Bu əfsanəvi avtomobillər artıq istehsal edilmir — SİYAHI və FOTOLAR

Bu əfsanəvi avtomobillər artıq istehsal edilmir
12:01
16.03.2019
2578
Maraqlı
A
Bu gün əlində müəyyən məbləğ pulu olan şəxs avtomobil ala bilər. Kifayət qədər markalar var. Amma elə brendlər var ki, onlar artıq istehsal edilmir və tarixə qovuşublar.

“Ölkə.Az” bu gün istehsal edilməyən əfsanəvi avtomobillərdən danışacaq.

Horch

Машины 2Машины 3

“Horch” konserni 1899-cu ildə qurulub. Bu şirkət premium sinfinə aid avtomobillər istehsal edib. Mütəxəssislər qeyri-adi dizaynlar, salonlar və güclü mühərriklər istehsal ediblər. “Horch 853 Voll & Ruhrbeck Sport Cabriolet” modeli cəmi bir nüsxə istehsal edilib və avtomobil kolleksionerlərinin ən çox xoşladığı modellərdəndir. İkinci dünya müharibəsi başa çatdıqdan sonra konsern yük maşınları istehsal etməyə başladı. Sonra isə bir sıra səbəblərdən bağlandı.

DeLorean Motor Company

Машины 4

Mövcud olduğu illər ərzində cəmi bir model istehsal edib. Bu superkar əla idi və texniki nöqteyi-nəzərdən elə də uğurlu sayılmırdı. Söhbət “DeLorean DMC-12” modelindən gedir. “Gələcəyə getmək üçün geri qayıtmalı” filminin qəhrəmanları məhz bu avtomobildən istifadə ediblər. İlk model 1981-ci ildə istehsal edilib.

Машины 5

Yuxarıda dediyimiz kimi, texniki göstəricilər zəif idi. Məsələn, mühərrik cəmi 130 at gücü hasil edirdi və 100 km/saat sürəti 10.5 saniyəyə yığırdı. Amma qiyməti baha idi. Texniki problemlər səbəbindən 3 il sonra avtomobilin istehsalı dayandırıldı. 3 il ərzində isə cəmi 900 ədəd avtomobil istehsal edilib. Buna baxmayaraq, çox populyar model sayılır.

Saab

Автомобили 2
Konsern 1945-ci ildə qurulub. Əvvəlcə hərbi təyyarə istehsalı ilə məşğul olub. “Saab” mühəndisləri müəyyən işlərdə ilkə imza atıblar. Məhz onlar ilk dəfə maşın istehsalında turbo gücləndiricidən istifadə ediblər. Bu markanın maşınları ən etibarlı avtomobil sayılırdı.
2000-ci illərin əvvəlində “GM” şirkəti “Saab”ın nəzarət paketini aldı. Məhz bu dövrdən “Saab”ın qar günləri başladı. 2012-ci ildə holdinq müflis olduğu üçün avtomobil bazarını tərk etdi.

De Tomaso

Автомобили 4
Bu holdinq bazara 1959-cu ildə çıxıb. Onun qurucusu Alexandro de Tomasodur. İlk olaraq şirkət “Formula-1” üçün bolidlər istehsal etməyə başladı. Amma keyfiyyəti zəif olduğu üçün əməkdaşlıq sona çatdı. Bundan sonra De Tomaso avtomobil istehsalı ilə məşğul olmağa başladı. İlk model “Vallelunga” adlandırıldı. Onun dizaynı əla olsa da, keyfiyyəti zəif idi.

Автомобили 1

Bundan sonra daha bir avtomobil istehsal etmək barədə qərar qəbul edildi. “Mangusta”nın istehsal prosesində məşhur dizayner Corcetto Cucaro iştirak edib. Avtomobil möhtəşəm alınmışdı. Bundan başqa o dövr üçün ən əla komplektasiyaya sahib idi. “Mangusta”nın şüşələri düymə ilə qalxırdı və kondisioneri var idi. 1967-ci il üçün bu sadəcə möhtəşəm idi. Şirkətin növbəti uğurlu layihəsi “Panthera” oldu. Bu maşın 1985-ci ildən istehsal edilib. 6 il sonra isə “De Tomaso” brendi artıq mövcud deyildi...

Автомобили 5

Hikmət Həsənov
Ölkə.Az

ŞƏRH YAZ
0

48 yaşlı qadın “Barbie” gəlinciyə bənzəmək üçün 105 əməliyyat keçirdi — FOTOLAR

48 yaşlı qadın “Barbie” gəlinciyə bənzəmək üçün 105 əməliyyat keçirdi
03:00
Bu gün
142
Maraqlı
A
İngiltərədə yaşayan 48 yaşlı Reyçel Evans “Barbie” gəlinciyə bənzəmək üçün 13 il ərzində 32 min funt sterlinq xərcləyib.

"Ölkə.Az” xəbər verir ki, Reyçel bu illər ərzində 105 dəfə əməliyyat olunub.

Sonuncu dəfə isə 13 may tarixində yaşlı görünməmək üçün 500 funt sterlinq verərək üzünü dartdırıb. Ad günündən sonra isə “50 yeni 30dur” şüarı ilə indidən 7 əməliyyat planlaşdırıb.

Ölkə.Az

 

 

ŞƏRH YAZ
0

“Fast-food” yeməklərin növbəti zərəri üzə çıxdı

“Fast-food” yeməklərin növbəti zərəri üzə çıxdı
01:30
Bu gün
298
Maraqlı
A
Avstraliya milli universitetinin bir qrup tədqiqatçısı yeni araşdırmanın nəticələrini açıqlayıb.

“Ölkə.Az” xəbər verir ki, tədqiqata əsasən, fast-food qidalardan istifadə etmək beyini vaxtından əvvəl qocaldır. Bu barədə “MedicalXpress” saytı geniş məqalə dərc edib.

Tədqiqatçılar bildirirlər ki, qeyri-sağlam qida və fiziki hərəkətdən imtina etmək ikinci növ diabetin yaranması, koqnitiv funksiyaların pisləşməsinə səbəb olur. Bu isə ilk növbədə beyinin demensiyası və atrofiyası ilə nəticələnir. Qeyd edilir ki, insan orta yaş həddinə çatanda qeyri-sağlam qidaların zərəri artıq sağalmır. Beyinin vaxtından əvvəl qocalmasının qarşısını almaq üçün isə ən yaxşı üsul düzgün qidalanmadır. Tədqiqatçılar fast-food qidaları rasiondan tam çıxarmağı məsləhət görürlər.

Bundan başqa həkimlər və dietoloqlar müəyyən ediblər ki, “fast-food” insana artıq qidalandığını unutdurur, qadınlarda sonsuzluğa səbəb olur.

Qeyd edək ki, bir müddət əvvəl italyan allerqoloqları müəyyən ediblər ki, müntəzəm olaraq “fast-food” qəbul etmək orqanizmə elə maddələr toplayır ki, qida allergiyasının yaranmasına səbəb olur.

Hikmət Həsənov
Ölkə.Az

 

ŞƏRH YAZ
0
BAĞLA