Bu görüntülər yenidən UNO müzakirələrini alovlandırdı — VİDEO

Bu görüntülər yenidən UNO müzakirələrini alovlandırdı
13:19
13.07.2017
52
Maraqlı
A
Meksikanın Puebla əyalətinin Qveçolak qəsəbəsində yeni görüntü lentə alınıb.

"Ölkə.Az" xəbər verir ki, görüntülərdə səmada fırlanan qara bir dəlik müşahidə edilir. İngiltərənin "The Mirror" qəzetinin internet səhifəsində paylaşılan video çarx UNO müzakirələrini yenidən alovlandırıb.

Səmada fırlanan nəhəng qara dəlik qəsəbə sakinlərinin marağına səbəb olub. Bəziləri gördüyünün uçan dairə olduğuna inanıb. Bəziləri isə buludlarla əhatələndiyini qeyd edərək bir hava hadisəsi olduğu qənaətinə gəlib.

Video görüntünü oxucularımıza təqdim edirik:


Hikmət
Ölkə.Az

ŞƏRH YAZ
0

Günün qoroskopu: yeni ideyalara kor-koranə aldanmayın

Günün qoroskopu: yeni ideyalara kor-koranə aldanmayın
01:07
Bu gün
2757
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - ötənlərdə əldə etdiyiniz təcrübəyə əsaslanaraq qərar verin. Situasiyadakı dəyişiklikləri nəzərə alın. Yeni sxemlərdən, problemlərin həllində alternativ yanaşmadan yararlanın. Planlaşdırılmamış xərclər ola bilər. Narahat olmayın, maliyyə durumunuza ağır zərbə dəyməyəcək. Günün ikinci yarısında ailə problemlərinin həlli xeyli vaxt alacaq. Yaranan çətinliklərin öhdəsindən gələ bilərsiniz. Ailə üzvlərindən biri ilə fikir ayrılığı istisna deyil. Kompromisə meylli, səbrli və təmkinli olun.

Buğa - adi günlərdən fərqli olaraq daha çox mühafizəkarlıq və qayda tələb olunan zamandır. Yeni ideyalara kor-koranə aldanmayın. Azadlıq, innovasiyalar və "tərəqqi" istəyənlərin sözlərinə şübhə ilə yanaşın. Maliyyə məsələlərini qaydaya salmaq, hesabları ödəmək, borcları qaytarmaq zamanıdır. Günün ikinci yarısında yaxınlarınıza təzyiq göstərərək bütün istəklərinizin və tələblərinizin yerinə yetirilməsini istəməyin. Ailə qayğılarını, məişət məsələlərini nəzərə alın. Təzyiq münaqişə istəyi və ya arzusu kimi qəbul oluna bilər.

Əkizlər - günün ilk yarısında ağır işə başlamayın. Mürəkkəb hesablamalar və dəqiq davranış tələb edən məqamlar var. Virtual məkanda ünsiyyət ilk baxışdan asan təsir bağışlaya bilər. Sayıq olun. Günün ikinci yarısında maraqlı insanlarla söhbətdən yayınmayın. Müzakirələrdə və məsləhətləşmələrdə fayda var. Əlavə gəlir mənbəsi aşkarlanacaq. Maraqlarınızı başqalarının planlarına qurban verməyin. Yeni tərəfdaş və ya müttəfiq əldə edə bilərsiniz. Axşam saatlarında normal istirahət edin.

Xərçəng - ən müxtəlif işlərin yerinə yetirilməsi üçün münasib zamandır. Özünüzdən bədgüman olmayın. Qüvvə və potensialınıza şübhəniz olmasın. İndiyədək reallaşdırılmasını arzuladığınız məsələni gerçəkləşdirməyə başlayın. İradəli olun, əsla və heç bir halda geri çəkilməyin. Çoxdan bəri hazırladığınız planı həyata keçirməyə başlayın. Günün ikinci yarısında ailədəki situasiya stabil olacaq. Qarşılıqlı anlaşma daha aşkardır. Yaxınlarınız sizə yardım etməyə hazırdır. Səhhətinizə fikir verin. Pəhriz barədə düşünün.

