Bu ərəb ölkəsindən Türkiyəyə qarşı böyük şok — QALMAQAL

Bu ərəb ölkəsindən Türkiyəyə qarşı böyük şok
17:35
22.08.2017
92
Dünya
A
Birləşmiş Ərəb Əmirliklərinin "Dubai TV" kanalı Türkiyəni qaralamaq məqsədi ilə yalan xəbər yayımlayıb.

"Ölkə.Az" xəbər verir ki, ərəb kanalının xəbərinə əsasən türk hərbçiləri Qətərdə küçəyə çıxma qadağası elan edib.

BƏƏ-nin "Dubai TV" kanalında yayımlanan xəbərdə türk əsgərinin Qətərdə olmasının verdiyi narahatçılıq qaralama kampaniyasına çevrilib. "Əl-Cəzirə" kanalının xəbərinə görə "Dubai TV" kanalı qalmaqallı bir xəbərə imza ataraq "türk əsgərləri Qətərdə küçəyə çıxma qadağası elan edib" formasında yalan xəbər yayımlayıb.

Xəbərdə deyilir: "Qətərli bəzi müxalif mənbələr türk əsgərləri tərəfindən Dohada bəzi yolların bağlanıb və insanların keçməyinə icazə verilmir".

5 iyun tarixində Qətəri blokadaya almaq barədə qərar qəbul edən ölkələrdən olan BƏƏ o gündən bu yana rəsmi Dohaya qarşı çirkin siyasət nümayiş etdirir. Xüsusən də mətbuat vasitəsilə qaralama kampaniyası aparan BƏƏ Qətərə dəstək olduğu üçün Türkiyəni hədəfə götürüb. BƏƏ-nin türk əsgərindən narahat olması təsadüf deyil. 15 iyul qiyamının BƏƏ ilə əlaqələri olduğu müəyyən edilmişdi.

Hikmət Həsənov
Ölkə.Az

ŞƏRH YAZ
0

Türkiyə ABŞ-la əməkdaşlıq üçün şərtlərini açıqladı — VİDEO

Türkiyə ABŞ-la əməkdaşlıq üçün şərtlərini açıqladı
00:30
Bu gün
86
Dünya
A
Türkiyənin baş naziri Binəli Yıldırımın rəhbərliyilə nazirlərin toplantısı keçirilib.

“Ölkə.Az” xəbər verir ki, toplantıda çıxış edən Türkiyə baş nazirinin müavini Bəkir Bozdağ Türkiyənin Suriyanın şimalındakı Afrin bölgəsində həyata keçirdiyi “Zeytun budağı” əməliyyatından danışıb. O bildirib ki, türk hərbçilər əməliyyata uğurla başlayıblar.

“Dəfələrlə Türkiyənin Suriya ilə sərhədindən terrorçuların hücumuna məruz qalmışıq. PKK, PYD, YPG və İŞİD terrorçuları məhz Suriyanın Afrin bölgəsindən Türkiyə sərhədlərini keçərək ölkəmizə hücumlar ediblər. Onların törətdikləri terrorlarda vətəndşalarımız ölüb və yaralanıblar. Suriya hökuməti hazırda Afrin bölgəsinə nəzarəti itirib. Bu səbəbdən, bölgədə məskunlaşan terrorçular həm Suriyanı, həm Türkiyəni, həm də digər bölgələri təhlükə altında saxlayır. Türkiyə həmin təhlükəni dəf etmək üçün “Zeytun budağı” əməliyyatına başlayıb”, - deyə Bəkir Bozdağ bildirib.

Nazir müavini əlavə edib ki, Türkiyənin Suriyada ABŞ-la əməkdaşlıq etməsi üçün əsas şərt Birləşmiş Ştatlar tərəfindən kürd döyüşçülərinə silah tədarükünün dayandırılmasıdır. Onun sözlərinə görə, rəsmi Ankara Vaşinqtona dəfələrlə xəbərdarlıq edib ki, kürd silahlı birləşmələrinə silah verməsin.

"Əməkdaşlıq etməyimizin əsas şərti silah tədarükünün dayandırılması və verilən silahların geri alınmasıdır. Bunu öz müttəfiqlərimizdən gözləmək ən təbii haqqımızdır", - deyə B. Bozdağ bildirib.

Ölkə.Az

ŞƏRH YAZ
0

“Zeytun budağı” əməliyyatının üçüncü günü Avropa İttifaqından — RƏSMİ AÇIQLAMA

“Zeytun budağı” əməliyyatının üçüncü günü Avropa İttifaqından
00:07
Bu gün
222
Dünya
A
Avropa İttifaqı (Aİ) Türkiyə ordusunun Suriyanın şimalındakı Afrin bölgəsində həyata keçirdiyi “Zeytun budağı” əməliyyatına nəhayət reaksiya verib.

“Ölkə.Az” xəbər verir ki, Aİ-nin xarici işlər və təhlükəsizlik siyasəti üzrə ali nümayəndəsi Federika Moqerini jurnalistlərə açıqlamasında “Zeytun budağı” əməliyyatından narahatlıq keçirdiklərini bildirib. Onun sözlərinə görə, bu məsələ çox həssas və bölgə üçün vacib məqamlardandır.

“Türkiyənin bu əməliyyatından çox narahatlıq keçiririk. Məsələ ilə bağlı Türkiyədəki həmkarlarımızla görüşəcəyəm”, - deyə Federika Moqerini bildirib.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3,5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

Ziya Səccad
Ölkə.Az

ŞƏRH YAZ
0
BAĞLA