BP neftin qiyməti ilə bağlı proqnozunu açıqladı

BP neftin qiyməti ilə bağlı proqnozunu açıqladı
13:33
12.10.2017
110
İqtisadiyyat
A
Bu ilin oktyabrın 24-də BP-nin baş iqtisadçısının müavini Vladimir Drebentsov Azərbaycana səfər edəcək.

"Ölkə.Az" APA-ya istinadən xəbər verir ki, bu barədə BP-nin Azərbaycan, Gürcüstan, Türkiyə regionunda xarici əlaqələr və strategiya üzrə vitse-prezidenti Bəxtiyar Aslanbəyli bildirib.

Onun sözlərinə görə, V.Derbentsovun hökumət və KİV nümayəndələri ilə görüşü nəzərdə tutulub.

"İki ildən bir biz BP Qrupunun iqtisadçılarını Azərbaycana dəvət edirik. Səfərin məqsədi 2035-ci ilədək enerji bazarı haqqında düşüncələrin, tələb-təklif, qiymət məsələləri ilə bağlı məlumatların toplanmasıdır", - deyə B.Aslanbəyli vurğulayıb.

Vitse-prezident əlavə edib ki, BP-nin iqtisadçılar ofisi 2018-ci ildə neftin qiymətində ciddi artım gözləmir.

ŞƏRH YAZ
0

Neftin yeni qiyməti

Neftin yeni qiyməti
01:14
Bu gün
33
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti fevralın 21-də 66,54 dollar/barel təşkil edib ki, bu da çərşənbə axşamına olan göstəricidən 0,24 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti fevralın 21-də 65,9 dollar/barel təşkil edib ki, bu da əvvəlki qiymətdən 0,22 dollar/barel çoxdur.

Novorossiysk limanından yüklənən URALS neftinin qiyməti fevralın 21-də 61,62 dollar/barel təşkil edib ki, bu da əvvəlki qiymətdən 0,19 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə fevralın 21-də 64,76 dollar/barel təşkil edib. Bu, əvvəlki qiymətdən 0,43 dollar/barel çoxdur.

Ölkə.Az

ŞƏRH YAZ
0

İranlı nazir: "Azərbaycan avtomobil sənayesinin inkişafı üçün əlverişli məkandır"

İranlı nazir:
21:41
22.02.2018
154
İqtisadiyyat
A
Azərbaycan avtomobil sənayesinin və ehtiyat hissələri istehsalının inkişafı üçün əlverişli məkandır.

"Ölkə.Az" xəbər verir ki, bunu Trend-ə ölkənin sənaye, mədənlər və ticarət naziri Məhəmməd Şəriətmədari deyib.

Nazir bildirib: “Mən hesab edirəm ki, bu sahələr Azərbaycanda inkişaf edə bilər”.

M.Şəriətmədari həmçinin Azərbaycanda tezliklə avtomobil istehsalı üzrə İran-Azərbaycan birgə müəssisəsinin açılacağına ümidvar olduğunu deyib.

Qeyd edək ki, bu ilin birinci rübündə Neftçala sənaye məhəlləsində İran-Azərbaycan birgə avtomobil zavodunun açılması gözlənilir. Müəssisənin həmtəsisçiləri "Iran Khodro" və "Azeurocar" şirkətləridir.

Bu zavodda "Dena", "Rana", "Soren", "Samand" avtomobil markaları, həmçinin "Peugeot"nun bir sıra modellərinin buraxılışı gözlənilir. Layihə 24 milyon manat dəyərləndirilir, zavodun illik gücü isə təqribən 10 min avtomobil təşkil edəcək. Gələcəkdə bu avtomobillərin Ukrayna, Rusiya və Mərkəzi Asiya ölkələrinə tədarükü planlaşdırılır.

Ölkə.Az

ŞƏRH YAZ
0
BAĞLA