Biznesdə və maliyyə məsələlərində riskli addımlar atmaq zamanı deyil — Günün qoroskopu

Biznesdə və maliyyə məsələlərində riskli addımlar atmaq zamanı deyil
00:43
18.10.2017
115
Maraqlı
A
“Ölkə.Az”ın “milli.az”a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir:

Qoç - Diqqətli olun. Yaxın ətrafınızdakı insanların istəklərini anlamağa cəhd göstərin. İşgüzar tərəfdaşınız və ya həmkarınızın əhvalı pis ola bilər. Ona görə də soyuqqanlı davranmağınız gərəkdir. Günün ikinci yarısında münasibətləri gərməyin. Münaqişə səbəbkarı olmayın. Danışıqlar və ya söhbət əsnasında problemli mövzuların təhlilinə başlamayın. Əhəmiyyətli məsələlərdən birinin həllini ertələmək olar. Sevdiyiniz insanla ünsiyyətdə diqqətli, səbrli olun. Güzəştə meylli insan təsiri bağışlayın.

Buğa - Tərəfdaşlar və həmkarlarla münasibətləri daha da inkişaf etdirin. Yeni layihənin icrasına başlamaq, ideyanı gerçəkləşdirmək fikriniz varsa, aktiv olun. Süstlüyə qapılmayın. Qarşı tərəfi dinləyin, onun sözünü kəsməyin. Günün ikinci yarısında ehtiyatsızlıqla söylənən kəlmə indiyədək çətinliklə yaradılan əlaqələri poza bilər. Yaxınlarınızla münasibətlərdə səmimi olun. Yalan danışmayın. Yeni müttəfiq qazanmaq zamanıdır.

Əkizlər - Yaradıcılıq fəaliyyəti ilə məşğul olanları uğur gözləyir. Tərəfdaş və müttəfiqlərinizin qatıldıqları tədbirdə iştirak edin. Onlardan dəstək alacaq, yeni ideyaları paylaşmaq şansı əldə edəcəksiniz. Təcili yola çıxmaq zərurətinin yarandığı situasiya formalaşa bilər. Sükan arxasında ehtiyatlı olun. Problemlər riski artır. Günün ikinci yarısında dostların sözlərinə qulaq asın. Axşam saatlarını evdə keçirmək olar. Romantik görüşü təxirə salın. Vaxtınızı sevdiyiniz insana həsr edin.

Xərçəng - Asan gün deyil. İstənilən məqsədə çatmaq üçün adi günlərlə müqayisədə daha çox çalışmalı olacaqsınız. Yaşam potensialınızın səviyyəsi yüksəkdir. Bütün sədləri dəf etmək üçün enerjiniz yetərincədir. Günün ikinci yarısında maliyyə fonu uğurlu deyil. Mənasız xərclərə yol verməyin. Romantik təmaslar üçün yaxşı zamandır. Sevdiyiniz insanla təmaslar sizi sevindirəcək. Dəvət aldığınız tədbirlərə qatılın. Yeni tanışlıqlar olacaq. Axşam saatlarında normal istirahət edin.

Şir - Sayıq olun. Mühüm sənədlərin hazırlanmasında, hesabatların tərtibatında, həmkarlar və tərəfdaşlarla qarşılıqlı əlaqələrdə maksimal dərəcədə diqqətlə davranın. Texniki gecikmələr, avadanlığın sıradan çıxması istisna deyil. Səbirli, təmkinli olun. Günün ikinci yarısında həmsöhbətlərdən biri kobudluğu və tərbiyəsizliyi ilə sizi sinirləndirəcək. Cavabınız adekvat olmalıdır. İfrata varmayın. Axşam saatlarında sizdən üzr istəyəcəklər.

Qız - Sağlam məntiqlə davranın, emosiyalara qapılmayın. Biznesdə və maliyyə məsələlərində riskli addımlar atmaq zamanı deyil. Nüfuzunuza zərbə vura biləcək insanlardan uzaq durun. Daşınmaz əmlak məsələlərinin həlli üçün əlverişli zamandır. Günün ikinci yarısı bankda hesab açmaq, kredit almaq üçün münasib deyil. Yaxınlarınızla təmaslarda fikir ayrılıqları volüntarist qərarların qəbuluna səbəb olmamalıdır. Lakonik danışın. Sürətlə hərəkət edin.

