Bu canlılar öldürə bilər — FOTO

Bu canlılar öldürə bilər
00:04
17.05.2019
1688
Ölkə
A
Ötən il Azərbaycanda 80 nəfər ilansancma, 24 nəfər hörümçəyin bir növü olan qaraqurd, 31 nəfər sarı əqrəb sancması şikayəti ilə Kliniki Tibbi Mərkəzin Toksikologiya Mərkəzinə yerləşdirilib. Hər il ölkə üzrə onlarla ilansancma faktı qeydə alınır. Havaların isinməsi də bu növ canlılar üçün əlverişli mühit yaradıb. Bu il də qeydə alınan ilansancma faktları az deyil.

"Ölkə.Az" Oxu.az-a istinadən xəbər verir ki, Azərbaycan ərazisinin 60 faizindən çoxunda ilanlara rast gəlmək mümkündür. Bu canlılar, adətən, kolların dibində, siçan və siçovulların yuvalarının içində, tərəvəz tağlarında, torpaqlardakı çatlarda, taxta materiallarının altında, evlərin damlarında gizlənirlər.

Yaxın bir ay ərzində Şabran Mərkəzi Rayon Xəstəxanasına iki nəfər ilansancma diaqnozu ilə gətirilib.

Yardım göstərilən şəxslərin vəziyyəti hazırda yaxşıdır. Xəstəxanadan bildirilib ki, tibb müəssisəsi ilan əleyhinə zərdablarla tam təchiz edilsə də, kəndlərdəki tibb məntəqələrinə belə zərdablar verilmir. İlan əleyhinə zərdab yalnız xəstəxanalarda vurulur.

Şabran MRX-nın reanimasiya şöbəsinin müdiri həkim İmamqulu İbrahimov bildirir ki, ilansancma zamanı ilkin tibbi yardım göstərilməsi də tövsiyə edilmir. Çünki səhv aparılan yardım xəstənin ölümünə səbəb ola bilər. Bu səbəbdən belə hallar baş verdikdə təcili tibb müəssisələrinə müraciət edilməlidir.

Həkimlər ilanlarla yanaşı, həşərat sancması faktlarının da kifayət qədər çox olduğunu deyirlər. Həşarat sancması zamanı halsızlıq olduğu zaman mütləq tibb müəssisələrinə müraciət olunmalıdır.

Ölkə.Az

ŞƏRH YAZ
0

Bakıda dəm qazından kütləvi zəhərlənmə iddiaları ilə bağlı — RƏSMİ AÇIQLAMA

Bakıda dəm qazından kütləvi zəhərlənmə iddiaları ilə bağlı
00:40
Bu gün
449
Ölkə
A
Yanvarın 25-i gecə saatlarında sosial şəbəkələrdə Bakı şəhərində 40-dan çox adamın kütləvi şəkildə qazdan zəhərlənməsi barədə məlumat yayılıb. Daha sonra isə 1 saylı Kliniki Tibbi Mərkəzə getmək çağırışları edilib.

"Ölkə.Az" oxu.az-a istinadən xəbər verir ki, bu barədə “Tibbi Ərazi Bölmələrini İdarəetmə Birliyi” (TƏBİB) publik hüquqi şəxs və “Azəriqaz” İstehsalat Birliyinin birgə məlumatında bildirilir.  

“Bildirmək istərdik ki, yayılan xəbərlər həqiqətə uyğun deyil, 25 yanvar 2020-ci il tarixində dəm qazından kütləvi şəkildə zəhərlənmə hadisəsi baş verməyib. Videomaterialdakı kadrlar isə ayrı-ayrı vaxtlarda çəkilən kadrların montaj olunaraq hazırlandığını deməyə əsas verir. Qazın tərkibində zəhərlənməyə səbəb olacaq maddələrin olması barədə deyilənlərin isə heç bir əsası yoxdur.  

Əhalidən xahiş edirik ki, belə yanlış məlumatlara inanmasınlar. Dəm qazı ilə bağlı yarana biləcək hər hansı narahatlığa görə TƏBİB-in “103” qaynar xətti, “Azəriqaz” İB-nin isə 104/185 Çağrı mərkəzi ilə əlaqə saxlamağınız xahiş olunur”, - deyə TƏBİB-in və “Azəriqaz”ın birgə məlumatında bildirilir. 

ŞƏRH YAZ
0

Xarici qeydiyyat nişanlı avtomobil sürücülərinə PİS XƏBƏR — VİDEO

Xarici qeydiyyat nişanlı avtomobil sürücülərinə PİS XƏBƏR
00:19
Bu gün
424
Ölkə
A
Xarici ölkə qeydiyyatlı avtomobillə Azərbaycan ərazisində qaydaları pozan, amma cəriməsini ödəməyən sürücülər sərhədi keçə bilməyəcəklər.

"Ölkə.Az" xəbər verir ki, bu barədə məlumatı ''Xəzər Xəbər''ə Baş Dövlət Yol Polisi İdarəsinin şöbə rəisi Kamran Əliyev deyib.

Onun sözlərinə görə, əvvəllər xarici ölkə qeydiyyatlı avtomobillərin sürücüləri Azərbaycana gələrkən qaydaları kobud şəkildə pozub sonra da sərhədi rahat keçə bilirdilər. Artıq həmin sürücülərin qayda pozuntuları xüsusi texniki vasiələrin köməyi ilə qeydə alınır.

Hətta bir neçə gündür ki, Baş Dövlət Yol Polisi İdarəsinin mərkəzi informasiya sistemi sərhəd-keçid məntəqələrinə inteqrasiya edilib. Odur ki, həmin sürücülərin qayda pozuntularını sərhəd-keçid məntəqələrinin əməkdaşları da görə bilirlər.

Qeyd edək ki, bu qayda təkcə xarici ölkə qeydiyyatlı avtomobillərə yox, o cümlədən Azərbaycan dövlət nömrə nişanlı avtomobil sürücülərinə də aiddir.

Kamran Əliyev onu da bildirib ki, Azərbaycan qeydiyyatlı avtomobillərin sürücülərinə, törətdikləri inzibati xəta ilə bağlı ətraflı məlumat ''sms''lə göndərilir. Amma xarici ölkə qeydiyyatlı avtomobillərin sürücülərinə bu hələ ki, mümkün deyil.

Onu da qeyd edək ki, bazalar inteqrasiya edilmədən əvvəl xarici ölkə qeydiyyatlı avtomobillə Azərbaycanda qayda pozan sürücü öz ölkəsinə qayıdıbsa, o, yenidən maşınla gələndə sərhəddə cəriməsini ödəyəcək. Və yaxud da qayda pozduğu avtomobili başqa bir şəxsə satıbsa, avtomobilin yeni sahibi Azərbaycana gələrkən inzibati xətanın cəriməsini ödəmədən daxil ola bilməyəcək.

Kamran Əliyev bildirib ki, yeni qaydalar qanunu pozan piyadalara da aiddir. Yəni şəxs əgər inzibati qaydada cərimə olunubsa, cəriməsini ödəmədən sərhədi keçməsinə icazə verilməyəcək.

ŞƏRH YAZ
0
BAĞLA