“İBM” dünyanın ən kiçik kompüterini təqdim etdi
“İBM” şirkəti ölçüsü 1*1 millimetr olan kompüteri təqdim edib.
“Ölkə.Az” xəbər verir ki, kompüterə 1 milyondan çox tranzistor daxil edilib.
Bu kompüter saxta mallara qarşı mübarizədə istifadə ediləcək. İl ərzində saxta mallar dünya iqtisadiyyatına 60 milyard dollara başa gəlir. Ən pisi isə insan ölümünə səbəb olmasıdır. Bəzi ölkələrdə satılan dərmanların 70%-i saxtadır və müalicəvi təsirə malik deyil.
Kiçik kompüter mal bağlamasına daxil ediləcək və onun saxta olmadığına dair məlumatlar əks etdirəcək.
Qurğunun ilk modeli il yarım sonra satışa çıxacaq. Onun qiyməti 5 sent olacaq.
Hikmət Həsənov
Ölkə.Az