Tərəzi - Stabilliyə nail olmaq istəyiniz sizi prinsiplərinizdən bir addım da geri çəkilməməyə vadar edir. Yaxşı taktikadır. Status-kvonu saxlamaq, situasiyaya nəzarət imkanlarını mühafizə etmək imkanları var. Tərəfdaşlarla fikir ayrılıqları və ixtilaflar istisna deyil. Günün ikinci yarısında ruhdan düşməyin. Davranışınızda zəruri dəyişikliklər etməkdən boyun qaçırmağınız yaxınlarınızda müəyyən narahatlıq və nigaranlıq yaradacaq. Mövqeyinizi arqumentlərlə müdafiə edin. Axşam saatlarını sevdiyiniz insanla əylənərək keçirin.

Əqrəb - İşlərinizi qaydaya salın. Hədəfləri və məqsədləri təftiş edin. Yaxınlarınızla münasibətlərdə son vaxtlar gərginləşmələr vardısa, emosiyalarınıza hakim olun. Düşünülməmiş addımlar atmayın. Günün ikinci yarısında həmkarlarla daha sıx təmaslar qurun. Kollektiv fəaliyyətdə fayda var. Böyük işlərə başlamaq üçün kiçik addım kifayətdir. Yetər ki, qərarlı olasınız. İşdə ehtiyatsız açıqlamanız rəhbərliklə münasibətlərinizi gərə bilər. Yaxınlarınızdan inciməyin. İntiqam almağa da can atmayın.

Oxatan - Səhər saatları laübəli və qarışıqdır. Planlarda dəyişikliklər istisna deyil. Qarşınıza qoyduğunuz məqsədə çatmaq üçün vaxt və resurs qıtlığı hiss olunacaq. Maneələri dəf edin, ruhdan düşməyin. Pessimizmə qapılmayın. Günün ikinci yarısında həll edə bilməyəcəyiniz çətinliklər yoxdur. Problemlərin çözümünə kreativ yanaşın. Ağır işi yarımçıq qoyaraq istirahət etməyin. Qətiyyətli və iradəli olsanız, uğur sizi gözləyir. Yaxınlarınızdan dəstək alacaqsınız.

Oğlaq - Hisslərinizə hakim olun, spontan addımlar atmayın. Emosiyalar məntiqi üstələməməlidir. Heç bir halda aqressiv davranmayın, kobudluq etməyin. İşdə rəhbərliklə, tərəfdaşlarla, həmkarlarla rəvan danışın.
Günün ikinci yarısında daha təcrübəli həmkarlarla danışın. Onlardan məsləhət almaqdan çəkinməyin. Yaxşı bələd olmadığınız insanlarla söhbətdə əvvəlcədən bəlirlənmiş çərçivədən kənara çıxmayın. Sevdiyiniz insanla ünsiyyətdə danışmaqdan daha çox qulaq asmağa üstünlük verin.

Dolça - Hazırda məşğul olduğunuz işi yarımçıq qoyaraq yeni planların gerçəkləşdirilməsinə başlamayın. Rəqibləri üstələmək üçün ətrafınızdakı situasiyanı tam dəyərləndirin. Günün ikinci yarısında ən çətin şəraitdə belə, təmkinli davransanız, uğur qazanacaqsınız. Qarşınıza qoyduğunuz məqsədə çatmaq üçün daha aktiv davranmağınız gərəkdir. Kiçik problemlərə vaxt sərf edərək diqqətinizi əsas məsələdən yayındırmayın. Yaxınlarınızla münasibətlərdə kritik olun. Kimsəni ideallaşdırmayın. Əks təqdirdə gözləntiləriniz sizi aldada bilər.

Balıqlar - Adi, rutin gündür. Ekstraordinar heç bir hadisə baş verməyəcək. Yaşanacaq olayların bir çoxunu əvvəlcədən təxminləmək mümkündür. Buna rəğmən maliyyə və maddi məsələlərlə bağlı çətinliklərin yaranması istisna deyil. Günün ikinci yarısında gərəkli insanlarla əlaqələri işə salsanız, istənilən sahədəki çətinliyi aradan qaldırmaq olar. Şəxsi münasibətlərdə önəmli addım atmazdan əvvəl dəyər verdiyiniz insanın cavab reaksiyasını proqnozlaşdırmağa çalışın.

Ölkə.Az

ŞƏRH YAZ
0

Azərbaycanda da Tənhalıq Nazirliyi yaradıla bilər? — Açıqlama

Azərbaycanda da Tənhalıq Nazirliyi yaradıla bilər?
22:33
22.01.2018
983
Maraqlı
A
Dünyada getdikcə bir çox ölkələrdə tənhalaşma meyilləri artır. Yəni ənənəvi ailə institutu dağılıb, ailələrdə adətən bir və ya iki uşaq doğulur, onlar da böyüdükdən sonra ailədən ayrı yaşamağa üstünlük verirlər.

