“Bizim ailə həyatımız yoxdur, çünki…”

“Ölkə.Az” xəbər verir ki, bunu oxu.az-a müsahibəsində türkiyəli aktyor Erkan Bektaş bildirib.

Bakıda səfərdə olan aktyor buranı çox sevdiyini deyib.

Şəxsi həyatından danışan E.Bektaş hazırda həyatında heç kimin olmadığını söyləyib:

“Bizim ailə həyatımız yoxdur. Çünki saatlarla, günlərlə çəkilişlərdə oluruq. Evə yalnız bir neçə saat yatmaq üçün gəlirik. Sonra yenidən çəkiliş meydançasına gedirik. Teatrla həftələrlə qastrollarda oluruq. Buna görə də bizim üçün ailə həyatı qurmaq çox çətindir. Bir çox sənət adamlarının evliliyi çox çəkmir”.

Aktyor seriallardakı tərəf müqabilləri ilə tanış olub sevgili olması və ya evlənməsinə isə belə münasibət bildirib:

“Doğru deyil. Heç vaxt iş yoldaşımla sevgili olmamışam. Çünki mən iş yoldaşıma başqa gözlə baxmaram. Sənət aləmində belə hallar olur, amma bunu doğru saymıram. Rol aldıqları seriallar uzun müddət davam edəndə onların münasibətləri pozulur, gərginliklər olur. Tərəf müqabilinə yalnız iş yoldaşı kimi baxmalısan ki, işin də marağı olsun. Çünki bəzən sevgililər dalaşa, bununla da bütün iş yarımçıq qala bilər. İstər-istəməz aralarındakı problem, gərginlik hiss olunur və işə təsir edir. Nəticə olaraq isə tamaşaçı keyfiyyətsiz işi izləyir. İş bitdikdən sonra sevgili ola bilərlər”.

Ölkə.Az