Bu gecə internet təminatında fasilələr yarana bilər

Bu gecə internet təminatında fasilələr yarana bilər
17:02
14.11.2017
1503
Ölkə
A
Bu gecə internet təminatında fasilələr yarana bilər.

"Ölkə.Az" xəbər verir ki, "Bakı Telefon Rabitəsi" MMC-dən Trend-ə verilən məlumata görə, xidmət keyfiyyətinin yüksəldilməsi və internet trafikinin artırılması məqsədilə "Bakinternet"in texniki platformasında təkmilləşdirmə işləri aparılacaq.

Profilaktik işlər zamanı noyabrın 15-dən 16-na keçən gecə, saat 04:00-dan 06:00-dək paytaxtın bəzi ərazilərində internet təminatında fasilələr yarana bilər.

MMC yarana biləcək kəsintilərə görə üzr istəyir, profilaktik tədbirlərin nəzərə alınmasını xahiş edir.

ŞƏRH YAZ
0

Külli miqdarda narkotik dövriyyədən çıxarıldı

Külli miqdarda narkotik dövriyyədən çıxarıldı
12:10
Bu gün
137
Ölkə
A
Ötən gün Ağcabədi rayonunda polis əməkdaşları tərəfindən külli miqdarda narkotik vasitə götürülərək qanunsuz dövriyyədən çıxarılıb.

DİN Mətbuat Xidmətindən "Ölkə.Az"a verilən məlumata görə, Ağcabədi Rayon Polis Şöbəsi əməkdaşlarının keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən şəhər sakini, əvvəllər məhkum olunmuş Asəf Qafarov saxlanılıb. 

Şəxsi axtarış zamanı onun üzərində narkotik vasitə olan heroin aşkar edilib. Davam etdirilən əməliyyat-axtarış tədbirləri ilə A.Qafarovun yaşadığı evdən isə daha çox - çəkisi 5 kiloqram 150 qram olan marixuana da polis əməkdaşları tərəfindən aşkar edilərək götürülüb.

​Faktla bağlı cinayət işi başlanılıb, istintaq aparılır.

Ölkə.Az

ŞƏRH YAZ
0

Fədayə Laçının məhkəməsi təxirə salındı

Fədayə Laçının məhkəməsi təxirə salındı
12:01
Bu gün
130
Ölkə
A
Bakı Ağır Cinayətlər Məhkəməsində xüsusi təyinatlı vaqondan məhbusların qaçmasında təqsirləndirilən müğənni Fədayə Laçın və daha 12 nəfərin cinayət işi üzrə məhkəmə prosesi davam etdirilib.

"Ölkə.Az" xəbərinə görə, hakim Azad Məcidovun sədrliyi ilə keçirilən prosesdə  təqsirləndirilən Bəhruz Abdullayevin vəkilinin prosesə gəlmədiyi məlum olub. 

Hakim bildirib ki, vəkil gəlmədiyi üçün iclas keçirilə bilməz. 

Məhkəmə prosesi dekabrın 17-dək təxirə salınıb. 

Ölkə.Az

ŞƏRH YAZ
0
BAĞLA