Bu avtobusda imkansız şəxslər pulsuz daşınır — VİDEO

Bu avtobusda imkansız şəxslər pulsuz daşınır
21:36
19.03.2017
716
Ölkə
A
Sumqayıtda marşrut sürücülərindən biri çox insana nümunə olacaq bir addım atıb. O, imkansız şəxsləri avtobusla pulsuz daşıyır. Bu yolla o, cəmiyyətin aztəminatlı təbəqəsinə yardım etdiyini düşünür.

"İmkanı olmayanlar gediş haqqı ödəməsin!"

Ölkə.Az xezerxeber.az-a istinadən bildirir ki, bu lövhə Sumqayıtda "7A" saylı marşrut xətti üzrə hərəkət edən avtobuslardan birində yerləşdirilib. Şəhər sakini, 35 yaşlı Elçin Məmmədov xeyirxah addım ataraq özünün idarə etdiyi avtobusa bu cür elan yerləşdirib ki, pulu olmayanlar da nəqliyyat vasitəsindən istifadə edə bilsinlər.

Sürücü deyir ki, əvvəllər yalnız bayram günlərində imkansız şəxsləri pulsuz daşıyıb. Amma indi hər gün bu xeyirxah əməli yerinə yetirir.
Elçin Məmmədovun sözlərinə görə, gün ərzində onlarla imkansız insan onun avtobusundan pulsuz istifadə edir. Lakin bu xeyirxah niyyətdən fırıldaqçılıq məqsədilə istifadə edənlər də var.

Elçin Məmmədov bütün sui-istifadə hallarına baxmayaraq, bu xeyirxah əməlini davam etdirəcəyini deyir.

 

ŞƏRH YAZ
0

Vasif Talıbov xidmət rəisini vəzifədən kənarlaşdırdı

Vasif Talıbov xidmət rəisini vəzifədən kənarlaşdırdı
23:00
25.05.2018
8808
Ölkə
A
Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

"Ölkə.Az" xəbər verir ki, bununla bağlı bu gün Naxçıvan Muxtar Respublikası Ali Məclisinin sədri Vasif Talıbov  müvafiq sərəncam imzalayıb.

Sərəncama əsasən Əbil Əbilov Naxçıvan Muxtar Respublikası Dövlət Baytarlıq Xidmətinin rəisi vəzifəsindən azad edilib.

Ölkə.Az

ŞƏRH YAZ
0

Konstitusiya Məhkəməsi Ali Məhkəmənin qərarını ləğv edib

Konstitusiya Məhkəməsi Ali Məhkəmənin qərarını ləğv edib
22:33
25.05.2018
6024
Ölkə
A
Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun xüsusi konstitusiya icraatı üzrə növbəti açıq məhkəmə iclası keçirilib.

"Ölkə.Az" "Report"a istinadən xəbər verir ki, iclasda Z.Nəsirovanın şikayəti üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair konstitusiya işinə baxılıb.

Konstitusiya Məhkəməsinin Plenumu iş üzrə hakim İ.Nəcəfovun məruzəsini, ərizəçinin vəkilinin çıxışını və ekspertin rəyini dinləyib, işin materiallarını araşdırıb müzakirə edərək qərar qəbul edib.

Qərarda deyilir ki, iddiaçılar Mübariz Abasəliyev və qeyrilərinin cavabdeh Nəsirova Zülfirə Abbas qızına qarşı evin cavabdehə düşən pay hissəsində istifadə hüququnun tanınması və həmin hüquqların daşınmaz əmlakın dövlət reyestrində qeydə alınması tələbinə dair mülki iş üzrə Azərbaycan Respublikası Ali Məhkəməsinin Mülki Kollegiyasının 2017-ci il 7 avqust tarixli qərarı Azərbaycan Respublikası Konstitusiyasının 29-cu və 60-cı maddələrinə, Azərbaycan Respublikası Mülki Prosessual Məcəlləsinin 416-cı, 418.1-ci və 418.3-cü maddələrinə uyğun olmadığından qüvvədən düşmüş hesab edilsin. İşə bu qərara uyğun olaraq Azərbaycan Respublikasının mülki prosessual qanunvericiliyi ilə müəyyən edilmiş qaydada və müddətdə yenidən baxılsın.

Qərar dərc edildiyi gündən qüvvəyə minir, qətidir, heç bir orqan və ya şəxs tərəfindən ləğv oluna, dəyişdirilə, yaxud rəsmi təfsir edilə bilməz.

Ölkə.Az

ŞƏRH YAZ
0
BAĞLA