"Bu filmdə 18+ səhnələr..." — Müşviq Şahverdiyev - FOTOLAR

16:15
08.11.2017
2540
Maqazin
A
Yaxın zamanlarda işıq üzü görəcək filmlərdən biri də "Artlemma" film şirkətinin istehsalı olan "O kuş buraya gelecek" filmidir.

"Ölkə.Az"a açıqlama verən Müşviq Şahverdiyev bildirib ki, bu filmə maraq olduqca böyükdür: "Bu ilin sonuna kimi iki filmimizin qalası gözlənilir. "Kəklikotu" və "O kuş buraya gelecek". İkinci filmin qalası yanvar ayına qədər uzana bilər. Həmin film türklərlə ortaq olaraq çəkilib. Bildiyiniz kimi orada Ufuk Özkan, Mehtap Bayri kimi tanınmış aktyor və aktrisalarla çalışmışıq. Hər iki filmin uğur qazanacağına inanıram. Əlbəttə, istəyərəm ki, "O kuş buraya gelecek" filmi çox sevilsin və baxılsın. Çünki bu film həm də Türkiyədə nümayiş olunacaq. Hər aktyor istər ki, ölkəsindən kənarda tanınsın. Bu film mənim üçün dəhliz rolunu oynaya bilər. İlk qala gecəsi Türkiyədə baş tutacaq, sonra Azərbaycanda. Özümə o qədər güvənirəm ki, o filmdən sonra yeni təkliflərin olacağına inanıram. Çünki bütün gücümü qoymuşam".
 
Aktyor daha sonra hazırda yeni bir filmin üzərində işlədiyi mesajını da verdi: ""Niyə 3" filminin çəkilişlərinə başlamışıq. Amma bu dəfə adını dəyişəcəyik, lakin obrazlar qalacaq. Çünki rəhbər şəxslərlə məsləhətləşəndən sonra belə qənaətə gəldik ki, niyələrə həmişə cavab tapmaq olmur. Filmin müəllifi Fariz Əliyev təklif verdi ki, filmin adı "Ağ tük" olsun. Burada da Asimanla İsabalanın şansından söhbət gedir. Mart ayında bu filmin qala gecəsi planlaşdırılır. Bu filmdə yeni bir nəfəs var. Bundan qabağki filmdən 20 dəfə güclü film olacaq. Birinci "Niyə" ilə ikinci arasında 10 il vaxt olmuşdu. İnanıram ki, bu filmdə komanda olaraq çox yaxşı iş ortaya çıxaracayıq. Film tam olaraq ailə filmidir və sevdiklərinizlə rahat şəkildə izləyə biləcəksiniz. 18+ və digər vulqar səhnələr yoxdur".
 
Son olaraq Müşviq aparıcılıq etməsinə də toxunub: "Heç vaxt aparıcılıq etməmişdim. Xəzər TV-də "Ailələr yarışır" adlı verilişin aparıcısıyam. Maraqlı məqam da odur ki, "O kuş buraya gelecek" filmindəki tərəf müqabilim Ufuk Özkan da mənim kimi öz ölkəsində eyni verilişin aparıcısı olub. Filmin setində bunu bildik və çox maraqla qarşıladıq. Mən sadəcə bu sahədə özümü sınayıram, heç vaxt özümü professional aparıcı hesab etmirəm. Sadəcə olaraq bu da maraqlı sahədir və təklif gəldi, qəbul etdim".

ŞƏRH YAZ
2

“Emmy” mükafatı alan aktrisa səhnədə söyüş söydü — VİDEO

“Emmy” mükafatı alan aktrisa səhnədə söyüş söydü
16:09
18.09.2018
4287
Maqazin
A
Hər il ən yaxşı televiziya işlərinin seçildiyi “Emmy” mükafatlarının təqdimetmə mərasimi keçirilib.

“Ölkə.Az” xəbər verir ki, “ən yaxşı qadın aktrisa” mükafatına layiq görülən Tandi Nyuton təşəkkür çıxışı üçün səhnəyə çıxıb. Bu zaman o, söyüş söyüb və zaldakıların gülüşünə səbəb olub.

Tandi “Westworld” serialındakı roluna görə “ən yaxşı köməkçi qadın aktrisa” mükafatına layiq görülüb. O, çıxışı zamanı “Birlikdə işlədiyim insanlarla işlədiyim üçün çox xoşbəxtəm” deyərkən ağzından söyüş çıxıb. Qısa müddət ərzində özünü toplayan aktrisa gülümsəyərək çıxışını tamamlayıb.

 

Hikmət Həsənov
Ölkə.Az

ŞƏRH YAZ
0

Anar Nəcəfli aparıcılığa qayıtdı — VİDEO

Anar Nəcəfli aparıcılığa qayıtdı
13:21
18.09.2018
9027
Maqazin
A
Yeni mövsümdə “ARB” kanalına dəvət edilən növbəti aparıcının kimliyi məlum olub.

“Ölkə.Az” xəbər verir ki, uzun illərdir aparıcılıqdan uzaqlaşan Anar Nəcəfli yenidən efirlərə qayıdıb.

Belə ki, məşhur sima 24 sentyabrdan etibarən hər axşam saat 20:00-da ARB TV-də xəbərlər proqramına aparıcılıq edəcək.

Qeyd edək ki, Anar Nəcəfli həm də “Azəryolservis” ASC-nin mətbuat xidmətinin rəhbəridir.

ŞƏRH YAZ
0
BAĞLA