Britaniyada məhkumlara kameraların açarları veriləcək
Britaniyanın Ədliyyə Nazirliyi yeni bəyanatla çıxış edib.
“Ölkə.Az” xəbər verir ki, özlərini yaxşı aparan məhkumlar bundan sonra kameralarının açarlarını əldə edə biləcək.
Bundan başqa, həbsxana personalına məsləhət görülür ki, məhkumları tez-tez tərifləsinlər və xoş davransınlar. Bununla yanaşı, məhkumlara pullu kanallar və digər məsələlərə icazə verilmir.
Qeyd edək ki, Avropa İttifaqı ölkələri arasında ən çox məhkum Britaniyadadır. Dumanlı Albionda 85 min məhkum var. Həbsxanada saxlanılma şəraiti kifayət qədər sərtdir. Bundan əlavə isə qida rasionu tez-tez üsyanlara səbəb olur.
Ölkə.Az
