Braziliya Meksikaya qalib gələrək 1/4 finala vəsiqə qazanıb
Rusiyada təşkil olunan futbol üzrə dünya çempionatında 1/8 final mərhələsinin daha bir görüşü keçirilib.
"Ölkə.Az" xəbər verir ki, Samara şəhərində baş tutan oyunda Braziliya və Meksika komandaları üz-üzə gəlib.
Qarşılaşma Braziliyanın 2:0 hesablı qələbəsi ilə başa çatıb. Matçda ilk qolu 51-ci dəqiqədə Neymar vurub. "Liverpul"un hücumçusu Roberto Firmino isə 88-ci dəqiqədə fərqi iki topa çatdırıb.
Qeyd edək ki, Braziliya yığmasının 1/4 finaldakı rəqibi bu gün saat 22:00-da keçiriləcək Belçika - Yaponiya cütünün qalibi olacaq. Həmin matç iyulun 6-da keçiriləcək.
Ölkə.Az
