Braziliyada film kimi hadisə — Zorlanan qız 12 il sonra polis olub qisas aldı

Braziliyada film kimi hadisə
13:23
20.06.2018
10407
Dünya
A
Braziliyada maraqlı hadisə qeydə alınıb.

“Ölkə.Az” xəbər verir ki, 9 yaşında zorlanan qız böyüyərək polis olub və onu zorlayan şəxsi tutaraq həbsə göndərib.

2016-cı ilin dekabr ayında Tabata və Fabrisio yenidən üz-üzə gəlib. Bu, 12 ildən sonra baş verən ikinci görüş idi. Tabatanın 9 yaşı olanda 39 yaşlı evli, ailə dostu Fabrisio iki il ərzində zorlayıb.

Amma ikinci görüşdə Fabrisionun qolu qandallı olub. Tabata onu tutaraq digər əlindəki tapancanı caniyə yönəltmişdi.

Tabata bildirir ki, Fabrisio təbiəti sevən fotoqrafdır. Ətrafındakı insanlara sahillər, çaylar və gəzdiyi yerlər haqqında danışır. Tabatanın ailəsi ilə tanış olan Fabrisio qısa müddətə qızın atası ilə dostlaşır.

İki ailə qısa müddət sonra birlikdə səfərə çıxır və Uruqvay çayı yaxınlığında düşərgə qurur.

Tabata hadisəni belə xatırlayır: “Heç kəs olmayanda yanıma gəlir, məni əlləyirdi. Amma nə olduğunu başa düşmürdüm. İnsanlardan uzaqda, ağacların arasında, çayda üzəndə mənə təcavüz edirdi.

Bir gün onunla su almağa getdik. Məni yenə əllədi, əlindəm çıxıb qaçmağa başladım. Atam və anam heç nəydən şübhələnmədilər. Çünki ona çox etibar edirdilər.

Atam çox əsəbi adam idi. Onu öldürüb həbsə girə bilərdi. Bir uşağın beynindən min fikir keçir. Həm də elə bilirdim ki, anam mənə inanmayacaq”.

Fotoqraf  Tabatanın universitet müəllimi olan bacısı olduğunu, anasının axşamlar işlədiyini, atasının da o saatda futbol oynadığını bilirmiş. Bu səbəbdən axşamlar gəlib çirkin əməllərinə davam edirmiş.

Tabata 11 yaşı olanda artıq söyüş söyərək etiraz edirmiş. O, anası xəstə olduğu üçün məsələni açıb-ağarda bilməyib. Eyni dövrdə isə atası Fabrisionun arvadı ilə intim münasibət qurub. İki dost düşmənə çevrilib.

Tabata uzun müddət baş verənləri unuda bilməyib. 16 yaşı olanda dostunun anasına məsələni danışıb. Məlum olub ki, fotoqraf başqa qızlara da təcavüz edib.

7 il sonra qız polisə şikayət edib. Amma işə baxılmayıb. Prokuror isə qıza qarşı kobud davranıb.

Fabrisio 7.5 il həbsə məhkum edilsə də, apellyasiya şikayəti ilə azadlığa buraxılıb. Bu zaman Tabatanın 24 yaşı var idi və polis akademiyasından məzun olurdu.

2016-cı ildə Tabataya xüsusi bir tapşırıq verilib. Fabrisio çay sahilindəki fermada gizlənirdi. Tabatanın polis həmkarı fotoqrafı həbs edir, onu kameraya isə qız özü göndərir...

Hikmət Həsənov
Ölkə.Az

ŞƏRH YAZ
0

İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək

İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək
19:00
Bu gün
1327
Dünya
A
Türkiyənin İğdır vilayətində fəaliyət göstərən 70 QHT Xocalı faciəsinin 27-ci ildönümü ilə əlaqədar olaraq bir sıra tədbirlər keçiriləcək.

