Bu ay Bakıda baş tutacaq konsertlərin siyahısı — FOTO + VİDEO

Bu ay Bakıda baş tutacaq konsertlərin siyahısı
21:21
06.04.2019
1209
Mədəniyyət
A
Apreldə Bakıda maraqlı konsertlər keçiriləcək.

"Ölkə.Az" oxu.az-a istinadən ay ərzində baş tutacaq konsertlərin siyahısını təqdim edir. 

Rusiyada böyük populyarlıq qazanan “Детство”, “Я Люблю Тебя” kimi romantik mahnıları ilə gənclərin sevimlisinə çevrilən, əslən azərbaycanlı qardaşlar Rauf və Faik aprelin 10-u saat 20:00-da Elektra Events Hall-da konsert proqramı ilə çıxış edəcəklər. 

İlk kliplərini lentə almaq üçün əkiz qardaşlar min əziyyətə qatlaşaraq, müxtəlif kafe və restoranlarda çıxış ediblər. Nəticədə “Love Remind Yesterday” adlı klip onlara böyük uğur gətirdi. Klip çox sayıda baxış əldə etdikdən sonra Rauf və Faiki müxtəlif səhnələrə dəvət etməyə başladılar. 2016-cı ildə isə onlar “Не Нужны Мне Слова” mahnısına klip çəkdirdilər. 

Türkiyəli müğənni, bəstəkar, bir çox mahnıların müəllifi, prodüser və rejissor Cem Adrian aprelin 14-ü Elektra Events Hall-da solo konsert proqramı ilə çıxış edəcək. 

Cem bassdan sopranoya qədər bütün səs tembrlərində ifa edə bilən bir müğənni kimi tanınır. 2005-ci ilin fevral ayında “Ben Bu Şarkıyı Sana Yazdım” ilk albomu ilə məşhurluq qazandıqdan sonra Cem Adrian bütün Türkiyədə konsertlərlə çıxış etməyə başlayıb. 

“Planet Parni iz Baku” KVN teatrının ənənəvi Aprel konsertləri keçiriləcək. Aprelin 19, 20, 21, 22-si “Nataşa mı prişla” adlı yeni konsert tamaşaçıları həm düşündürəcək, həm də o ki var güldürəcək.

Səhnədə hər zaman olduğu kimi, XX əsrin çempionları, “Planet Parni iz Baku” KVN teatrının parlaq simaları - Tahir İmanov, Cabir İmanov, Bəhram Bağırzadə, Azər Məmmədzadə, Ələkbər Əliyev olacaq. Konsertdə tam yeni səhnələr və yeni yaradıcı yanaşmalar yer alacaq. Ölkəmizin “Böyük Gülüş Hadisəsini” qaçırmamaq üçün yolunuzu Heydər Əliyev Sarayından salın. 

Aprelin 29-da Heydər Əliyev adına Sarayın səhnəsində əməkdar artist, Bəstəkarlar İttifaqının üzvü, səhnəmizin ekstravaqant müğənnisi Elza Seyidcahanın 25 illik səhnə fəaliyyətinə həsr olunmuş konsert proqramı baş tutacaq.

“Sənə bənzər” adlı kosert proqramında siz tam fərqli canlı ifalar eşidəcək, orkestrın müşayiəti ilə musiqi ziyafətinə qonaq olacaqsınız. Səhnə obrazları ilə özündən söz etdirməyi bacaran E. Seyidcahan tamaşaçılarını yenidən təəccübləndirəcək.

Aprelin 29-da Heydər Əliyev Mərkəzində Rusiyanın Xalq artisti “Ya lyublyu tebya do slyoz” mahnısı ilə qəlblərdə taxt quran Aleksandr Serovun solo konserti keçiriləcək. Məşhur estrada ulduzu konsert proqramında milyonların sevgisini qazanmış hitləri ilə yanaşı, yeni mahnılarını da təqdim edəcək.

Aleksandr Serov virtuoz müğənni, instrumental ifaçı, şair, bəstəkar və aranjimançıdır. O, ötən əsrin 80-ci illərində məşhurlaşıb, sevgi mahnıları ilə qəlbləri fəth edib. Aleksandr Serov 40 illik  yaradıcılığı müxtəlif albomlarla zəngindir. Onun bir çox məşhur mahnılarının bəstəkarı İqor Krutoy olub. ABŞ, Almaniya, Kanada, İsrail və s. ölkələrdə qastrollarda olub. Aleksandr Serovun anşlaqla keçən hər bir konsertində publika onun ifasını zövqlə dinləyir.

Ölkə.Az

ŞƏRH YAZ
0

Həkimlərin 72 saat vaxt qoyduğu aktyorumuzdan XƏBƏR VAR

Həkimlərin 72 saat vaxt qoyduğu aktyorumuzdan XƏBƏR VAR
22:59
20.08.2019
3773
Mədəniyyət
A
"Heç bir irəliləyiş yoxdur. Həkimlər deyir ki, ürəyin hesabına nəfəsi gedib gəlir. Ürəyi nə vaxt dayansa, aparatdan ayıracağıq. Ümidimiz Allahın möcüzəsinədir".

Bu fikirləri "Ölkə.Az"a açıqlamasında Dövlət Musiqili Teatrının aktyoru Elçin İmanov ötən gün komaya düşən həmkarı Məhərrəm Qurbanov haqqında danışarkən səsləndirib. İmanov bildirib ki, M.Qurbanov oktyabrda 60 illiyini qeyd etməyi planlaşdırırmış:

"Ad günü yayda idi. Dedi ki, indi şəhərdə heç kim yoxdur, oktyabrda hamını bir yerə yığacağam. İndi də belə... Ümidimiz Allahadır".

Qeyd edək ki, tanınmış aktyor Məhərrəm Qurbanov insult keçirib. O,  ötən gündən komadadır. Yaxın mətbuata açıqlama verərək həkimlərin ona 72 saat vaxt qoyduğunu bildirmişdilər.

İntiqam VALEHOĞLU

Ölkə.Az

ŞƏRH YAZ
0

Tanınmış azərbaycanlı aktyor insult keçirdi — Yaşamaq şansı çox aşağıdır - FOTO

Tanınmış azərbaycanlı aktyor insult keçirdi
11:17
20.08.2019
8104
Mədəniyyət
A
Dövlət Musiqili Teatrının tanınmış aktyoru Məhərrəm Qurbanovun səhhəti qəfil pisləşib.

Bu barədə "Ölkə.Az"a Qurbanovun həmkarı Elçin İmanov məlumat verib. Onun sözlərinə görə, aktyor insult keçirib. Hazırda vəziyyəti ağırdır:  

"Ümid Allaha qalıb. Hazırda vəziyyəti çox ağırdı, komadadır, süni nəfəs aparatına qoşulub. Yaşamaq ehtimalı çox aşağıdır. Deyilənə görə təzyiqi qalxıb. Amma heç vaxt təzyiqdən şikayət etməyib. Evində yemək yediyi yerdə deyib ki, başım ağrıyır. Həkim çağırıblar. Həkim gələnə qədər yerə yıxılıb. Həkim gəlib iynə-dərman edəndən sonra özünə gəlib. Sonra deyib ki, qulağıma səs gəlir. Bir az uzanıb, qəfil xırıldamağa başlayıb. Baxıblar ki, gözləri bir nöqtəyə zillənib...".

Qeyd edək ki, M.Qurbanov Mərkəzi Klinik Xəstəxanaya yerləşdirilib.

Image result for Məhərrəm Qurbanov

Ölkə.Az

ŞƏRH YAZ
0
BAĞLA