Bu canlı tezliklə dünyanı “istila” edəcək — Avropa qadağa qoydu

Bu canlı tezliklə dünyanı “istila” edəcək
21:54
13.02.2018
8701
Maraqlı
A
Erkəyi olmadan çoxala bilən mutant çay xərçəngi növü sürətlə yayılır.

“Ölkə.Az” xarici KİV-ə istinadən xəbər verir ki, alimlər 30 illik tarixi olan çay xərçəngi növünün mutasiyaya uğrayaraq erkəyi olmadan çoxaldığını kəşf ediblər. Bu, xallı çay xərçəngi adı ilə tanınan və şirin sularda yaşayan növün DNT-sindəki mutasiya ilə əlaqədardır.

Məsələni araşdıran Dr. Volfqanq Şteyn Kanada dövlət televiziyası CBC-yə verdiyi açıqlamada bildirib ki, 1 dişi xallı çay xərçəngi 3 ay ərzində 200-300 bala verə bilir. On ayağı olan və tamamilə dişilərdən ibarət mutant növ Avropa Birliyi tərəfindən qadağan olunub. Kanadada isə “pet shop”larda və internet üzərindən satılan bu canlının təbiətə buraxılmasının qarşısını almağa çalışırlar.

Bildirək ki, ilk dəfə 1990-cı ildə Almaniyada bir dişi çay xərçəngi əlavə xromosom ardıcıllığı ilə dünyaya gəlib. Erkəyi olmadan çoxala bilən bu növ yüzlərlə yumurta qoyub. Böyük marağa səbəb olan bu canlı evlərdə saxlanmağa başlanıb. Lakin sürətlə çoxaldığından sahibləri onları göllərə buraxmaq məcburiyyətində qalıblar. Beləliklə, mutant çay xərçəngi şirin sularda yayılaraq öz-özünə çoxalmağa davam edib.

Ölkə.Az

ŞƏRH YAZ
1

“Lamborghini”dən unikal “SC18” superkarı — FOTOLAR

“Lamborghini”dən unikal “SC18” superkarı
11:05
Bu gün
787
Maraqlı
A
“Lamborghini” şirkətinin “Special Projects” bölməsi unikal kupe istehsal edib.

“Ölkə.Az” xəbər verir ki, sözügedən superkar cəmi bir ədəddir.

“Special Projects” xüsusi sifarişlə avtomobil istehsal edir və “Lamborghini SC18” də bunlardan biridir. Yeni model “Lamborghini Aventador” modelinin əsasında hazırlanıb. Bununla belə, Aventador-dan kifayət qədər fərqlənir. Mütəxəssislər “Squadra Corse” yarış komandası ilə müştərək olaraq bu layihəni tamamlayıblar.

Eksteryerdə dəyişiklik az deyil. Ön disklər 20, arxa disklər isə 21 düymlükdür. Kapotun altında 12 sindirli 6.5 litr həcmli mühərrik var.

770 at güclü mühərrik 7 pilləli robot sürətlər qutusu ilə işləyir. Modelin dinamiki xarakteristikası barədə məlumat verilmir.

Hikmət Həsənov
Ölkə.Az

ŞƏRH YAZ
0

Məkkə üzərində uçarkən imana gələn braziliyalı pilot İslamı qəbul etdi — VİDEO

Məkkə üzərində uçarkən imana gələn braziliyalı pilot İslamı qəbul etdi
09:12
Bu gün
2052
Maraqlı
A
Adı açıqlanmayan braziliyalı pilot Məkkə üzərində uçarkən Kəlimeyi-Şəhadət gətirib müsəlman oldu.

“Ölkə.Az” xəbər verir ki, bu görüntülər sosial mediada böyük marağa səbəb olub.

Pilot Məkkə üzərində sağ əlinin baş barmağını qaldıraraq müsəlman olduğunu elan etdi. İş yoldaşları isə pilotu təbrik ediblər. Pilotun bu görüntüləri sosial şəbəkədə böyük marağa səbəb olub. Bir çox insan ona təbrik mesajı göndərib.

Hikmət Həsənov
Ölkə.Az

ŞƏRH YAZ
0
BAĞLA