Brüssel məhkəməsi BƏƏ şahzadəsi və qızlarına hökm oxudu

"Ölkə.Az" xəbər verir ki, şahzadə və qızları xidmətçiləri təhqir etmək və qanunsuz insan daşımaqda ittiham edilirlər. Müttəhimlərə 15 ay şərti həbs cəzası və 165 min avro cərimə hökmü oxunub.

İstintaq 9 il davam edib. Qaçmağı bacaran xidmətçilərdən biri polisə ərizə ilə şikayət edib. O, bildirib ki, şahzadə qanunsuz insan daşımaqla məşğul olur və xidmətçiləri pis şəkildə təhqir edir.

Şahzadələr isə "Conrad" otelində yaşayırmışlar. Otelin bir mərtəbəsi onlar üçün kirayəyə götürülüb. Onlar özləri ilə xidmətçi kimi 20 qadın aparıblar.

Personal iş üçün heç bir maaş almayıb. Onlardan bəzisi döşəmədə yatırmış və kifayət qədər qida ilə təmin edilmirmiş. Bundan başqa şahzadələr onlarla kobud davranıb, qışqırıb və təhqir ediblər. Bəzi xidmətçilərin vizası olmayıb.

Hikmət
Ölkə.Az