BP-nin Bakıdakı baş ofisində tüstülənmə: Bütün işçilər təxliyyə edildi
Fövqəladə Hallar Nazirliyi BP-nin ofisi yerləşən binada baş verən yanğınla bağlı məlumat yayıb.
"Ölkə.Az"ın FHN-in saytına istinadən verdiyi məlumata görə, Bakının Səbail rayonunda 16 mərtəbəli inzibati binanın birinci mərtəbəsində yerləşən otaqda kompüter avadanlığı yanıb. Otaq və digər avadanlıqlar yanğından mühafizə olunub.
Yanğın saat 13:38-də yanğınsöndürənlər tərəfindən söndürülüb.
***
BP-nin Bakıdakı baş ofisində tüstülənmə olub.
"Ölkə.Az" Report-a istinadən xəbər verir ki, əraziyə yanğınsöndürənlər gəlib.
BP-nin bütün işçiləri binadan təxliyyə edilib. Qeyd edək ki, ofis Neftçilər prospektində yerləşir.