Şir - məhsuldar fəaliyyət üçün həddən ziyadə çətin zamandır. Adi günlərdən fərqli olaraq bu gün başqalarının məsləhətlərinə daha çox qulaq asmalı olacaqsınız. İradlar və tənqidlərin də sayı az deyil. Bütün diqqəti işə yönəltmək asan deyil. Günün ikincısı yarısında mənasız söhbətlərə və ya bezdirici xahişlərə fikir verməyin. Yaxınlarınızdan biri ilə münasibətiniz pisləşibsə, indi barışmağa cəhd edə bilərsiniz. Qüruru və ya utancaqlığı müvəqqəti olaraq unudun. Münasibətlərdə harmoniyanı bərpa etmək şansları var.

Qız - şübhəli və riskli məsələlərdə inadkar olmayın. Nə isə etmək istəyirsinizsə, diqqətli və sərvaxt olun. Düşünülməmiş addımlar atmayın. Məntiqin səsinə qulaq asın. Uğur əldə etmək istəyirsinizsə, qeyri-effektiv metodlardan yararlanmaq əvəzinə məsləhətlərə qulaq asın. Günün ikinci yarısında yaxınlarınızla təmaslarda inciklik və anlaşılmazlıqların münaqişəyə səbəb olmasına imkan verməyin. Yaşam potensialınızın səviyyəsi yüksək olacaq. Axşam saatlarında ağır işlə məşğul olmayın.

Tərəzi - maraq göstərdiyiniz məşğuliyyət və ya iş yaxın ətrafınızdakı insanlara maraqsız proses təsiri bağışlaya bilər. Görüləsi işlər rutin və ya bezdirici görünsə də, dayanmayın. İşləri yarımçıq saxlamayın. Başqalarının sizə təsir göstərməsinə, işlərinə müdaxilə etməsinə imkan verməyin. Günün ikinci yarısında maliyyə məsələlərində diqqətli olmayın. Ümumiyyətlə, risk etməyin. Səhvlərdən sığortalanmayıbsınız. Şəxsi münasibətlərdə uzun müddətdən bəri gözlədiyiniz hadisə sizi sevindirməyə bilər. Sevdiyiniz insan axşam saatlarında romantik hisslərə köklənəcək və sizə xoş sürpriz edəcək.

Əqrəb - günün ilk yarısında bütün işləri əvvəlcədən planlaşdırmağa çalışmayın. İntuitiv hərəkət etsəniz, ciddi reqlamentdən çıxaraq daha böyük və ciddi uğurlara nail ola bilərsiniz. Fəaliyyət azadlığı mütləqdir. Zəruri saydığınız kimi hərəkət edin. Günün ikinci yarısında şəxsi həyatınızda proseslər həddən artıq intensiv olacaq. Özünüzü pərişan və tənha hiss etməyin. Psixoloji diskomforta qapılmayın. Axşam saatlarında diqqətli olun.

Oxatan - əyləncə və istirahət fikirlərini təxirə salın. Çoxsaylı problemlər yarana bilər. Planlaşdırdığınız bəzi tədbirləri və işləri təxirə salmalı olacaqsınız. Səbrli və təmkinli olsanız, situasiya sizi qıcıqlandırmayacaq. Günün ikinci yarısında yaxınlarınızın qəlbinə dəyməyin. Etibarlı və sınanmış dostlarla müzakirələr vasitəsilə problemləri həll etmək olar. Yeni tanışlarla ehtiyatlı davranın. Axşam saatları insanların gur olduğu yerə qatılmaq və ya uzaq yola çıxmaq üçün əlverişli deyil.

