
621
İdman
A
İyulun 22-də “EYOF Bakı 2019” XV Avropa Gənclər Olimpiya Festivalının atletika yarışlarının axşam sessiyasında idman yerişi üzrə mükafatçılar müəyyənləşib.

"Ölkə.Az"ın məlumatına görə, bu yarışın finalında italiyalı Qabriel Qamba 45 dəqiqə 15 saniyə nəticə ilə qızıl medala sahib olub. Gümüş medalı İspaniya təmsilçisi Paul Makqrat (45 dəqiqə 51 saniyə) üçüncü yeri isə Mustafa Tekdal (46 dəqiqə 6 saniyə) tamamlayıblar.

“EYOF 2019”un atletika yarışlarına iyulun 27-də yekun vurulacaq.

Ölkə.Az

ŞƏRH YAZ
0
BAĞLA