BMX üzrə dünya çempionatına yekun vurulub — FOTO

BMX üzrə dünya çempionatına yekun vurulub
13:00
10.06.2018
1251
İdman
A
Bakıda keçirilən velosiped idmanının BMX növü üzrə dünya çempionatı başa çatıb.

"Ölkə.Az" Report-a istinadən xəbər verir ki, son yarış günündə gənclər və Elit kateqoriyasında qaliblər müəyyənləşib.

Gənc qızların mübarizəsində hollandiyalı İndi Şipers 38.038 saniyə nəticə ilə hamıdan üstün olaraq qızıl medal qazanıb. Gümüş medala isveçrəli Zoe Klassens, bürünc medala isə Kolumbiya idmançısı Qabriella Bolle Karrillo layiq görülüb.

Gənc oğlanların yarışında birinci yeri 33.077 saniyə nəticə ilə fransalı Leo Qaroyan tutub. Kolumbiyalı Kamilo Xuan Ramirez Valensia çempionatı ikinci, çilili İqnasio Maurisio Molina Verqara üçüncü pillədə başa vurub.

Elit kateqoriyada yarışan qadınlar arasında Hollandiya idmançıları ilk üç pillədə yer alıblar. Laura Smulders 35.690 saniyə göstərici ilə fəxri kürsünün ən yüksək pilləsinə qalxıb. Merel Smulders gümüş, Cudi Baau bürünc medala sahib olub.

Kişilərin mübarizəsində isə fransalı velosipedçilər fəxri kürsünün ilk 2 pilləsinə qalxıblar. Fotofinişə əsasən, 31.426 saniyə nəticə ilə Silven Andre birinci olub. Onun komanda yoldaşı Joris Dode ikinci pillədə qərarlaşıb. İlk üçlüyü Braziliya idmançısı Anderson Ezekel de Souza Filho tamamlayıb.

Qaliblərə medalları Beynəlxalq Velosipedçilər İttifaqının vitse-prezidenti Renato Di Rokko, qurumun BMX komissiyasının sədri və Idarə Heyətinin üzvü Artur Lopes, Azərbaycan Respublikası gənclər və idman nazirinin müavini İsmayıl İsmayılov və Azərbaycan Velosiped İdmanı Federasiyasının birinci vitse-prezidenti, Avropa Velosipedçilər Birliyi Rəhbər Komitəsinin üzvü Sahib Ələkbərov təqdim ediblər.

İlk üç pillədə qərarlaşan idmançılara medal və çempionatın rəsmi talismanı olan Qafqaz bəbiri, qalib idmançılara isə çempionluq köynəyi verilib. Mükafatlandırma mərasimi möhtəşəm atəşfəşanlıqla başa çatıb. Qeyd edək ki, dünya çempionatında 43 ölkədən 1500-dən artıq velosipedçi iştirak edib.

Ölkə.Az

ŞƏRH YAZ
0

Avropa Liqasının püşkatma mərasimində ilk dəfə azərbaycanlı səfir iştirak edəcək

Avropa Liqasının püşkatma mərasimində ilk dəfə azərbaycanlı səfir iştirak edəcək
11:49
17.08.2018
381
İdman
A
UEFA Avropa Liqasının 2018/2019 mövsümünün qrup mərhələsinin püşkatma mərasimində ilk dəfə azərbaycanlı səfir də iştirak edəcək.

"Ölkə.Az" Report-a istinadən xəbər verir ki, buna səbəb yarışın final matçının 2019-cu il mayın 29-da Bakı Olimpiya Stadionunda təşkil olunmasıdır. Qaydalara əsasən, final oyununun səfiri veteran futbolçulardan biri olmalıdır. O, qrup mərhələsindən başlayaraq, bütün püşkatma mərasimlərinə qatılmalıdır. Hələlik həmin şəxsin kimliyi dəqiqləşməyib. Qrup mərhələsinin püşkatma mərasimi isə avqustun 31-də Monakoda keçiriləcək.

Bu mövsüm Azərbaycan təmsilçilərindən yalnız "Qarabağ" Avropa Liqasının qrup mərhələsinə yüksələ bilər. Bunun üçün Ağdam komandası Avroliqanın III təsnifat mərhələsində Moldova "Şerif"ini üstələməlidir. İlk matç avqustun 23-də Tiraspolda, cavab görüşü isə ayın 30-da Bakıda olacaq.

Qeyd edək ki, 2017-2018 mövsümündə final oyunu Fransanın Lion şəhərində kerçirilib. Finalın səfiri isə İspaniya "Barselona"sının heyətində Çempionlar Liqası, UEFA Super Kuboku və klublararası dünya çempionatının ikiqat qalibi olmuş Fransa yığmasının sabiq müdafiəçisi Erik Abidal olub.

Ölkə.Az

ŞƏRH YAZ
0

"Qarabağ"a rəqib bu komanda olacaq

11:35
17.08.2018
447
İdman
A
Ağdamın “Qarabağ” klubunun UEFA Avropa Liqasının play-off mərhələsindəki rəqibi məlum olub.

"Ölkə.Az" xəbər verir ki, təmsilçimizin rəqibi Moldovanın “Şerif” klubudur. Belə ki, “Şerif” UEFA Avropa Liqasının III təsnifat mərhələsində İslandiyanın "Valür" komandasına qalib gələrək növbəti mərhələyə yüksəlib.

Qeyd edək ki, “Qarabağ” – “Şerif” klubları arasında ilk oyun avqustun 23-də keçiriləcək. Cavab qarşılaşması isə avqustun 30-da olacaq.

ŞƏRH YAZ
0
BAĞLA