"Ölkə.Az" trend-ə istinadən bildirir ki, bu barədə Əsassız Erməni İddiaları ilə Mübarizə Dərnəyinin (ASİMDER) rəhbəri Göksel Gülbey deyib.

G.Gülbey bildirib ki, tədbirlər çərçivəsində faciəni əks etdirən fotosərgi ilə yanaşı, Xocalı şəhidlərinin xatirəsinə həsr olunan yürüş də təşkil ediləcək.

1992-ci il fevralın 25-dən 26-na keçən gecə Ermənistan silahlı qüvvələri Xocalı şəhərinə hücuma keçmiş, bütün beynəlxalq hüquq, o cümlədən beynəlxalq humanitar hüquq normalarını pozaraq oraya zirehli texnika yeritmiş, şəhərin dinc əhalisinə misli görünməmiş qəddarlıqla divan tutmuşlar. Ermənistan silahlı qüvvələrinin mühasirəsində qalmış şəhər sakinlərindən 613-ü, o cümlədən 106 qadın, 63 uşaq və 70 qoca öldürülmüş, 487 dinc sakin ağır yaralanmış, 1275 nəfər isə girov götürülmüşdür.

Xocalı soyqırımını törətməklə Ermənistan Azərbaycana qarşı hərbi təcavüzün miqyasını daha da genişləndirmiş, Azərbaycanın Dağlıq Qarabağ bölgəsinin hüdudlarından kənara çıxaraq Laçın, Kəlbəcər, Ağdam, Cəbrayıl, Füzuli, Qubadlı, Zəngilan rayonlarını işğal etmişdir. Bunun nəticəsində 20 min soydaşımızın həyatına son qoyulmuş, 50 mindən çox insan yaralanmış və əlil olmuş, torpaqlarımızın 20 faizi işğala məruz qalmışdır. Dünya tarixinin ən qanlı faciələrindən biri sayılan Xocalı soyqırımı XX əsrdə erməni şovinizminin mahiyyətini aşkara çıxaran təkzibolunmaz tarixi gerçəklikdir.

Ölkə.Az

ŞƏRH YAZ
0

Yaponiya və Rusiya ərazi məsələsində vahid mövqeyə gələ bilməyiblər

Yaponiya və Rusiya ərazi məsələsində vahid mövqeyə gələ bilməyiblər
16:55
Bu gün
4555
Dünya
A
Yaponiyanın xarici işlər naziri Taro Kono rusiyalı həmkarı Sergey Lavrovla Rusiyanın nəzarəti altında olan, lakin Yaponiyanın da iddia etdiyi adalarla bağlı vahid mövqeyə gələ bilməyib.

“Ölkə.Az” AZƏRTAC-a istinadən xəbər verir ki, buna baxmayaraq, tərəflər danışıqları davam etdirmək barədə razılığa gəliblər.

Bildirilir ki, T.Kono və S.Lavrov fevralın 16-da Münhen Təhlükəsizlik Konfransı çərçivəsində görüşüblər. Görüş təxminən 90 dəqiqə davam edib.

Rusiyalı nazir həmin adalar üzərində ölkəsinin suverenliyinin Yaponiya tərəfindən qəbul edilməsinin danışıqların əsas şərti olduğunu bildirib. Qeyd edib ki, adalar II Dünya müharibəsi nəticəsində Rusiya ərazisinin bir hissəsinə çevrilib.

T.Kono isə məsələ ilə bağlı Yaponiyanın mövqeyini bildirib.

Tərəflər arasında fikir müxtəlifliyinə baxmayaraq, danışıqların davam etdirilməsi barədə qərar qəbul olunub.

Görüşdə iki ölkənin nazir müavinlərinin danışıqları davam etdirməsi və bundan sonra T.Kono ilə müzakirələr aparmaq üçün S.Lavrovun Tokioya səfəri barədə razılığa gəlinib.

T.Kono jurnalistlərə bildirib ki, görüşdə kəskin və açıq fikir mübadiləsi aparılıb

Ölkə.Az

ŞƏRH YAZ
0
BAĞLA