"BMW" qəfil dayandı, "07" "Mercedes"i vurdu — Bakıda məzəli qəza

11:03
11.07.2019
3970
Ölkə
A
Bakıda baş vermiş qəza anı kameraya düşüb.

"Ölkə.Az" Avtosfer.az-a istinadən xəbər verir ki, Azadlıq prospektinin Binəqədi rayonu ərazisindən keçən hissəsində (Varovskinin kruqu adlanan ərazi) yol-nəqliyyat hadisəsi baş verib.

Belə ki, “BMW X6” markalı avtomobilin sürücüsü qarşıdakı avtomobil sola döndüyü üçün qəfil əyləci basıb. Bu zaman arxadan gələn VAZ 21 07 markalı avtomobilin sürücüsü onunla toqquşmamaq üçün sağa çəkib. Amma yolayrıclnda gözləyən “Mercedes” markal avtomobilə çırpılıb. Bu arada yol kənarında dayanmış piyada son anda geriyə çəkilərək avtomobil tərəfindən vurulmaqdan qurtulub.

“07”nin sürücüsü avtomobildən çıxaraq “BMW X6”-ya etiraz etsə də sonuncu heç nə olmamış kimi yoluna davam edib. Videogörüntüləri təqdim edirik:

Ölkə.Az

ŞƏRH YAZ
1

Evində çətənə becərirmiş — FOTO

Evində çətənə becərirmiş
21:47
16.07.2019
3992
Ölkə
A
Ağdamda xüsusi qulluq edilmiş çətənə kolları aşkar edilib.

“Ölkə.Az” DİN Mətbuat Xidmətinin Bərdə regional qrupuna istinadən xəbər verir ki, Ağdam RPŞ-nin əməkdaşları tərəfindən əməliyyat keçirilib.

Həyata keçirilmiş tədbirlər nəticəsində çətənə bitkisi yetişdirməkdə şübhəli bilinən İmamqulubəyli qəsəbə sakini Azər Allahverdiyev saxlanılıb.

Onun yaşadığı ünvana baxış keçirilən zaman evin həyətində aqrotexniki qaydada qulluq etdiyi ümumi çəkisi 8 kiloqram 870 qram olan 28 ədəd narkotik tərkibli çətənə bitkisi aşkar edilərək götürülüb.

Faktla bağlı araşdırma aparılır.

Ölkə.Az

ŞƏRH YAZ
0

Azərbaycanda vəkil barəsində cinayət işi başlanıb

Azərbaycanda vəkil barəsində cinayət işi başlanıb
20:59
16.07.2019
1251
Ölkə
A
12 saylı Vəkil bürosunun vəkili Vüqar Poladov Cinayət Məcəlləsinin 312.2-ci (Vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddəsi ilə ittiham olunur.

“Ölkə.Az” xəbər verir ki, onunla birlikdə Misir Əmirov da təqsirləndirilən şəxs qismində istintaqa cəlb olunub.

Onlar barəsində cinayət işinin istintaqı başa çatdırılaraq baxılması üçün Bakı Ağır Cinayətlər Məhkəməsinə göndərilib. Cinayət işi hakim Samir Əliyevin icraatına verilib. Məhkəmənin hazırlıq iclası yaxın günlərdə məlum olacaq.

Vəkillər Kollegiyasından bildirilib ki, V. Poladovun vəkillik fəaliyyəti bir müddət əvvəl dayandırılıb.

Ölkə.Az

ŞƏRH YAZ
0
BAĞLA