"Ölkə.Az" xəbər verir ki, bunu Trend-ə Milli Məclisin deputatı Musa Quliyev Böyüt Britaniyada Tənhalıq Nazirliyinin yaradılmasına münasibət bildirərkən deyib.

M.Quliyev bildirib ki, insanlar ahıl yaşlarında tək qalırlar: "Adətən kişilər bir az tez dünyasını dəyişir, qadınlar isə ahıl yaşlarda tək qalırlar, bəzən isə kişilər də tək qalır: "Hər dövlətdə bu şəxslərə xidmət göstərmək üçün müvafiq qurumlar var".

Deputat bildirib ki, Azərbaycanda bu iş Əmək və Əhalinin Sosial Müdafiəsi Nazirliyi tərəfindən həyata keçirilir, ahıllara xidmət göstərmək üçün qanun var, tənha insanlar üçün sığınacaqlar, qocalar evləri fəaliyyət göstərir: "Azərbaycanda bununla bağlı yeni nazirliyin, komitənin və ya başqa bir qurumun yaradılmasına ehtiyac yoxdur. Ən əsası ona görə ki, ölkədə ailə institutu ənənələri qalmaqdadır".

Azərbaycanda bu vəziyyəti açılamaq üçün qeyd edək ki, ötən il evlərində tək yaşayan və yaşadıqları rayonda (şəhərdə) qanunla onları saxlamağa borclu övladları, yaxud valideynləri olmayan tənha ahıl və əlil vətəndaşlardan ibarət 11 min nəfər Dövlət Sosial Müdafiə Fondunun aidiyyəti rayon (şəhər) şöbələrinin sosial işçiləri tərəfindən səyyar formada sosial-məişət xidmətləri ilə təmin olunublar. Onlardan 8 700 nəfərini yaşı 70-dən yuxarı olan tənha ahıl insanlar, qalanlarını isə əlilliyi olan şəxslər təşkil edib. Sosial işçilər qanunvericilikdə nəzərdə tutulmuş qaydada tənha ahıl və əlil şəxslərin evlərində olaraq onlara təmizlik işlərinin aparılmasında, zəruri ərzaq, sənaye və məişət əşyalarının alınması və s. işlərdə köməklik göstəriblər.

Qeyd edək ki, ötən həftə Böyük Britaniyanın Baş naziri Tereza Mey ölkənin idman və ictimaiyyət naziri Treysi Krauçu yeni yaradılmış Tənhalıq məsələləri üzrə Nazirliyin rəhbəri təyin edib.

T.Mey yeni nazirliyin bir neçə il öncə qətlə yetirilmiş deputat Co Koksun fəaliyyəti əsasında yaradıldığını bildirib.

Məlumat üçün bildirək ki, C.Koks Böyük Britaniya Parlamentində tənhalıq məsələləri üzrə komissiyaya rəhbərlik edib və özünü tənha hiss edən vətəndaşlara yardım üçün orqanın yaradılmasına çalışıb.

Hələlik Tənhalıq Nazirliyinin konkret olaraq hansı fəaliyyətlə məşğul olacağı barədə məlumat verilməyib.

Ölkə.Az

ŞƏRH YAZ
0

"Ferrari" tarixinin ən güclü superkarını hazırlayır

13:38
22.01.2018
5071
Maraqlı
A
"Ferrari" şirkəti "Porsche 911 GT2 RS" və "Lamborghini Huracan Performance" modelləri ilə rəqabətə girəcək yeni superkar üzərində işləyir.

"Ölkə.Az" xəbər verir ki, şirkət bu il "488GT" avtomobilinin ən esktremal versiyasını təqdim edəcək. Bildirilir ki, kapotun altına 700 at gücü hasil edən mühərrik yerləşdiriləcək.

Şirkətdən verilən məlumata əsasən, yei model "Ferrari" tarixinin seriya modelləri üçün nəzərdə tutulan V8 tipli ən güclü mühərriklə təchiz ediləcək.  Ehtimal edilir ki, 3.9 litr həcmli ikiqat gücləndiricisi olan mühərrik standart mühərrikdən 10% yüngül olacaq.

Kuzov da əsasən, karbon lifindən hazırlanacaq.

Hikmət Həsənov
Ölkə.Az

ŞƏRH YAZ
1
BAĞLA