Bu gün Avroliqada çempion müəyyən ediləcək

Bu gün Avroliqada çempion müəyyən ediləcək
01:30
16.05.2018
1802
İdman
A
Bu gün Avropa Liqasında final oyunu keçiriləcək.

"Ölkə.Az" xəbər verir ki, qitənin ikinci dərəcəli klub turnirinin qalibi Fransada müəyyənləşəcək.

Lion şəhərində baş tutacaq həlledici görüşdə Fransa “Marsel”i ilə İspaniya “Atletiko”su üz-üzə gələcək. Marsellilər 25 illik kubok həsrətinə son qoymağa çalışacaq.

1992/93 mövsümündə Çempionlar Liqasını qazanan Fransa təmsilçisi finala qədər irəlilədiyi digər üç imkandan yararlana bilməyib. UEFA kubokunda iki belə uğursuzluğu olan “Marsel” ilk dəfə Avropa Liqasının qalibi olmağa çalışacaq.

“Atletiko” isə 6-cı kuboku qazanmaq əzmindədi. Madridlilər Avropa Liqası və Superkubokun hərəsində 2, Kuboklar kubokunda bir uğur əldə edib. İspaniya klubu 1986-cı ildə Kuboklar kubokunun finalında Kiyev “Dinamo”suna 0:3 hesabı ilə uduzduğu stadionda ikinci cəhdini gerçəkləşdirəcək.

Qeyd edək ki, “Marsel” qələbə qazansa, Çempionlar Liqasının qrupuna vəsiqəni də təmin edəcək.

Ölkə.Az

ŞƏRH YAZ
0

Rüstəm Orucov dünya çempionatına qələbə ilə başladı

Rüstəm Orucov dünya çempionatına qələbə ilə başladı
11:36
Bu gün
44
İdman
A
Azərbaycanın qadın cüdoçusu İçinxorlu Munxtsedev Bakıda davam edən dünya çempionatında mübarizəni erkən dayandırıb.

"Ölkə.Az"ın məlumatına görə, 57 kq çəki dərəcəsindəki idmançı 1/32 finala təsadüf edən ilk görüşündəcə almaniyalı Amelie Stolla ipponla uduzub.

Kişilər arasında 73 kq çəki dərəcəsində yer alan azərbaycanlı Avropa çempionı Rüstəm Orucov isə dünya çempionatına qələbə ilə başlayıb.

73 kq çəki dərəcəsində yer alan 27 yaşlı idmançı ilk görüşündə misirli Məhəmməd Mohyeldinə qalib gəlib. O, 1/2final görüşündə 1 dəqiqə 22 saniyəyə ipponla qələbə qazanıb. Avropa çempionunun 1/16 finalda rəqibi Viktor Mrovçinski (Polşa) - Viktor Skvortsov (BƏƏ) cütünün qalibi olacaq. 

Bu çəkidəki azərbaycanlı digər cüdoçu Hidayət Heydərov isə 1/32 finalda iraqlı Sajjad Sehenlə üz-üzə gələcək. 

ŞƏRH YAZ
0

Daha 3 cüdoçumuz mübarizəyə qoşulacaq

Daha 3 cüdoçumuz mübarizəyə qoşulacaq
10:41
Bu gün
90
İdman
A
Bu gün Azərbaycanın daha 3 cüdoçusu dünya çempionatında mübarizəyə qoşulacaq.

"Ölkə.Az" xəbər verir ki, Bakıda davam edən dünya çempionatında bu gün Azərbaycanın daha 3 cüdoçusu tatami üzərinə çıxacaq.

Kişilərdən 73 kq çəkidə yer alan Avropa çempionları Rüstəm Orucovla Hidayət Heydərov mübarizə aparacaq. Onlar mübarizəyə 1/32 final mərhələsindən başlayacaqlar. 27 yaşlı Orucovun ilk rəqibi misirli Məhəmməd Mohyeldin olacaq. 21 yaşlı Heydərov isə iraqlı Sajjad Sehenlə üz-üzə gələcək.

Qadınların yarışında isə 57 kq çəkidə İçinxorlu Munxtsedev qüvvəsini sınayacaq. 1/32 finalda onun bəxtinə almaniyalı Amelie Stoll düşüb.

İlk görüşlər saat 10:00-da start götürüb. Saat 16:00-da isə medal qarşılaşmaları olacaq.

Dünya çempionatı

57 kq

1/32 final. İçinxorlu Munxtsedev - Amelie Stoll (Almaniya)

73 kq

1/32 final. Rüstəm Orucov - Məhəmməd Mohyeldin (Misir)

1/32 final. Hidayət Heydərov - Sajjad Sehen (İraq)

Qeyd edək ki, ilk iki yarış günündə Azərbaycan cüdoçularından ən yüksək nəticəni Kəramət Hüseynov göstərib. 60 kq çəki dərəcəsində yer alan 20 yaşlı idmançı 5-ci yeri tutub.

ŞƏRH YAZ
0
BAĞLA