“Böyük Dəbilqə”: Bir cüdoçumuz finalda

"Ölkə.Az" oxu.az-a istinadən bildirir ki, 2017-ci ilin dünya üçüncüsü, qızıl medal ümidimiz İrina Kindzerskaya (+78 kq) etimadı doğrultmayıb.

O, yarımfinalda Larisa Çeriçə (Bosniya və Herseqovina) uduzub. Ukraynalı legionerimiz bürünc medal uğrunda Marina Slutskaya (Belarus) ilə mübarizə aparacaq.

Məmmədəli Mehdiyev (-90 kq) finala çıxıb. O, yarımfinalda Kristian Totu (Macarıstan) məğlub edib. Məmmədəlinin finaldakı rəqibi Nikoloz Şerazadişvili (İspaniya) – Nemanya Maydov (Serbiya) cütünün qalibi olacaq.

Rusiyalı legionerimiz Zelim Kotsoyev (-100 kq) 1/4 finalda öz həmyerlisinə uduzub. O, Kazbek Zankişiyevlə (Rusiya) bacarmayıb. Osetin legionerimiz bürünc medal üçün təsəlliverici yarışda son Avropa çempionu bolqar əsilli Toma Nikiforovla qarşılaşacaq.

Ölkə.Az