Oğlaq - günün ilk yarısından etibarən mühüm işləri yerinə yetirməyə başlayın. Sədlər və maneələr qarşısında geri çəkilməsəniz, məhsuldar çalışmağınız mümkün deyil. Prosesi təxirə salmayın. Bir işi başa vurmamış başqasına başlamayın. Günün ikinci yarısında bəzi problemlərin həllini yaxın ətrafınızdakı insanlara həvalə edə bilərsiniz. İstənilən situasiyada təmkinli qalın. Səhhətinizə fikir verin. Rasionu pozmayın. Axşam saatlarında əhvalınızda ciddi dəyişikliklər ola bilər. Bəzi olayların, xüsusilə də məişət problemlərinin önəmini və miqyasını böyütməyin. Adi günlərlə müqayisədə yaxınlarınız sizi daha çox tənqid edəcəklər.

Dolça - özünüzə və problemlərinizə həddən ziyadə vaxt ayırmayın. Dəyər verdiyiniz insanları unutmayın. Sağlam eqoizm pis deyil. Amma başqalarını da düşünmək gərəkdir. Maraqlarınızın təminatı üçün vədlərinizi unutmayın. Günün ikinci yarısında ifrat aktivliyə varmayın. Hesablama və sənədləşdirmə ilə bağlı işlərdə diqqətli olun. Axşam saatlarına yaxın yaşam potensialınızın səviyyəsində eniş olacaq. Bədbinliyə qapılmayın.

Balıqlar - yaxın ətrafınızdakı insanlarla ünsiyyətdə süni probelmlər yaratmayın. Rabitə vasitələri və ya texnikanın işində problemlər yarana bilər. İşlərinizə qapılaraq ailə üzvlərinin xahişini qulaqardına vurmayın. Öhdəlikləri unutmayın. Günün ikinci yarısında şəxsi münasibətlərdə problemlər olmayacaq. Ailədə rəvan, həlim münasibətləri qoruyun. Məişət qayğıları və problemlərdən tam yayınmaq mümkün deyil. Amma nikbin olsanız, bütün problemlərin öhdəsindən gələ bilərsiniz.

Ölkə.Az

ŞƏRH YAZ
0

Mənsimovun batan gəmisi və yaxınlaşan final

Mənsimovun batan gəmisi və yaxınlaşan final
23:30
16.01.2018
6863
Maraqlı
A
“Ölkə.Az” “Avropa.info”ya istinadla "Mənsimovun batan gəmisi və yaxınlaşan final" yazısını təqdim edir

"Palmali"nin rəhbəri Mübariz Mənsimovun biznesində yaranan problemlər artıq bir neçə ildir ki, medianın gündəmindən düşmür. Bu illər ərzində Mənsimovun yaranan problemlərlə bağlı çoxsaylı açıqlamaları olub. Bir çox hallarda bir-birini təkzib edən bu açıqlamalar üzərindən toz dumanı artıq yavaş-yavaş qalxır. Əvvəllər biznesində heç bir problemin olmadığını israrla desə də, daha sonra Türkiyədəki otel və turizm obyektlərini satdığını və yalnız gəmiçiliklə məşğul olacağını bəyan etdi. 

Son vaxtlar isə bu illər ərzində bütün danışdıqlarını təkzib edərək, tam fərqli şeylər quraşdırmağa başlayıb. Üstəlik, bu dəfə radikal və siyasi çalarlarla...

"Palmali"də işlərin tərs getdiyi aydındır. Artıq pişik çoxdan torbadan çıxıb və gizlətməli heç nə yoxdur. Onun biznesini öz çiyinlərində qaldıran iki dövlət - Rusiya və Azərbaycan rəsmi dairələri ilə münasibətləri hansısa səbəblərdən korlanan Mənsimovun biznesi hazırda batmaqda olan gəmini xatırladır. Mənsimovun bütün son açıqlamaları da batan gəmidən eşidilən isterik və sistemsiz çığırtılardan başqa bir şey deyil. 

