Bu ərazilərdə işıq olmayacaq — XƏBƏRDARLIQ

Bu ərazilərdə işıq olmayacaq
09:28
22.07.2019
2260
Ölkə
A
Bu gün saat 10:00-dan 14:30-a qədər Pirşağı qəsəbəsi və Lahıc bağları ərazisində elektrik enerjisinin verilişində qısamüddətli fasilələr yaranacaq.

Bu barədə "Ölkə.Az"a "Azərişıq" ASC-nin mətbuat xidmətindən məlumat verilib.

T.Mustafayevin sözlərinə görə, fasilə Pirşağı qəsəbəsi və Lahıc bağlarının bəzi ərazilərində elektrik xətlərində aparılan yenidənqurma işləri ilə əlaqədardır.

"Azərişıq" yaranan narahatlığa görə istehlakçılardan üzr istəyir.

Ölkə.Az

ŞƏRH YAZ
0

Zakir Qaralov azyaşlıların işgəncələrə məruz qalması ilə bağlı məsələni xüsusi nəzarətə götürdü

Zakir Qaralov azyaşlıların işgəncələrə məruz qalması ilə bağlı məsələni xüsusi nəzarətə götürdü
16:42
Bu gün
409
Ölkə
A
Baş prokuror Zakir Qaralov Bakının Sabunçu rayonunda azyaşlıların valideynləri tərəfindən işgəncələrə məruz qalması barədə yayılan məlumatları nəzarətə götürüb.

"Ölkə.Az" xəbər verir ki, bu barədə Baş Prokurorluğun Mətbuat xidmətinin rəhbəri Eldar Sultanov öz “Facebook” səhifəsində məlumat verib.

“Bəzi kütləvi informasiya vasitələri və sosial şəbəkələrdə paytaxtın Sabunçu rayonu ərazisində azyaşlılar - Qulu və Hüseyn adlı qardaşların ata və ögey anaları tərəfindən işgəncələrə məruz qalmaları ilə əlaqədar yayılmış informasiyalar üzrə araşdırmanın aidiyyəti dövlət qurumlarının nümayəndələri cəlb edilməklə aparılması Bakı şəhər prokurorluğuna tapşırılıb.

Baş vermiş hadisə ilə bağlı araşdırmalar Baş prokuror tərəfindən xüsusi nəzarətə götürülüb”, - deyə, E.Sultanov əlavə edib.

ŞƏRH YAZ
0

''Üç ailəyə hər ay yardım edirdim, dayandırdım'' — Xoşqədəm SƏBƏBİ AÇIQLADI

''Üç ailəyə hər ay yardım edirdim, dayandırdım''
16:29
Bu gün
824
Ölkə
A
Tanınmış teleaparıcı Xoşqədəm Hidayətqızı aparıcısı olduğu ''Səni axtarıram'' verilişində maraqlı açıqlama ilə çıxış edib.

''Ölkə.Az'' xəbər verir ki, teleaparıcı Xoşqədəm Hidayətqızı açıqlamasında bir neçə gün öncəyə qədər üç ailəyə hər ay maddi yardım etdiyini bildirib. Lakin artıq dünəndən həmin maddi yardımları dayandırdığını deyib. O verilişdə ''Pis insanlara görə artıq yaxşılıq etmək istəmirəm. Bunu ilk dəfə açıqlayıram. İndiyə qədər üç ailəyə hər ay  maddi yardım edirdim. Artıq dünəndən maddi yardımımı dayandırmışam'' sözlərini dilə gətirib. 

Ölkə.Az

 

ŞƏRH YAZ
0
BAĞLA