Bozbash Pictures “Stalinin başı” macəra komediya filmini uğurla təqdim edib — FOTO

Bozbash Pictures “Stalinin başı” macəra komediya filmini uğurla təqdim edib
14:58
03.03.2017
546
Mədəniyyət
A
Bakıda “Nizami” kinoteatrında «Stalinin başı» komediya filminin uğurlu premyerası keçirilib

Qala-gecədə filmin bədii kollektivi, şou-biznes ulduzları, aparıcılar, idmançılar və KİV nümayəndələri iştirak etmişdir.

Təqdimatdan öncə bədii kollektiv qonaqların alqış sədaları altında qırmızı xalça üzərindən keçib, filmi stendi qarşısında şəkil çəkdirmişdilər və pərəstişkarları ilə selfi etmişdilər.

Gecənin açılışında İlkin Həsəni çəkilişlərin Bakıda, Qusar rayonunda, “Şahdağ” turistik mərkəzində və Qoridə (Gürcüstan) İosif Stalinin muzeyində baş tutduğunu bildirmişdir. Çəkiliş meydançasında baş vermiş maraqlı əhvalatlar ilə bölüşmüşdür  və bütün bədii kollektivə görülmüş işə görə, qonaq və jurnalistlərə göstərdikləri dəstəyə görə minnətdarlığını bildirmişdir. 

Komediyanın baş qəhrəmanları “Bozbash pictures” yumoristik layihəsinin yaxın dostları olublar. Hansıların ki, əllərinə yoldaş Stalinin trubkası ilə birgə vəsiyyətnaməsi düşür. Belə ki, bu trubka - partiyanın böyük xəzinəsinə açardı, hansı ki, Gürcüstanın Qori şəhərində yerləşən İosif Stalinin doğma evində gizlədilib.  Çətinlik isə odur ki, altı dost hamısı türmədədirlər. Və onda onlar qaçış planlaşdırırlar! Lakin onların hər biri özü sahib olmaq istəyir xəzinəyə, ona görə,  bir-birilərinə quyu qazırlar. Bakıdan Qoriyə kimi yolda onları xeyli macəra gözləyir...  Bu azmış kimi, onları kolon müdiri təqib edir. 

Film İLK Media və ATV tərəfindən çəkilib. İşin rejissoru – Emil Abdullayev. Rollarda: İlkin Həsəni, Elşən Orucov, Ramil Babayev, Nicat Rəhimov, Azər Baxşaliyev, İlkin Misgərli, Ənvər Abbasov, Ülfət Bəşir, Yaroslav Trifonov və başqaları.

Premyera tamaşaçıların gurultulu alqışları altında keçib. 

Ölkə.Az

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6266
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0

17 yaşlı xanəndəmiz Tacikistanda konsert verdi — FOTOLAR

17 yaşlı xanəndəmiz Tacikistanda konsert verdi
18:15
14.05.2018
2748
Mədəniyyət
A
VI Muğam Müsabiqəsinin qalibi Almaxanım Əhmədli Tacikistanın paytaxtı Düşənbədə solo konsert proqramıyla çıxış edib.

 "Ölkə.Az"-ın məlumatına görə, Azərbaycan Xalq Cümhuriyyətinin 100, Ümummilli lider Heydər Əliyevin anadan olmasının 95 illiyinə həsr edilmiş konsert proqramı saat yarım davam edib. Gənc xanəndə saytımıza açıqlamasında bildirib ki, konsertdə Tacikistan və Azərbaycanın dövlət rəsmiləriylə yanaşı, xarici ölkələrin diplomatik korpuslarının nümayəndələri də iştirak ediblər:

"Kosnertdə "Cəngi" Folklor Ansamblının və Mədəniyyət Nazirliyinin xəttiylə getmişdik. 

Konsertimiz çox yüksək səviyyədə keçdi. "Şeş Makom" muğam festivalında oxuduğum "Qarabağ şikəstəsi" isə gözlədiyimdən də yüksək səviyyədə qarşılandı. Konsertdən sonra Tacikistanın Dövlət Televiziyasına müsahibə verdim. Tacikistandakı səfirimiz Həsən Məmmədzadəylə də görüşümüz oldu". 

Qeyd edək ki, A.Əhmədli 2017-ci ildən AzTV-nin solisti, eyni zamanda Azərbaycan Milli Konservatoriyasının solo oxuma fakültəsinin tələbəsidir.

İntiqam VALEHOĞLU
Ölkə.Az

ŞƏRH YAZ
0
BAĞLA