Britaniya səfiri: Azərbaycanın yarışlara ev sahibliyi etmək kimi müsbət reputasiyası var

Britaniya səfiri: Azərbaycanın yarışlara ev sahibliyi etmək kimi müsbət reputasiyası var
10:34
14.05.2019
835
Siyasət
A
Azərbaycanın istər idman, istərsə də qeyri-idman yarışlarına ev sahibliyi etmək kimi çox yaxşı və müsbət reputasiyası var.

"Ölkə.Az" xəbər verir ki, bu fikirləri Böyük Britaniyanın Azərbaycandakı səfiri Karol Krofts İTV-nin canlı efirində Bakıda keçiriləcək Avropa Liqasının final mərhələsinin oyunu haqqında danışarkən bildirib. 

“Çelsi” – “Arsenal” oyununa maraq  həddindən artıq böyükdür. Çoxlu britaniyalı azarkeşlər var ki, bilet alaraq, oyunu stadionda izləmək istəyirlər. Səfirlik bu böyük günlə əlaqədar gərgin işləyir. Suallar təkcə oyunla bağlı deyil, oyundan kənar finalın keçirildiyi şəhər və ölkə ilə də bağlıdır. 

Bu klubların azarkeşlərinin bir çoxu artıq Bakıda olublar. Çünki finalda qarşılaşacaq komandalar ayrı-ayrı vaxtlarda Bakıda oyunlar keçiriblər. Bundan başqa, “Tottenham” klubu və Şimali İrlandiya yığması da Azərbaycanın paytaxtında olub. 

Azarkeşlər internet üzərində lazımi informasiyalar aldıqdan sonra səyahət planlarını qururlar, bundan başqa, onların dəstəklədiyi komandaların da azarkeşlərlə bağlı planları olur. Səfirlik Bakıya təşrif buyuracaq azarkeşləri Bakı aeroportunda qarşılayacaq və orada onlara üzərində mühüm məlumatların əks olunduğu bukletlər paylanacaq. Bununla yanaşı, istənilən konsulluq xidmətləri də azarkeşlərə orada göstəriləcək”.

K.Krofts əlavə edib ki, səfirlik Azərbaycanın rəsmi orqanları ilə həddindən artıq sıx əməkdaşlıq şəraitində işləyir. 

“Buraya Britaniyanın rəsmi qurumları da daxildir və onların təmsilçiləri artıq Bakıdadırlar. Hər iki komandanı təmsil edən qruplar da Azərbaycanın paytaxtındadır. London polisinin təmsilçiləri Bakıya gələcək. Lazımi dəstəyi vermək üçün Britaniya nümayəndə heyətləri Bakıya səfərlər edirlər.

Hesab edirəm ki, biz hər iki tərəfi təmsil edən öz işinin peşəkarları ilə işləyirik və işlərimizin nəticələrinin uğurlu olacağına əminəm”.

Ölkə.Az

ŞƏRH YAZ
0

Prezident yeni sərəncam imzaladı

Prezident yeni sərəncam imzaladı
18:16
23.07.2019
4890
Siyasət
A
Prezident İlham Əliyev “Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə Birgə Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2009-cu il 16 yanvar tarixli 118 nömrəli sərəncamında dəyişiklik edilməsi barədə sərəncam imzalayıb.

Sərəncama əsasən, Birgə Komissiyanın tərkibi aşağıdakı kimi verilir:

“Birgə Komissiyanın həmsədri

Azərbaycan Respublikasının əmək və əhalinin sosial müdafiəsi naziri

Birgə Komissiyanın üzvləri

Azərbaycan Respublikası xarici işlər nazirinin müavini

Azərbaycan Respublikası iqtisadiyyat nazirinin müavini

Azərbaycan Respublikası energetika nazirinin müavini

Azərbaycan Respublikasının nəqliyyat, rabitə və yüksək texnologiyalar nazirinin müavini

Azərbaycan Respublikası kənd təsərrüfatı nazirinin müavini

Azərbaycan Respublikası ekologiya və təbii sərvətlər nazirinin müavini

Azərbaycan Respublikası təhsil nazirinin müavini

Azərbaycan Respublikası səhiyyə nazirinin müavini

Azərbaycan Respublikası mədəniyyət nazirinin müavini

Azərbaycan Respublikası Dövlət Turizm Agentliyinin sədri

Azərbaycan Respublikası Qida Təhlükəsizliyi Agentliyi sədrinin müavini

Azərbaycan Respublikası Mərkəzi Bankı sədrinin müavini

Azərbaycan Respublikasının Macarıstan Respublikasında fövqəladə və səlahiyyətli səfiri.

Azərbaycan Respublikasının Xarici İşlər Nazirliyi bu sərəncamın 1-ci hissəsi ilə edilən dəyişiklik barədə Macarıstan Respublikası tərəfinə bildiriş göndərməlidir.

Ölkə.Az

ŞƏRH YAZ
0

Bu şəxslərin maaşları artırıldı

Bu şəxslərin maaşları artırıldı
18:04
23.07.2019
5160
Siyasət
A
Azərbaycan Prezidenti İlham Əliyev “Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə qanunu imzalayıb.

“Ölkə.Az" xəbər verir ki, dəyişikliklə Ali Məhkəmənin sədrinə Milli Məclis Sədrinin aylıq vəzifə maaşı həcmində əməkhaqqı veriləcək.

"Məhkəmələr və hakimlər haqqında" qanunun 106-cı (Hakimlərin maddi təminatı) maddəsinə əsasən, hakimlərə aylıq vəzifə maaşı həcmində vəzifə maaşına əlavə ödəniləcək.

Ali Məhkəmənin sədrinə Milli Məclis Sədrinin aylıq vəzifə maaşı həcmində əmək haqqı veriləcək. Yəni 2 475 manat.

Bundan başqa, səlahiyyətlərin yerinə yetirilməsi ilə bağlı xərclərin ödənilməsi üçün hakimlərə vəzifə maaşının 25 faizi miqdarında vergidən azad olunan aylıq pul təminatı veriləcək.

Qanunun 106-cı maddəsinə edilən digər dəyişikliklə hər bir hakim vəzifə maaşının 25 faizi miqdarında vergidən azad olunan əlavə pul təminatı alacaq. Belə ki, Naxçıvan Ali Məhkəməsinin və apelyasiya məhkəmələrinin sədrləri əlavə 556 manat, ağır cinayətlər məhkəmələrinin, Naxçıvan Muxtar Respublikası ağır cinayətlər məhkəməsinin, hərbi məhkəmələrin və inzibati-iqtisadi məhkəmələrin sədrləri 495 manat, digər məhkəmələrin sədrləri 433 manat əlavə aylıq pul təminatı alacaqlar. Digər hakimlər də müvafiq qaydada bu pul təminatını alacaqlar.

Ölkə.Az

ŞƏRH YAZ
0
BAĞLA