Durum isə ortada: "Lukoil" və "Socar"la çəkişmələr... Təzadlı açıqlamalar... Məhkəmə prosesləri... Külli miqdarda kredit borcları və s. 

Bəs Mənsimov xilas olmaq üçün nə edir? Buraxdığı səhvləri analiz edirmi? Niyə xilasedici kəmərlərdən yox,  suyun üzərinə dağılmış saman çöplərindən yapışır?

Niyə adamın birdən-birə parlayan adı, biznesi eyni sürətlə də çökməkdədir?

Türkiyədə və digər ölkələrdə qurduğu və batmaqda olan biznesi haqqında detallı bilgilərə sahib olmasaq da, Azərbaycandakı biznesləri və nəyi-necə batırdığının şahidiyik.

Qısa müddətdə ulduzu parlayan "Xəzər-Lənkəran" hekayəti gözümüzün önündə bir an içində sönmədimi? Klubun qeyri-peşəkar idarəçiliyinə, tez-tez icraçı direktor dəyişikliyinə, maliyyə qalmaqallarına, şübhəli məşqçi və oyunçu transferlərinə cavabdeh kim idi? Azarkeşlərmi, başı dumanlı qardaşımı, yoxsa hamını stadiona qoyun buraxacağı ilə şantaj edən Mübariz Mənsimov özümü?

Minlərlə kəndlidən südü toplayıb pullarını hələ də ödəyə bilməyən "Pal Süd"ün çöküşündə kimi günahlandırasan? Süd qəbulu məntəqələri adı altında südü kəndlidən ucuz alıb, zavoda baha satan və zavodun zərərlə işləməsini şərtləndirən Mənsimovun qohumlarımı, yoxsa adi kəndlilərmi?

Mənsimov isə hələ də çığırır. Düşünmür, çıxış yolu axtarmır, məhz çığırır. Son açıqlamalarında həm də "kompramat" və "oğru" söhbətlərinə qədər enmiş, yuxarı dairələri şantaj edəcək qədər ucuzlaşıbdır. "Mən bəziləri və övladları kimi büdcədən oğurlamamışam"- deyir. Bəs dövlət tenderlərini maneəsiz udanda, milyonları havaya sovuranda nə fikirləşirdi? Onlar büdcə pulu deyildimi? Aldığı kreditləri özünün, qardaşlarının, yaxınlarının bahalı şəxsi təyyarə və avtomobil kolleksiyalarına, əyləncələrinə xərcləyəndə, bu pulların qaytarmaq vaxtının da gələcəyini düşünmürdümü? Ara qarışıb məzhəb itən ziyafətlər təşkil edib, onun "səxavətli şahzadəsi"nə çevrilən, Lənkərana gələndə Bakıdan helikopterlə qızlar sifariş edib gətizdirən, "yox, bəyənmədim, qaytarın, yenilərini gətirin" deyən hansı vətənpərvər idi bəs?

Axı vətənpərvərlik ritorikasını özünə sığınacaq etməklə kreditləri, borcları qaytarmaq mümkün olsaydı, devalvasiyadan sonra banklara borclu qalan çoxsaylı Azərbaycan vətəndaşları gedib bankların qabağında "İstiqlal" marşı oxuyardılar.

Görünən odur ki, SSRİ dağılandan sonra Rusiyada şübhəli əlaqlər hesabına qısa zamanda varlanan bir çox şəxslər kimi Mənsimov da normal kapitalist ölkələrə açılandan az sonra əldə etdiklərini idarə edə bilmədi. Axı bunların böyük hissəsini özü qazanmamışdı. Eynən Telman İsmayılov kimi...

Budur, biz daha bir "Titanik"in batışını seyr etməkdəyik. Təəssüf ki, sahildə tamaşaya duran bizlərin xorla oxuyacağı heç bir vətənpərvərlik şərqisi belə, bu səhnənin finalını dəyişə bilməyəcək.

Ölkə.Az

ŞƏRH YAZ
3
BAĞLA