“Brent” neftin qiyməti psixoloji həddi keçdi
“Brent” markalı neftin qiyməti 2014-cü ilin dekabr ayından bu yana ilk dəfə olaraq 70 dollara çatıb.
“Ölkə.Az” xəbər verir ki, bu barədə Rusiya mətbuatı məlumat yayıb. Verilən məlumata görə, “Brent” markalı neftin qiyməti 0,81% artaraq 69,77 dollara çatıb. Dünya bazarında isə neftin bir barrelini 70,03 dollara satmağa başalyıblar. Bununla yanaşı, Nyu-Yorkun NYMEX birjasında WTI markalı yüngül neftin fevral fyuçerslərinin qiyməti yuxarıda göstərilən vaxta qədər 1,02 dollar artaraq bir barel üçün 64,59 dollar təşkil edib.
Qiymət artımı ABŞ-da neft ehtiyatlarının azalması və ötən həftənin yekunu üzrə neft hasilatının aşağı düşməsi barədə məlumatlarla izah edilir.
Ziya Səccad
Ölkə.Az
