Britaniyada sürücü avtomobili Ramazan bayramını qeyd edən insanların üzərinə sürüb
Böyük Britaniyanın Nyukasl şəhərində avtomobil yüksək sürətlə Ramazan bayramı münasibəti ilə məscid yaxınlığında toplaşan insanların üzərinə sürülüb.
Ölkə.Az-ın APA-ya istinadən verdiyi məlumata görə, ən azı 5 nəfər xəsarət alıb.
Böyük Britaniya polisi də hadisə barədə məlumat yayıb. Məlumatda qeyd edilir ki, bu gün yerli vaxtla saat 09.14 radələrində avtomobil bir qrup piyadanın üzərinə hərəkət edib, 5 nəfər xəsarət alıb.
Hadisəyə terror aktı versiyası kimi baxılmır. Polis olayla bağlı 42 yaşlı qadını saxlayıb.
