Bölgədə yaranacaq böhrandan heç kim qazanmayacaq — Mürtəza Bünyadlı

Bölgədə yaranacaq böhrandan heç kim qazanmayacaq
16:55
07.12.2019
18397
Maqazin
A
Azərbaycan və Ermənistan xarici işlər nazirlərinin dekabrın 4-də baş tutan səfərinin yekunları ilə bağlı Azərbaycan xarici işlər naziri Elmar Məmmədyarovun açıqlaması bir daha sübut etdi ki, Ermənistan hər dəfə olduğu kimi bu dəfə də qeyri-konstruktiv mövqe sərgilədiyindən, danışıqlar prosesi dalana dirənib. Bratislava görüşü bir daha sübut etdi ki, Qarabağ münaqişəsinin sülh yolu ilə həlli istiqamətində aparılan danışıqlar prosesi iflasa uğrayıb. Danışıqlarda münaqişənin həllində nəinki konkret addımların atılması istiqamətində xırda detallar, heç humanitar sahədə əldə olunan razılıqların müzakirəsi yaxına buraxılmayıb. Danışıqlarda Azərbaycan tərəfi Dilqəm Əsgərov, Şahbaz Quliyevlə erməni əsirlərin dəyişdirilməsini təklif etsə də, qarşı tərəf bu təklifi qətiyyətlə rədd edib. Bununla da danışıqlar nəticəsiz olub. Məmmədyarovun dediyi ki, son 1,5 ildə Qarabağ münaqişəsi istiqamətində heç bir irəliləyiş olmadığından, faktiki olaraq iflasa uğrayıb. Ermənistanın indiki rəhbərliyi Qarabağ münaqişəsinin həllində sərt mövqe sərgiləməsini sülhdən imtina kimi dəyərləndirilməlidir. İrəvan sülhdən imtina etməklə Azərbaycanı təxribata cəlb etmək və bununla da bölgədəki mövcud kövrək sabitliyi pozub, müharibəni alovlandırmaq istəyir.

Paşinyan hakimiyyətini danıqşıalrdan belə destruktiv mövqe sərgiləməsini şərtləndirən əsas amillərdən biri də Azərbaycanın seçki prosesində olmasıdır. İrəvan bilir ki, seçki ərəfəsində qarşı trəəf adekvat reaksiyaya, daha doğrusu müharibə variantına əl atmayacaq. Amma  Paşinyan bu məsələ də  yanılır.  Çünki Paşinyan  yaxşı anlayır ki, nə danışıqlar prosesi, nə də güc yolu onun xeyrinə deyil. Lakin bu yolla yenidən beynəlxalq rəydə Azərbaycanı günahlandırmaq cəhdi etmək istəyir. Azərbaycan İrəvanın bu hiyləgər və məkrli planlarının arxasında nə dayandığını yaxşı bilir. 

Təəssüf doğuracaq məqam  isə ondan ibarətdir ki, münaqişənin həllində  vasitəçilik  missiyasını həyata keçirən ATƏT-in Minsk Qrupu həmsədr ölkələri olan  ABŞ, Rusiya və Fransanın prosesə  seyrçi mövqe sərgiləməsidir. Vasitəçilər prosesə bu cür seyrçi münasibətini ancaq və ancaq Ermənistanın işğalçılıq siyasətinə dəstək kimi dəyərləndirmək olar. Vasitəçilər onu da yaxşı anlamalıdır ki, belə seyrçi mövqe onların da ziyanına işləyir. Çünki bölgədə müharibə ocağının alovlanmasından heç kim fayda götürməyəcək. Bunu ATƏT-ın hazırki sədri Bratsilavada keçirilən ATƏT Nazirlər Şurasının 26-cı iclasında çıxışı zamanı  bölgədə vəziyyətin riskli olduğunu açıqca dilə gətirərərk,  “Dağlıq Qarabağ münaqişəsində vəziyyətin eskalasiyasi üçün  real risk mövcuddur”- deməsi vəziyyətin nə qədər gərgin və mürəkkəb olduğundan xəbər verir. Ona görə də ATƏT MQ və beynəlxalq ictimaiyyət nə qədər gec deyil Ermənistanın işğalçılıq siyasətinin qarşının alınması istiqamətində vaxt itirmədən real addımlar atmalıdır. Əks təqdirdə yaranacaq böhrandan heç kim qazanmayacaq.

Ölkə.Az

ŞƏRH YAZ
0

Aysel Əlizadə: Nişanımı ad günümdə etmək istəyirdik — VİDEO

Aysel Əlizadə: Nişanımı ad günümdə etmək istəyirdik
22:47
26.01.2020
1439
Maqazin
A
7-8 il bundan öncə mənə elçi gəlib. Gəlib, qapını döydülər, nişan gününə kimi həmin şəxsin kimliyi bəlli idi. Həmin şəxsə “hə” demişdim.

"Ölkə.Az" xəbər verir ki, bu sözləri müğənni Aysel Əlizadə “ATV Maqazin 10larla” proqramının “33 sual” rubrikasında deyib. İfaçı illər öncə sevdiyi bir şəxslə nişan ərəfəsində xasiyyətlərinin tutuşmaması səbəbi ilə hər şeyin üstündə xətt çəkdiyini etiraf edib:

“Nişanımı ad günümdə etmək istəyirdik. Sadəcə olaraq, “ziyanın yarısından qayıtmaq xeyirdir”. Amma alınmadı. Gördüm ki, xasiyyət baxımından bir-birimizlə tutuşmuruq. Xasiyyətin tutuşması, bir insanın digərini yola verməsi kimi məqamlar mənim üçün çox önəmlidir”.

Müxbirin “Ayselin hazırda şəxsi həyatında kimsə var?” sualına müğənnidən çılğın reaksiya gəlib:

“Nə istəyirsiz axı mənim bu şəxsi həyatımdan? Əgər mən gözələmsə, bu o demək deyil ki, mütləq mənim şəxsi həyatımda kimsə olmalıdır. Gözəllərin problemi qat-qat daha çoxdur. Gözəl özündən o qədər razı olur ki... Məsələn, on oğlandan yeddisinə özünü asanlıqla sevdirə bilərsən. Yəni də... Nə yalan deyim!? (gülür)”.

Verilişdə sual yağışına tuş gələn A.Əlizadəyə ünvanlanan “Sosial şəbəkədə aldığın ən ağlasığmaz mesaj hansı olub?” sualına sənətçinin cavabı belə olub:

“Yazır ki, “Dünən səninlə necə gözəl əyləndik. Sən çox yaxşı qız imişsən”. Mesajı oxuyuram anlayıram ki, mənə yazılıb. Fikirləşirəm ki, əgər sevgilim və yaxud da həyat yoldaşım olsaydı, bu mesajı görüb, oxusaydı... Özüm-özümdən şübhələnirəm (gülür)”. (oxu.az)

ŞƏRH YAZ
0

Əmrahın bu hərəkəti təəccübləndirdi — FOTO

Əmrahın bu hərəkəti təəccübləndirdi
19:27
26.01.2020
2286
Maqazin
A
Müğənni Əmrah Bodrumda bazarda alış-veriş edərkən görüntülənib.

"Ölkə.Az" axsam.az-a istinadən xəbər verir ki, ifaçının marketdə deyil, bazarda olması təəccüb doğurub.

Lakin məlum olub ki, sənətçi meyvə və göyərtini bazardan alamağa üstünlük verir.

 

ŞƏRH YAZ
0
BAĞLA