Breksitdən sonra İngiltərədən ilk həmlə
İngiltərə hökuməti Avropa İttifaqı ilə Breksitdən sonrakı dövrə məxsus yeni bir həmləyə hazırlaşır.
"Ölkə.Az" xəbər verir ki, Dumanlı Albion yeni və iddialı bir gömrük müqaviləsi üçün çalışmalara başlayıb. Yeni plana əsasən Avropa ilə "ən sərbəst və problemsiz ticarət" hədəfi var və bu plana müvəqqəti "gömrük ittifaqı variantının" da daxil edildiyi bildirilir.
Parlamentə təqdim ediləcək yeni rəsmi yazıya əsasən İngiltərə 2019-cu ilin mart ayında Aİ-dən ayrıldıqdan sonra Brüsseldən müvəqqəti müddətə gömrük ittifaqı istəyə bilər.
Əgər təklif qəbul edilsə İngiltərə müvəqqəti gömrük ittifaqı üddətində beynəlxalq ticarət müqavilələrində öz şərtləri ilə ticarət həyata keçirməyi planlaşdırır. Aİ Gömrük İttifaqına üzv olan ölkələr beynəlxalq ticarət müqavilələrində müştərək tariflərə görə hərəkət edirlər.
Hikmət Həsənov
Ölkə.Az
