Bu gün 28 dərəcə isti olacaq

Bu gün 28 dərəcə isti olacaq
09:00
17.05.2018
595
Ölkə
A
Bu gün ölkə ərazisində gözlənilən hava şəraiti ilə bağlı məlumat açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında hava şəraitinin az buludlu olacağı, yağmursuz keçəcəyi gözlənilir. Şimal-qərb küləyi əsəcək, gündüz cənub-şərq küləyi ilə əvəz olunacaq.

Havanın temperaturunun Abşeron yarımadasında gecə 15-17, gündüz 23-28, Bakıda gecə 15-17, gündüz 26-28 dərəcə isti olacağı gözlənilir.

Atmosfer təzyiqi 764 civə sütunu, nisbi rütubət gecə 60-65, gündüz 40-45 faiz təşkil edəcək.

Abşeron çimərliklərində

Bu gün şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) Şimal-qərb küləyi əsəcək, gündüz cənub-şərq küləyi ilə əvəz olunacaq. Dəniz suyunun temperaturu 17-18 dərəcə isti təşkil edəcək.

Cənub çimərliklərində (Türkan, Hövsan, Sahil, Şıx) şimal-qərb küləyi əsəcək, gündüz cənub şərq küləyi ilə əvəz olunacaq. Dəniz suyunun temperaturu 19-20 dərəcə isti təşkil edəcək.

Azərbaycanın rayonlarında

Mayın 17-də hava şəraitinin əksər rayonlarda əsasən yağmursuz keçəcəyi, lakin gündüz bəzi şimal və qərb rayonlarında şimşək çaxacağı, qısamüddətli yağış yağacağı ehtimalı var. Şərq küləyi əsəcək.

Havanın temperaturunun gecə 14-19, gündüz 27-32, dağlarda gecə 5-10, gündüz 13-18 dərəcə isti olacağı gözlənilir.

Tibbi-meteoroloji proqnoz

Bu gün Abşeron yarımadasında meteoroloji amillərin zəif tərəddüdü meteohəssas insanlar üçün əlverişlidir.

ŞƏRH YAZ
0

Azərbaycan hərbçiləri Türkiyədə təlimdə — FOTO

Azərbaycan hərbçiləri Türkiyədə təlimdə
11:47
Bu gün
229
Ölkə
A
Türkiyənin Kayseri vilayətində “Erciyes-2019 Tatbikatı" hərbi təlimləri başlayıb.

"Ölkə.Az" xəbər verir ki, təlimdə Azərbaycan Hərbi Hava Qüvvələri (HHQ) hərbçiləri də iştirak edirlər. 

Ümumilikdə, təlimə Türkiyə, Azərbaycan, Pakistan və Gürcüstandan 12 rütbəli hərbiçi qatılıb. Təlimlərdə Rumıniya, ABŞ, İtaliya və Qətər nümayəndələri müşahidəçi qismində iştirak edir. Təlimləri 33 ölkədən 39 attaşe izləyir. Təlimdə, həmçinin 67 növ hərbi maşın və 354 müxtəli çaplı silah istifadə olunacaq. 

Qeyd edək ki, təlimin son günündə 128 əsgər 1200 metr yüksəklikdən statik tullanış həyata keçirəcək. 

ŞƏRH YAZ
0

8 xəstəliyi olan məktəb direktorundan — MARAQLI AÇIQLAMA

8 xəstəliyi olan məktəb direktorundan
11:20
Bu gün
564
Ölkə
A
Lerik rayonun M.Qafarov adına Siyov kənd tam orta məktəbinin direktoru İlham Əmirov eyni vaxtda səkkiz xəstəlikdən əziyyət çəkirmiş.

Sözügedən məktəbdə işləyən Zeynalov Əliman Əlimusa oğlu "Ölkə.Az"ın redaksiyasına göndərdiyi məktubda bildirir ki, kollektiv bundan aprel ayınnı 22-də xəbər tutub:

"Biz bir ay öncə bilmişik ki, direktorumuz II qrup əlil kimi pensiya alır. Onun haçansa xəstələnməsi haqqında heç kimin xəbəri yoxdur. Əgər o xəstələnsəydi, xəstəxana büllüten verərdi və həmin  bülleten məktəbin yerli həmkarlar təşkilatının iclaslarında müzakirə olunmalı idi. Bunların heç biri olmayıb. "Pulunu ver, şəklini çəkdir" prinsipi ilə təqaüdə çıxmış direktorumuz Əmirov İlham Əvəz oğlu müəllimlikdən başqa çox şeylər bilirmiş. Direktoru olduğu məktəbdə törətdiyi saxtakarliqlar azmış, saxta yolla pensiya almaqla da dövlətimizin büdcəsini talamaq və çoxlu pul qazanmaq istəyir. Xahiş edirəm bu işlə əlaqadar araşdırma aparasınız və ictimailəşdirəsiniz".

Əməkdaşımız sözügedən məsələ ilə bağlı İlham Əmirovla əlaqə saxlayıb. Direktor bildirib ki, səsləndirdiyi ittihamlara görə Əliman Zeynalovu məhkəməyə verib:

"O adam mənimlə qərəzlidir. Uzun müddətdir ki, haqqımda böhtan xarakterli məktublar yazır. O ki qaldı xəstəliyə, bəli, mən xəstəyəm. Əgər xəstəlik sənədi səhvdirsə, istənilən vaxt ləğv edilsin, etirazım yoxdur.  Əlimanın yazdıqlarına gəlincə, onu 20 min təzminat tələbi ilə məhkəməyə vermişəm". 

Əməkdaşımızn "səkkiz xəstəliyi olan şəxs direktor ola bilərmi" sualını İ.Əmirov belə cavablandırıb:

"Xəstəliyi mən təyin etməmişəm. Elə başa düşürəm ki, ikinci qrup əlil direktor işləyə bilər. O kağızı da mənə tibbi ekspert komissiyası verib".

Qeyd edək ki, şikayətçinin redaksiyamıza göndərdiyi sənəddə direktor İlham Əmirovun bir neçə xəstəlikdən (Böyük Betta-talassemiya, davamlı anemiya ilə müşayiət olunan xroniki anemiya, qaraciyərin böyüməsi, hiposplenizm, əməliyyatdan sonrakı aspleniya. dalağın götürülməsi, xroniki qan damar çatışmazlığı III dərəcə) əziyyət çəkdiyi qeyd edilir. 

İntiqam VALEHOĞLU
Ölkə.Az

ŞƏRH YAZ
0
BAĞLA