Böyük yaş fərqiylə ailə quran məşhurlarımız

Bəlkə elə bu səbəbdəndir ki, istər televiziya proqramlarında, istər elektron mediada onların şəxsi həyatları bir çox hallarda sənətlərindən daha çox maraq doğurur. Təbii ki, istisnalar da mövcuddur.

Beləliklə, "Ölkə.Az" 10 yaş və daha böyük fərqlə ailə qurmuş məşhurlarla bağlı hazırladığı yazını təqdim edir.

Gənc Tamaşaçılar Teatrının keçmiş aktyoru Eşqin Quliyev həmin teatrın aktrisası, əməkdar artist Gülər Nəbiyeva ilə ailəli olublar. Yeddi il rəsmi nikahda olan cütlük arasında yaş fərqi 13 il idi. Nəbiyeva 1970-ci, Eşqin Quliyev isə 1983-cü ildə anadan olub. Qeyd edək ki, Eşqin Quliyev hazırda Sankt-Peterburqdakı teatrlardan birində çalışır. 

Space telekanalının tanınmış siması Mikayıl Güləddinoğlu isə həyat yoldaşından 14 yaş böyükdür. Aparıcı 1979-cu, həyat yoldaşı isə 1993-cü ildə anadan olub. Cütlüyün bu nikahdan iki qız övladı var.

Akademik Milli Dram Teatrının aktyoru Vüsal Mustafayev isə xanımından 11 yaş böyükdür. 1983 təvəllüdlü aktyorun həyat yoldaşı 1994-cu ildə anadan olub. Qeyd edək ki, Mustafayevlər ailəsinin iki oğlan övladları var. 

Mərhum aktyor, xalq artisti Hacıbaba Bağırov isə həyat yoldaşından nə az, nə çox düz 37 yaş böyük olub. Belə ki, 1932-ci il təvəllüdlü sənətkarın həyat yoldaşı Arzu xanım 1969-cu ildə anadan olub. Cütlüyün Şölə adlı qız övladları var. Qeyd edək ki, Şölə xalq artistinin qaynanasının da adıdır. 

Gənc Tamaşaçılar Teatrının keçmiş aktrisası Nigar Bahadırqızı isə həyat yoldaşından 17 yaş kiçikdir. 1988-ci il doğumlu aktrisanın ərinin hazırda 47 yaşı var. Qeyd edək ki,  Bahadırqızı Ersel Aktar adlı Türkiyə vətəndaşı ilə evlidir.

Gənc Tamaşaçılar Teatrının aktrisası Yasəmən Malikin qızı, gənc aktrisa Cahan Azər isə həyat yoldaşı olan rejissordan 16 yaş kiçikdir. Bu il ailə quran aktrisanın əri  Türkiyənin tanınmış rejissorlarından olan Savaş Çıkrakdır. 

Tanınmış müğənnilər Lalə Dadaşova və Elçin Cəlilov üçün da yaş önəmli faktor olmayıb. Belə ki, 1968-ci il təvəllüdlü Cəlilov özündən 15 yaş böyük Lalə Dadaşova ilə bir neçə il evli olub. Dadaşovanın bildirdiyinə görə, o, uzun müddət Cəlilovun yaşca ondan kiçik olduğunu bilməyib. 

Akademik Milli Dram Teatrının aktyoru Ayşad Məmmədov 1964-cü ildə Bakıda dünyaya gəlib. Aktyor özündən on yaş kiçik sənət yoldaşı İlqarə xanımla ailəlidir. Qeyd edək ki, cütlüyün qız övladları var.

Rejissor Fuad Əlişovla aktrisa Sevinc Əlişovanın da arasındakı yaş fərqi on yaşdan çoxdur. Belə ki, Sevinc Əlişova 1985-ci ildə anadan olub. Keçmiş cütlüyün bu nikahdan üç övladı var. 

 
Teleaparıcı Ülvira Qarayeva isə özündən 18 yaş kiçik Tərlan adlı bəylə ailəli olub. Aparıcı 2011-ci ildə ailə qurarkən onun 38, meyxanaçının 20 yaşı var idi. 

AZTV-nin tanınmış aparıcısı Emil Şahzadə Könül adlı xanımla evlidir. 1977-ci il doğumlü aparıcının həyat yoldaşı özündən 16 yaş kiçikdir. 

Müğənni Xəyyam Nisanovun həyat yoldaşı Nərmin xanım da sənətçidən 16 yaş kiçikdir. Belə ki, 35 yaşlı Nisanovun ömür gün yoldaşının 19 yaşı var. 

Hazırladı: İntiqam VALEHOĞLU
Ölkə.Az